قدري الاسود

ذكريات ..وللحكاية بقية...في انتظار الجزء الثاني

وللحكاية بقية...في انتظار الجزء الثاني...

مرحبا........ياترى بعدكم تنتظرون غادة....بطلتنا الها سنتين غايبه ....

الرواية هواي عالم حبوها ...هواي بيها عبر ومعاني ....

غادة/طلعنا للطبيبه بعد ماحجزت كلت ل أمي ....

غادة:ماما روحي تسوكي واشتري الاغراض الي ردتيها علما اخلص ..........

حست بيه اكو شي ومرتبكه ومثل المسوي مصيبه ويريد يضمها بس شيضمها .....

امي: اكلج انتي من اجيتي لهسه تكوليلي لاتجين وياي وهسه تردين بس اتدفعيني شبيج بيج شي ؟

دنكت كتلها "

غادة:لا يمه ماكو شي.....

كلبي كام يخفك بقوة خوف اريد انزل الطفل بدون ماامي تعرف اني حامل
مااعرف ليش خوف صيطر عليه من العشته يمكن ؟؟
راح يوصل سراي وامي تدخل وياي وتعرف شلون ..
لزمت ايدي امي وكالت"

أمي: غادة ..

رفعت راسي

اني: يمه انتي حامل مو .؟؟.

باوعتلها بصدمه .

امي: وجايه تنزلينه ؟؟

بهت وجهي وضاعت روحي .. شااجاوب .دمعت عيني ..

اني:مع الاسف عليج هيج ايمانج صاير ليش يمه ليش ..

غادة: ليش ماردتج تجين وياي من هذا الكلام وقتل نفس وروح يمه عشت بضيم ومالي حظ بالاطفال وصارت غصبن عليه ماريد المن اجيبه حتى اتألم واتوجع وتالي ادفنه انا كلت حتى عقد اعقد

أمي:والله شاطره ورجلج يعرف ..

غادة: اي يعرف وعنده علم يمه فضل عنده خير من الله ومايريد جهال وانا كافي عليه ايلاف وحمزه ماريد كافي دفنت ثلاثه

امي: زين من تنزلينه هذا البطنج شتكولين لالله
شلون كتلتي بيا ذنب شبي معذبج بي شي

غادة:ربي يعرف بحالي واعلم بيه مايحاسبني

أمي: غادة يمه الله لطف بيج وخلصج من ضيم بس هو العالم لوين تبقين بي لو مالطف الله
والحمدلله خلصتي ويجوز هاي هديه رب العالمين الج بعد التعب والمعاناة حتى يعوضج اخو لايلاف وياج بالبيت
ليش تخلين كل تفكيرج سلبي ؟
ليش ماكلتي هذا عوض الله الي هاي الله التفتلي بعد العذاب

اني:واذا مات ...

دنكت وبجيت ...

امي: حاشا لله يكون ضنج بي خير ومايعوضج غادة هذا الحنين ربج ماما عوفي هاي الفكره من بالج ولاتتخلين الشيطان يوسوسلج

....... نوعا ما اقتنعت وكدرت تغير تفكيري بس بقت ادخل للطبيبه واشوف كلامها يجوز اتأذه يجوز تكول نزلي ...