ချိုမြိန်မှုနဲ့အချစ်စစ်

Part-19 Uni/Zawgyi

💘ချိုမြိန်မှုနဲ့အချစ်စစ်💘

Part-19

ဒီနေ့တော့ အိမ်မှာလီလီတစ်ယောက်ထဲ...ဖေဖေက မနက်ပိုင်းဂျုတီလည်းရှိသလိုနေ့ခင်းဘက်ကြတော့ အသိဆရာဝန်အတွက် နေရာအစားယူပေးထားတော့ တစ်နေကုန်ဆေးရုံမှာသာရှိသည်။ကိုကြီးကလည်းသူ့အလုပ်သူသွားသလို....လီလီ့မေမေက သူ့အမျိုးတွေရှိသည့်မန္တလေးဘက်ကိုသူ့မိသားစုကိစ္စကြောင့်ခနသွားခဲ့သည်။ကိုကြီးကသူနဲ့လိုက်ခဲ့ခိုင်းပေမယ့် ကိုကြီးဆိုင်လိုက်ရတာထက်အိမ်မှာမုန့်အစုံနဲ့TVကြည့်လိုက်ဖုန်းသုံးလိုက်လုပ်ရတာကိုပိုအရေးသာနေတော့ မလိုက်ဘူးငြင်းလိုက်သည်။အခုတော့ နေ့ခင်းဘက်ကြီးအိမ်မှာတစ်ယောက်ထဲကျန်ခဲ့သည့် လီလီဟာပျင်းခြောက်ခြောက်ကြီးဖြစ်လာခဲ့ရသည်။ခွန်ခမ်းကိုသတိရသွားတာမလို့ ခွန်ခမ်းတို့အိမ်ဘက်ကိုကူးလာရင်း လူအေးကြီးနဲ့စကားသွားပြောရသည်။

"လီလီ"

"အင်း ခမ်း"

ခမ်းရဲ့Laptopကိုမွှေနောက်နေရင်းမှ ခွန်ခမ်းကခေါ်လာတော့ ခွန်ခမ်းကိုကြည့်ကာပြန်ထူးမိသည်။ခွန်ခမ်းဟာ သူထိုင်နေသည့်ခုံကိုလီလီဘေးသို့ပိုကပ်အောင်တိုးလိုက်ပြီးစားပွဲပေါ်သို့လက်ထောက်ကာလီလီ့မျက်နှာလေးကိုအနီးကပ်ကြည့်လာတော့ လီလီဟာသူ့ရင်ခွင်ထဲရောက်သွားသလိုရှိသည်ကြောင့် ရင်ခုန်လှိုင်းလေးဖြတ်သန်းသွားရသည်။

"ဟဲ့ ပြောလေ...ခေါ်ပြီး ဘာမှလည်းမပြောဘူး"

"လက်ဖက်သုပ်ကျွေး"

"ဟမ်"

"လက်ဖက်သုပ်ကျွေးခိုင်းတာလေ...နင်သုပ်ကျွေးတာစားချင်လို့လေ"

"အခုလား"

"အင်းလေ...လက်ဖက်သုပ်ပြီးရင် အိမ်မှာတင်movie dateမယ်...ဟို နေ့က နင်ကြည့်ချင်တယ်ဆိုတဲ့ဇာတ်လမ်းလေးရှာထားတယ်"

"အဟဲ မဆိုးဘူး...အဲ့အကြံကောင်းတယ်...လက်ဖက်သုပ်လေးစားလိုက်ရုပ်ရှင်လေးကြည့်လိုက်ရေနွကြမ်းလေးပါထည့်....ဘယ်လောက်ကောင်းလိုက်သလဲ"

"အဲ့ဆို ထ သွားလုပ်ရအောင်"

"အွန်းးး"

ခွန်ခမ်းက လက်ကမ်းပေးလာတော့ ခွန်ခမ်းရဲ့လက်ကိုဆုပ်ကိုင်လိုက်ပြီးအိမ်အောက်ထပ်သို့ဆင်းလာခဲ့သည်။