အတွဲ( ၃ )၇၀ခုနှစ်များမှစည်းကမ်းကြီးသည့်ဇနီးသည်

1.2K 107 0

de phyolay1991

de phyolay1991

Part 367

စန်း၀မ်သည် ရှောင်၀မ်အား လက်တွဲကာ လက်ထဲတွင်လည်း ပန်းစည်းတစ်စည်းကို ကိုင်ထားလေသည်။ သူတို့နောက်တွင် တ၀မ်သည် လွယ်အိတ်အားလွယ်လျက် ပါလာ၏။

အိမ်ထဲသို့ ၀င်လိုက်သည်နှင့် စန်း၀မ်က မိုင်စွေ့ဆီလက်ထဲမှ ပန်းစည်းကို ထိုးပေးလေသည်။

" အစ်မလေး ဒါက အစ်မလေးဖို့ ... အစ်မလေး ဒီပန်းလေးတွေလို လှပါစေဆိုတဲ့ ရည်ရွယ်ချက်နဲ့ ပေးတာ "

စန်း၀မ်က ပြုံးစိစိဖြစ်နေလေ၏ ။

မိုင်စွေ့က ရှုပ်ပွပွ ပန်းစည်းကိုကြည့်ကာ သဘောမကျသော်ငြား အထဲမှ ဆောင်းစံပယ်နံ့လေး သင့်နေ၍ လှမ်းယူလိုက်ကာ " ဒီတစ်ခါပဲနော် "

သို့သော်လည်း သူမ ပန်းများကို နှာခေါင်းနားကပ်ကာ ရှိုက်လိုက်သည်နှင့် အထဲရှိ ပိုးကောင်လေးများကို တွေ့လိုက်ရလေသည်။

တောင်ယာအလုပ်များ လုပ်ဖူးသည့် မိန်းကလေးဖြစ်သဖြင့် သူမက ပိုးကောင်လေးများကို ကြောက်မတဲ့လား။ စန်း၀မ်စုတ် ငါနင့်ကို သေအောင်ရိုက်ပစ်မယ် ။

" အားးး ... ပိုးကောင်တွေ "

လင်းလန် : " ပိုးကောင်တွေက ဒီရာသီမှာ ဘယ်လိုလုပ်ရှိပါ့မလဲ အေးလွန်းလို့ အပြင်ထွက်မလာကြဘူးမလား "

မိုင်ဆွေ့ : " မားမား သူတို့တကယ်ရှိတာ ဒီမှာကြည့်လေ " ပြောပြီးသည်နှင့် မိုင်ဆွေ့သည် စန်း၀မ်အား ပန်းစည်းဖြင့် လိုက်ရိုက်တော့သည်။

လင်းလန် စန်း၀မ်အား ဆူရတော့သည်။ " စန်း၀မ် ပြဿနာရှာပြန်ပြီလား "

စန်း၀မ်က မထိန်းနိုင်တော့ဘဲ တစ်ဟားဟား အော်ရယ်လေသည်။

မိုင်ဆွေ့မှာ ပို၍ စိတ်ဆိုးလာတော့သည်။ " ထွက်သွားလိုက်တော့ ပြန်မလာခဲ့နဲ့ ပြန်လာရဲလာကြည့် သေအောင်ကို ရိုက်ပစ်မယ် "

လင်းလန် : " စန်း၀မ် အစ်မဆီက အရိုက်ခံလိုက် အဲ့တာဆို သူလည်း စိတ်မဆိုးတော့ဘဲ နေလိမ့်မယ် "

ထိုအခါ စန်း၀မ်က ပြေးနေသည်ကို ရပ်လိုက်ကာ တင်ပါးအား ကော့ပေးလေသည်။ " လာရိုက်လေ "