Part 359
ရှောင်၀မ်သည် ငယ်သေး၍ စကားလုံးများကို ကောင်းစွာနားမလည်၍ ပြန်မေးလေသည်။ " မားမား နှာဘူးဆိုတာက ဘာလဲ "
လင်းလန် : " ... ယုတ်မာပြီး မကောင်းတဲ့ဟာတွေ လုပ်တဲ့သူတို့ ...လမ်းမပေါ်မှာ လူမြင်ကွင်းကြီး အပေါ့စွန့်နေတဲ့သူတို့...အဲ့လိုလူတွေကို ခေါ်တာ "
စန်း၀မ် လက်ထဲမှ အရုပ်များကို ချလိုက်ကာ ခြေထောက်များကို လွှဲ၍ ဆော့နေလေသည် ။
" အံ့သြစရာပဲ ဒါဆိုသားတို့ရွာထဲက ယောက်ျားတွေ တော်တော်များများက နှာဘူးတွေပေါ့နော် "
တွေ့ရာနေရာ အပေါ့စွန့်ကြသူတွေချည်းပဲလေ ။
လင်းလန် : " ...... " လျှောက်ပြောနေပြန်ပြီ။
အား၀မ် : " ကျွန်တော်သိတယ် ရွာထဲက တချို့ ဦးလေးကြီးတွေက ဟိုလိုက်ချောင်း ဒီလိုက်ချောင်းလုပ်ပြီး ခိုးနားထောင်နေကြတာလေ သူတို့ကို ပြောတာမလား "
တစ်ခုခုလုပ်ဖို့ကြလည်း သတ္တိမရှိလို့ ပြဿနာလေးတွေသာ ရှာနေတက်ကြသူများဖြစ်လေသည်။
ဥပမာအားဖြင့် အခြားလူများ၏ အချစ်ရေးကို စပ်စုကာ ခိုးနားထောင်ပြီး သူများအတွဲများ နမ်းဖက်နေကြသည်ကို လိုက်ကြည့်ရသည်ကို ၀ါသနာပါသူများဖြစ်လေသည်။
အား၀မ် ပြောလာသည့်အခါမှ စန်း၀မ်သည် နားလည်သွားကာ တည်ငြိမ်ချင်ယောင်သာ ဆောင်နေလေသည်။ စားပွဲအောက်တွင် ချထားသည့် ဖားရုပ်လေးကို တက်နင်းပြကာ ရှောင်၀မ်အား စလေသည်။ တက်နင်းလိုက်သည့်အခါ ဖားရုပ်လေးသည် ခုန်ထွက်သွားပြီး မိုင်စွေ့၏ ခြေထောက်ကို တိုက်မိသွားလေသည်။
ရှောင်၀မ် တခစ်ခစ်ရယ်တော့သည်။
လင်းလန် စန်း၀မ်အား ကြည့်ကာ ငါးမွှေထိုးလေးဟု တွေးနေမိသည်။ ဒီ့ထက်ကြီးလာပါက သူ့အစ်ကိုကြီးအတိုင်းပဲ ဖြစ်လာမလားတောင် မသိ။
ညနေခင်းတွင် ဟန်ချင်စုန့်သည် ဟန်ရုံဖန်နှင့် တိုင်ပင်ရန် ထွက်သွားလေသည်။ လင်းလန်သည် ကလေးများအား အိမ်တွင် ဆော့နေစေကာ သူမကိုယ်တိုင်က တုန်ဟွိုင်ဟွထံ ထွက်လာလိုက်သည်။
ESTÁS LEYENDO
အတွဲ( ၃ )၇၀ခုနှစ်များမှစည်းကမ်းကြီးသည့်ဇနီးသည်
Ficción Generalအပိုင်း၃၁၁စပါ့မယ်ရှင့်အရှေ့အပိုင်းများကို accထဲတွင်ရှာ၍ဖတ်နိုင်ပါတယ်😊
