♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟
تتغير الأحداث هنا حيث ستجد...
♧الحلقـــــــــــــة الثــــــــامنـــة عشــر بعـــد المـئـــة♧ صباح جديد. وليد من صباح مبكر جهز روحه و راح عند الشخص لي كان يحاكيه. قاعد فكافي على برا و يشوف حولو حتى تقدم منه واحد و قال ليه " أنت هو وليد؟ " وليد " إيه.. سميث مانيش غالط " يتقدم سميث يقعد و يقول ليه " نعم.. تحب تروح درك تشوف الموقع لي خبرتك عليه " وليد " على هاد شي اجتمعت بيك.. لازم نشوف.. بصح أكيد مواقع كيف هادي كاينة بزاف هنا فروسيا.. واش يضمني أنها هي لي نحوس عليها" سميث " ما نضمنلكش.. أنا عطيتك معلومات ممكن تفيدك.. إذا ماكانش هو.. شوف موقع ثاني " يهز وليد راسه بضيق وليد " سما الحالة راهي مطولة " سميث " نتا واش هدفك من هاد شي كامل.. علاه حاب تتورط مع عصابات المافيا" وليد " عندي أمور شخصية.. لي عليك نتا توصلني للموقع " سميث " خلينا نروحو من درك أحسن ". يوقف وليد و سميث و وجهتهم كانت وسط غابة كثيفة فقلب روسيا الواسعة. ــــــــــــــــــــــــــــــــــــــــــــــــــــــــــــــ ميرا فاقت الصباح بكري جهزت روحها لبست فستان أسود مع سترة جلدية دافية و حذاء شتوي مع سماعات موسيقى كبيرة و خرجت من غرفتها نحو غرفة سيرجيو دقت الباب و حد ما رد عليها. فتحتها و دخلت لقاته ناعس في سابع نومة مغطي نصه و نص الثاني عاري رفعت حواجبها و بلعت شفافها و هي تتقدم منه بخطوات حذرة و حنات مقابلة وجهو تخزر ليه ميرا همسا بالعامية" شباب حتى و هو نايم " تتلفت ناحية جسمو العاري و تحرك إصبعها فالهوا ترسم كتافو " جسمو كلو عضلات و وشم.. يناسب شغل المافيا لو ماكان قلبو طيب " يفتح سيرجيو عينيه فجأة و ترجع ميرا براسها للخلف متفاجأة سيرجيو بصوت تعب" كان لازم نتعلم لغتك.. باه نفهم كلامك " ميرا " كنت نحكي على وسامتك " تقلب سيرجيو و تكا على مرفقيه مقابلها و هي مركزة مع عيونه سيرجيو " تعرفي أول يوم شفتك فيه عاملتك بشكل سيء.. كنت حاسبك خادمة عند ديڤ " ميرا " علاه تفكرت هادي درك " سيرجيو " برك ني نحاول نتفكر كيفاه كنتي من قبل.. أول مرة ثاني قلتي كلام بلغتك هادي و أنا ما فهمت منك ولا حرف واحد " ميرا " يا ترى واش قلت " سيرجيو " مين يعرف.. الظاهر مجهزة روحك باه تخرجي " ميرا " جيت باه نخبرك تجهز روحك.. خلينا نروحو نغيرو جو برا.. نتا تعرف الأماكن هنا أحسن مني " سيرجيو " تمام.. خليني نجهز روحي درك و نجي" تعتدل واقفة و ترد عليه " اوكي نستناك برا " تروح هي خارج غرفتو و تجلس على طرف الأريكة تستنا فيه لين ما خلص و لحقها بعدها راحو مع بعض خارج الفندق.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
