#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الـثــانـيـة و الـثـمــــانـــون بعـــد المـئـــة♧
صباح يوم جديد.. ميرا معتدلة فجلستها على سرير المشفى تجمع شعرها و سيرجيو بجوارها واقف يستناها تخلص باه يروحو.
سيرجيو " راكي متأكدة انك حاسة روحك مليحة "
ميرا " للمرة الألف.. نعم.. خلينا نروحو " يخليها تسبق قدامو و يمشي بجوارها حتى يخرجو من المشفى. وين ينطلقو راجعين للمنطقة الخاصة.
ميرا " ماحاباش نرجع درك.. ياك حتى اليوم إجازة "
سيرجيو " راكي مريضة.. لازم ترتاحي "
ميرا " للمرة الألف و واحد.. راني مليحة "
سيرجيو "ماكانش نقاش فالموضوع"
ميرا " سيرجيو.. البارح راودني حلم غريب.. كأنو حقيقي.. شعوره يشبه شعوري إتجاه كابوس الإعتداء"
سيرجيو بشك" معقول تكون ذكرى من الماضي "
ميرا " يمكن.. انذكر فيها إسمين نعرفهم .. ديڤ و وليد.. كان شخص يقول انو ديڤ كان هدفو يركع وليد تحت رجليه.. شي من هاد القبيل.. و شخص كان يعتذر.. كان كلش مشوش كشاشة تلفاز قديمة "
سيرجيو " يمكن هذا بسبب لي صرا البارح.. إنتقامك من جهة و دخولك الملهى.. أنا نعتذر ب"
ميرا مقاطعة ليه " تعتذر بشدة لانك دخلتني للملهى بإجبار منك.. للمرة المليون نقول ليك.. ما كنتش مجبرة.. خلينا نبقاو برا.. روح لاي مكان ثاني.. تعييش سيرجيو " يشوف ليها للحظات و يرجع يلف بالسيارة رايح ناحية مكان هادي قرب بحيرة.
ـــــــــــــــــــــــــــــــــــــــــــــــــــــــــــ
الصباح نفسو.. لكنو مليء بالصداع بالنسبة للي سهرو فالمخمرة.. كلهم عدا ستيڤن رجعو للمنطقة الخاصة بفضل مارثا لي كانت صاحية. قاعدين يتناولو فطورهم و مارثا تراقب ناتالي و هذه الاخيرة كانت منتبهة ليها. و تساءلت بإستغراب.
ناتالي " نقدر نعرف سبب تحديقاتك هذه "
مارثا " يعني ماكي متذكرة والو "
ناتالي " واش قصدك " تجاهلت مارثا الإجابة و عادت بنظراتها للهاتف. بعد لحظات نزل وليد هو الآخر راسه حاب ينفجر من الصداع.
وليد " صباح الخير "
الجميع " صباح الخير " يجلس بجوار مارثا و لي تشوف ليه بنفس النظرات بدون انقطاع حتى يتقلق و يلتفت ليها يلقى عيونها متبتة فيه "
وليد " واش كاين.. علاه هاد النظرات "
مارثا " يعني ماراك متذكر والو؟ "
وليد "واش لازم نتذكر؟"
إيڤا " ما تحكيلهم و خلاص "
مارثا " يعني نتي راكي متذكرة "
إيڨا " نوعا ما " تاخد مارثا هاتفها و تفتح الفيديو و تحطو امام وجه وليد، ليصحى فجأة قبل أن يرتشف القهوة حتى.. بنظرات مصدومة يشاهد الفيديو .. و يلتفت لناتالي لي ماكانت فاهمة والو "
وليد " وينتا صرا هاد الشي "
مارثا " هذا القليل فقط.. الباقي كملتوه فالحمام "
ناتالي " واش كاين؟ وروني حتى أنا"
مارثا " تفضلي شوفي بعينيك " تسلملها التيليفون و اللي تشهق بصوت مرتفع لما تشوف الموقف.. و تلتفت بدورها لوليد يلي كان محرج أو يدعي الإحراج لكنو كان يتجنب النظر ليها.
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
General Fiction♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
