Part 397
ပညာမတတ်သလို ကိုယ့်ကိုယ်ကိုယ်လေးစားမှုရှိရမည်မှန်း မသိသောလူများကဤသို့သာဖြစ်သည်။ သူတို့က အဆင့်အတန်းနိမ့်ကျသော်လည်း တစ်ဖက်လူ၏ပျော့ကွက်ကိုတွေ့သည်နှင့် အဆက်မပြတ်နင်းချေပြီး တစ်ဖက်နှင့်တစ်ဖက် အဆက်မပြတ် ဖိနှိပ်ကြလေသည်။
သို့သော် ဟန်ရုံဖန်ရော ဟန်ချင်းဖန်ပါပေါ်မလာခဲ့ပေ။ လင်းလန်က သူတို့၏ ယောက္ခမကိုတမင် ပြဿနာရှာခိုင်းသည်လားဟုပင် တွေးလိုက်မိသည်။
ဘယ်လိုတောင် စွန့်ပစ်လိုက်တဲ့အပြုအမူကြီးလဲ....
မကြာမီတွင် ဟန်ရုံဖန်နှင့် ခေါင်းဆောင်က အချိန်မှန်ရောက်လာပြီး ဟန်ချင်းယွမ်နှင့် လျှိုကွေ့ဖာ အပါအဝင်ကလေးတစ်အုပ်ပါခေါ်လာခဲ့သည်။ ထိုကလေးများတွင် ရှင်းဖူနှင့် တဝေ့ပါပါလာသည်။
တဝမ်က သူတို့ကိုတစ်ချက်သာကြည့်လိုက်သည်။
"အား............"
ရှင်းဖူကအော်လေပြီး မြေပြင်ပေါ်ဆောင့်ကြောင့်ထိုင်လိုက်သည်။
"ငါ့ကိုမကန်ပါနဲ့...."
တဝေ့ကလည်း လူကြီးများနောက်တွင်ပုန်းကာတုန်ရီနေလေသည်။
"တဝမ်...."
ဟန်ရုံဖန်ကအေးစက်စွာပြောလိုက်သည်။
"ငါ့မှာ ဖြုန်းစရာအချိန်မရှိဘူး... ပြောစရာရှိတာပြော မေးစရာရှိတာမေးကြ...."
သူ ၇နှစ်မှ ၉နှစ်အထိရှိသော ကလေးငါးယောက်က်ုကြည့်လိုက်ပြီး တဝေ့ရှင်းဖူနှင့် စန်းဝမ်ရှောင်ဝမ်ကိုပါကြည့်လိုက်သည်။
"အဲ့နေ့ကဘာဖြစ်ခဲ့လဲ ငါ့ကိုပြောပြကြ...."
ခေါင်းဆောင်က အော်လိုက်သည်။
လင်းလန်က စန်းဝမ်နှင့်ရှောင်ဝမ်တို့ကို ထိုနေ့ကဘာဖြစ်ခဲ့လဲ ပြောရန်လက်တို့လိုက်သည်။ သူမက လူကြီးများကိုပင် ဦးဆောင်ပြီး တာဝန်ခွဲပေးနိုင်သူဖြစ်ရာ ကလေးတစ်အုပ်ကို ဦးဆောင်ပေးရန်မှာလွယ်လှပေသည်။
စန်းဝမ်နှင့်ရှောင်ဝမ်တို့က မှတ်ဉာဏ်ကောင်းကြသည်။ သူတို့က ထိုနေ့နှင့်ပတ်သတ်ပြီး ပြတ်ပြတ်သားသားမှတ်မိလေသည်။ အခြားကလေးများက မေ့သွားသည်ဖြစ်စေ မှားပြောမိသည်ဖြစ်စေ သူတို့ကချက်ချင်းထောက်ပေးနိုင်သည်။
CZYTASZ
အတွဲ( ၃ )၇၀ခုနှစ်များမှစည်းကမ်းကြီးသည့်ဇနီးသည်
General Fictionအပိုင်း၃၁၁စပါ့မယ်ရှင့်အရှေ့အပိုင်းများကို accထဲတွင်ရှာ၍ဖတ်နိုင်ပါတယ်😊
