#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة التــــــاسعة عشــــر بعـــد المـئـــة♧
فكر بزاف سيرجيو وين المكان لي يناسب يدي ميرا ليه وقتها جا فبالو يروح بيها للساحة الحمراء بما أنها كانت اقرب منطقة سياحية ليهم. ميرا مخرجة راسها مع الشباك عاملة سماعات على ودنيها و مستمتعة بالجو لي كان شباب يومها و حتى الألوان لي تزين مدينة موسكو و جمال مبانيها. حبس وقتها سيرجيو فالموقف و كملو الطريق مشي. ميرا كانت سابقاه و عاملة موسيقى مندمجة مع روعة المكان لوحدها و هو عامل يديه في جيوبه و متبعها و فبالو يتفكر يوم أمس و جرأتها.. كل مرة تصدر منها تصرفات غريبة ما يفهمش من وين قاعدة تتعلمها. شوي و لحقو إتصال من رضا.
سيرجيو " أهلا سيدي.. أي اوامر "
رضا " وين راكم درك "
سيرجيو " راني رفقة ميرا.. بما أنو خلصنا المهمة درك رانا ندورو فموسكو.. كاين شي مشكل سيدي"
رضا "انتبهو لأنفسكم.. قبضنا على جاسوس ثاني تابع لديڤ و خبرنا تحت التعذ..يب أنو بلغ بأمر فك أسركم.. إحتمال تكونو ملاحقين" يعقد سيرجيو حواجبو و يعصر على سنانو فغضب لأنو حس قبل قليل أنو كاين عيون حولو و لكنو نفا الأمر و توقع هادا نتيجة الاسر ليي كان فيه من فترة، ينظر حولو بتعقب ويقول " أمرك سيدي.. راح ناخذو حذرنا.. و راح نرجعو فأقرب وقت "
رضا " ماكان علاه.. حاولو ما تلفتوش الإنتباه لأنو راح نستغلو الخائن حاليا باه نعرفو معلومات على الشخص لي راه يرسلهم"
سيرجيو " تمام سيدي.. راح نعمل إحتياطاتي "
يغلق الخط و يستعجل خطواتو اتجاه ميرا ينزل السماعات على ودنيها وهي تلتفت ليه مستغربة. لتبتسم بعدها و تقول
ميرا " تجاهلتك.. نعتذر كنت مستمتعة بالمكان لدرجة نسيتك"
سيرجيو " عجبك المكان؟ "
ميرا " جدا.. باين مقلق.. واش كاين "
سيرجيو " والو.. خلينا نمشو مع بعض " حكمت ميرا فدراعو و كملو سيرهم فالساحة تماك و سيرجيو عيونو على المكان حولو و مرات كثيرة التفت وراه فحذر شديد لفت انتباهها، فتوقفت فجأة حتى تخطاها بخطوة قبل ما يلف مستغرب و يتساءل
سيرجيو " واش كاين.. علاه توقفتي؟ "
ميرا " أنا لي لازم نسأل هاد السؤال.. راك مقلق و هاد شي قلقني "
سيرجيو " ابدا.. العيشة فالمافيا عودتني نكون هاك هادا كل ما فالموضوع " تركز ميرا فعينيه لدرجة الإرباك و هو أشاح بنظرو بعيد عليها.. يحسها تقراه و تخترق خلايا عقله بعيونها و هاد شي يوتره.
ميرا " علاه تتهرب بعينيك.. اكيد مخبي شي عليا "
سيرجيو " حتى نتي لو ركزتي النظر بعينيك فالمراية راح تتهربي من نظراتك.. شوفتك ماش طبيعية "تهبط عينييها امامها مستغربة ردو.
ميرا" يعني عيوني ماشي شابين "
...... يتبع ♟️
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
General Fiction♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
