ဆောင်းနှင်းဓါးထက်ချယ်ရီဝေ

Chapter 51

ပန်းပွင့်အိမ်တော်အတွင်းတွင်

ဤသည်မှာ လင်းရုဖေးတွေးသည့်အရာပင် ဖြစ်သည်။ 

စင်ပေါ်တွင် ကြိုးဂီတသံအား ကြားလိုက်ရ၏။ များစွာသော ကချေသည်များ ပေါ်လာပြီးနောက် ဂီတသံနှင့်အတူ စတင် လှပစွာကပြလာတော့သည်။

မုန့်လန်ရောကမူ သိပ်မကြာခင်က စိတ်ကူးယဥ်ခရီးထွက်ခြင်းကို ချက်ချင်းပင် မောင်းထုတ်လိုက်ပြီး အစစ်အမှန်ဘဝဆီသို့ ပြန်ရောက်လာသည်။ သူက စင်ပေါ်သို့ ဖြေးညှင်းစွာ လျှောက်လာသည့် မိန်းကလေးတစ်ဦးအား မိန်းမောကာ စိုက်ကြည့်နေရင်း လင်းရုဖေးအား သူ့အချစ်တော် ရှောင်ယွီနှင့် စိတ်အားထက်သန်စွာ မိတ်ဆက်ပေးလာ၏။

"ရှောင်ယွီက ကျွန်တော်မြင်ဖူးသမျှထဲမှာ ပြိုင်ဘက်ကင်း မိန်းကလေးပဲ..သူမက ကြည့်ကောင်းရုံတင်မကဘူး ဗျက်စောင်း ဂို၊ လက်ရေးလှနှင့်ပန်းချီတို့မှာပါ ကျွမ်းကျင်တယ်..သူမရဲ့ဓါးရေးအကတောင်မှ အပြောင်မြောက်ဆုံးလက်ရာပဲ"

မုန့်လန်ရောက တရစပ်ပြောလာသည်။

"သူမရဲ့ဓါးရေးနည်းပညာက ဓါးသိုင်းကျင့်ကြံသူတွေလောက် မကောင်းပေမယ့် သေမျိူးအများစုထက်ပိုပြီး အားကောင်းတယ်...တကယ်လို့ အဲ့ဒီချီယန်ရှန့်သာ သူမနဲ့ပြိုင်ဖို့ ချီဓါးကို မသုံးရင် ဘယ်သူနိုင်လိမ့်မယ်ဆိုတာ သိမှာမဟုတ်ဘူး..." 

လင်းရုဖေးက အနည်းငယ် စိတ်ဝင်စားသွား၏။

"တကယ်လား"

"အမှန်ပဲပေါ့" မုန့်လန်ရောက လုံး၀အလေးအနက်ထား ပြန်ဖြေလာ၏။

စျေးကြီးသည့်ပိုးခြည်ပန်းများမှာ လက်ခုပ်သံများဖြင့် စင်ပေါ်သို့ ပစ်တင်ပေးခြင်းခံလိုက်ရကာ ပန်းလှေပေါ်ရှိလေထုမှာ တစတစ ပူနွေးလာသည်။ မိန်းကလေးများမှာ ဤနေ့ညတွင် ကောင်းကောင်းလုပ်ဆောင်နေကြပြီး ရွှေနှင့်တန်ဖိုးတူသည့် ပိုးခြည်ပန်းများမှာလည်း မရပ်တော့ချေ။ မူးနေသည့် အမျိုးကောင်းသားများက မိမိတို့၏အကြိုက်ဆုံးမိန်းကလေးများအား ဤနေ့ည၏ အိုအီရန်အဖြစ်သို့ တွန်းပို့ချင်နေကြသည်။