ဆောင်းနှင်းဓါးထက်ချယ်ရီဝေ

chapter 145

Chapter 145
Imperial MeowAugust 16, 2023
Chapter 145

ကျောင်း ပင်လယ်ထဲသို့ဝင်​ရောက်ခြင်း

───────

လင်းရု​​ဖေး ဆက်ပြီး နားမထောင်ရဲတော့​ပေ။ ထျန်း​ရွှေက တားဆီးလိုက်​သော်လည်း သူသည် နောက်မြစ်ကမ်းပါးဆီသို့ လျှောက်သွားကာ သူတို့နှစ်ဦးကို အကွာအဝေးတစ်ခုမှ လှမ်းကြည့်​နေသော်လည်း နီးနီးကပ်ကပ်​တော့မ​နေ​ရဲတော့ပေ။ ဤအကွာအဝေးမှ သူတို့ စကား​ပြော​နေသည်ကို သူ မကြားနိုင်သော်လည်း သူတို့နှစ်ဦးကို မြင်နေရဆဲဖြစ်သည်။ ရှဲကျင်းရှန့်နှင့် ထျန်း​ရွှေတို့သည် ခဏကြာ စကားပြောပြီးသောအခါ ရုတ်တရက် အငြင်းပွားမှုတစ်ခု ပေါ်ပေါက်လာပုံရသည်။ ထျန်းရွှေ၏အမူအရာသည် သိသိသာသာ မကျေမနပ်ဖြစ်​နေပုံရပြီး လှည့်ထွက်သွားရန်ပြင်လိုက်သော်လည်း ရှဲကျင်းရှန့်သည် သူ့လက်ကိုဆန့်ထုတ်ကာ ထျန်း​ရွှေ​၏ပုခုံးပေါ်ဖိလိုက်ပြီး တစ်စုံတစ်ခုကို စိတ်လှုပ်ရှားစွာပြောလိုက်သည်။

လင်းရု​ဖေးက ​မေးလိုက်၏။

"သူတို့ကြားမှာ ဘာတွေဖြစ်နေတာလဲ"

ကုရွှမ်းတုသည် သူ့မေးစေ့ကို ပွတ်သပ်ရင်း သူတို့၏လှုပ်ရှားမှုများကို အာရုံခံကာ “သံသယဖြစ်စရာ တစ်ခုခုတော့ ရှိရမယ်"

လင်းရု​ဖေးက သူ့​ခေါင်းကိုလှည့်ကာ ကုရွှမ်းတုကို ကြည့်လိုက်ပြီး "ထျန်း​ရွှေနဲ့ ရှဲကျင်းရှန့်ကြားမှာ တကယ်ပဲ ကိစ္စတစ်ခုခုရှိတာ ဖြစ်နိုင်လား"

ကုရွှမ်းတုက ထိုစကားများကိုကြားသောအခါ နှစ်စက္ကန့်ခန့် နှုတ်ဆိတ်သွားပြီး​နောက် အလွန်အမင်း​ပျော်ရွှင်စွာ ပြန်​ဖြေလိုက်သည်။

"ကိုယ့်မိသားစုရဲ့​ရှောင်ကျို့က တကယ်ကို အရွယ်​ရောက်လာပြီပဲ... ..."

လင်းရု​ဖေး : “... ...”

ဒီလေသံက ဘာ​လေသံကြီးလဲ။

အခြားတစ်ဖက်တွင် ရှဲကျင်းရှန့်နှင့် ထျန်း​ရွှေတို့၏အငြင်းပွားမှုသည် ပြင်းထန်သောအဆင့်သို့ ရောက်ရှိသွားသည်။ ရှဲကျင်းရှန့်က ရုတ်​တရက်​လက်​ကိုလှမ်းဆွဲပြီး ထျန်း​ရွှေကို ​ပွေ့ဖက်​ကာ နှုတ်​ခမ်း​ပေါ်သို့ ပြင်းပြင်းထန်​ထန်​ နမ်းရှုံ့လိုက်​တော့သည်​။ လင်းရု​ဖေးသည် ဘေးမှ အံအားသင့်စွာ ကြည့်နေမိပြီး သူ့မျက်လုံးများက မျက်တွင်း​ပေါက်မှ ထွက်ကျလုမတတ် ဖြစ်သွားရသည်။