အတွဲ( ၃ )၇၀ခုနှစ်များမှစည်းကမ်းကြီးသည့်ဇနီးသည်

1.9K 136 2

par phyolay1991

par @phyolay1991

Part 455

လော့ဟိုင်ချန်က ချင်ကျိုက်ရှန်း အားဆုံးမရန်အတွက်အမြန်ပြေးသွားလေသည် ။ သူမသည် အရင်းရှင်စနစ်အတိုင်းဆက်လက်ကျင့်သုံးနေသည့်အမျိုးသမီးတစ်ဦးဖြစ်သောကြောင့် သူမအားတိုင်ချက်ဖွင့်၍တရားစွဲဆိုနိုင်သည် ။

ချင်ကျိုက်ရှန်းမှာ လှပသည့်အပြင်ကိုယ်ပိုင်အတွေးအခေါ်များကိုဦးစားပေးသည့်ရဲရင့်သောအမျိုးသမီးတစ်ဥိီးဖြစ်၍သူမ၏ ဘဝမှာလွယ်ကူမည်မဟုတ်ကြောင်း လော့ဟိုင်ချန်မှန်းဆမိလေသည် ။ တစ်ခုတည်းသောမကောင်းသည့်အချက်မှာ သူမ၏အတွေးအခေါ်များမှာလမ်းမှားနေခြင်းပါပင် ။

လယ်ငါးတစ်ကောင်ကဲ့သို့ပင် လယ်ကွက်လေးထဲမှရုန်းမထွက်နိုင်ပါသော်ငြားပြဿနာပေါင်းစုံသာပတ်ရှာနေခဲ့သည် ။ ချင်ကျိုက်ရှန်းနှင့် ဦးစီးမှူးချင်တို့မှာ ဆွေမျိုးတော်စပ်ကြပြီး ဦးစီးမှူးချင်မှာ သူမ၏ဦးလေးဖြစ်သည် ။ သို့သော်ငြား သိသိသာသာပင်အုပ်စုနှစ်ခုကွဲထွက်နေလေသည် ။ တစ်စုမှာဥက္ကဌမော်၏ ပါတီသစ်လမ်းစဥ်ကိုလိုက်နာကျင့်သုံးချင်ကြပြီး ကျန်တစ်စုမှာခေတ်ဟောင်းအရင်းရှင်စနစ်အားလက်ကိုင်ထားချင်နေဆဲဖြစ်သည် ။

ဟန်ချင်စုန့်က အလုပ်ကြမ်းစခန်းအတွင်းဝင်ရောက်လာသူတိုင်းကို စစ်ဆေးပြီးမှသာစိတ်သက်သာရရသွားရသည် ။ လုပ်သားပြုပြင်ပြောင်းလဲရေးစခန်းမှာ အမှန်ပင်ကိုင်တွယ်ရအလွန်ခက်ခဲသည့်အပြင် လူအမျိုးအစားပေါင်းစုံစုဝေးနေသောကြောင့် မတော်တရော်အတွေးရှိသူများမှာလည်း အများအပြားပါပင် ။

ဟန်ချင်စုန့်က ဟန်ချင်ဟွ မည်သို့ကိုင်တွယ်ဖြတ်ကျော်မည်အား လုံးဝဂရုမစိုက်ပါချေ ။ အလုပ်ကြမ်းစခန်းအတွင်း၌ အာဏာရှိသူများနှင့်အဆက်အသွယ်ရှိသည့်သူများမှာ ထင်ရာစိုင်းတတ်ကြသည့်အတွက် ဟန်ချင်ဟွ ဆိုးဆိုးဝါးဝါး မထိခိုက်သရွေ့ဝင်မပါချင်ပေ ။

ဟန်ချင်ဟွအား စောင့်ကြည့်ထားရန်နှင့် အကြောင်းတစ်ခုခုရှိပါက သူ့ကိုပြောပြရန်သာ လော့ဟိုင်ချန်အား အသိပေးပြောကြားသည် ။

ညွှန်မှူးချင်က ဟန်ချင်စုန့်အား လုပ်သားပြုပြင်ပြောင်းလဲရေးစိုက်ခင်းသို့သွားကူညီရန် နားပူနားဆာလုပ်လေ့ရှိသောကြောင့် ဤအခွင့်အရေးအားအသုံးချ၍ လော့ဟိုင်ချန်အား စီမံခန့်ခွဲရန်တာဝန်ပေးလိုက်သည် ။ တစ်ချိန်တည်းမှာပင် ပြည်သူ့လုံခြုံရေးဗျူရိုတွင် ဝန်ထမ်းအင်အားဖြည့်တင်းရန်အတွက် စခန်းမှသင့်လျှော်သောစစ်သားအချို့ကိုလည်းရွေးချယ်ထားသေးသည် ။

အတွဲ( ၃ )၇၀ခုနှစ်များမှစည်းကမ်းကြီးသည့်ဇနီးသည်

အတွဲ( ၃ )၇၀ခုနှစ်များမှစည်းကမ်းကြီးသည့်ဇနီးသည်

Histoires en Vedette

Vous aimerez aussi