အတွဲ( ၃ )၇၀ခုနှစ်များမှစည်းကမ်းကြီးသည့်ဇနီးသည်

1.3K 107 0

przez phyolay1991

autorstwa @phyolay1991

Part 361

အဆုံးတွင် စန်း၀မ်အား တ၀မ်နှင့် အား၀မ်က ကူညီလိုက်ရသည်။ ရေအရင်ချိုးစေကာ ရေချိုးခန်းကို မသုံးစေဘဲ အိမ်ပြင်တွင်သာ ချိုးစေလေသည်။ ပြီးမှ အ၀တ်ဖြင့် ပတ်ကာ အိမ်ထဲသို့ သယ်သွားပေးကြလေသည်။

တ၀မ်သည် အ၀တ်များအား ပစ်ပေးကာ ပြောလိုက်သည်" ကိုယ့်ဘာသာလျှော် "

ယခင်က အိမ်တွင် လင်းလန်က အ၀တ်များလျှော်ပေးသူဖြစ်သော်လည်း ဆောင်းတွင်းရောက်သည့်အခါ ဟန်ချင်စုန့်သည် လျှော်ခွင့်မပေးဘဲ ကလေးများကို ကိုယ်တိုင်သာ လျှော်ခိုင်းလေသည်။

မိုင်စွေ့သည် ကိုယ့်ဘာသာလျှော်ကာ လင်းလန်နှင့် ဟန်ချင်စုန့်က အတူလျှော်ကြပြီး ရှောင်၀မ်၏ အ၀တ်များကိုတော့ တ၀မ်နှင့် အား၀မ်တို့ အလှည့်ကျလျှော်ကြလေသည်။

ယခုအလှည့်သည် တ၀မ်အလှည့်ဖြစ်သည်။

စန်း၀မ်တွင် ၀တ်စရာမရှိတော့၍ ရှောင်၀မ်၀တ်ရန် ပေးလိုက်သည့် အနွေးထည်ကိုသာ ပြန်၀တ်ထားရလေသည်။ ကလေးတုန်းက ၀တ်ခဲ့သည့် အင်္ကျီဖြစ်၍ စန်း၀မ်ပြန်၀တ်သည့်အခါ ရယ်ချင်ဖွယ်ဖြစ်နေတော့သည်။

ဆန်မုန့်လုံးများစားကြသည့်အခါ အားလုံးသည် အရသာရှိကြသည်ဟု ထင်လေသည်။ အနှစ်များ ပေါက်ထွက်သွားသော်လည်း ကျေးရွာမှ မစားဖူးသူများဖြစ်၍ စားကောင်းနေကြဆဲပင် ။

လင်းလန် အနှစ်မပေါက်သည့် မုန့်လုံးအနည်းငယ်ကို ရွေးကာ ပထမချွေးမဟန်ဖို့ ကုမိန်နှင့်အတူ ထည့်ပေးလိုက်သည်။

စန်း၀မ်က အထွန့်တက်ချင်သော်လည်း ဖခင်ဖြစ်သူ၏ အကြည့်များကြောင့် အထွန့်မတက်ရဲဘဲ ပြောင်းဖူးပေါင်မုန့်က်ိုသာ စားနေရလေသည်။

" မြောက်လေသွေးလို့ နှင်းတွေဝေ ~ သူများတွေက ယွမ်ရှောင်းစားနေပေးမယ့် တစ်ယောက်ကတော့ ပြောင်ဖူးပေါင်မုန့်ကိုပဲ စားနေရတယ် "

ရှောင်၀မ်က သီချင်းဆိုကာ စလေသည်။

ဟန်ချင်စုန့် စန်း၀မ်အား တံခါးရှေ့တွင် ထိုင်စားရန် ညွှန်ပြလိုက်သည်။ အပြစ်ပေးထားသော်လည်း အကြာကြီးတော့ မရပ်ခိုင်း။

အတွဲ( ၃ )၇၀ခုနှစ်များမှစည်းကမ်းကြီးသည့်ဇနီးသည်

အတွဲ( ၃ )၇၀ခုနှစ်များမှစည်းကမ်းကြီးသည့်ဇနီးသည်

Promowane opowieści

Spodoba ci się także