Chapter 157
Imperial MeowAugust 22, 2023
Chapter 157
စုန်းမျိုးနွယ်စု
───────။
လင်းရုဖေးထံမှ ရက်ရက်စက်စက် အငြင်းခံနေရသဖြင့် ထိုလူက မကျေမနပ်ကြည့်လာ၏။
သူက အံတင်းတင်းကြိတ်၍ ဆိုလာသည်။
"လင်းကုန်းဇီ..ကုရွှမ်းတုကို မယုံပါနဲ့"
လင်းရုဖေးမှာ အံ့အားသင့်သွားရသည်။သူက ထိုလူ့ပါးစပ်မှနေ ကုရွှမ်းတုအမည်နာမအားကြားရလိမ့်မည်ဟု သူမထင်ထားပေ။
“သူက လှည့်စားတတ်တဲ့ လူလိမ်ပဲ"ထိုသူက နှာမှုတ်လိုက်သည်။
စိတ်ခံစားချက်များ ပြင်းထန်လာသည်ကြောင့် သူ၏မျက်လုံးနက်နက်များက ကြေးနီရောင်သန်းလာပြီး သူ့လက်ထဲရှိမြွေနက်ကြီးကလည်း ရစ်ပတ်ခွေယိုင်လာလေ၏။တစ်ခဏလောက်ထိ အခြေအနေက အတော်လေး ထိတ်လန့်ဖွယ်ကောင်းနေသည်။
သူက ထိုးဖောက်မတတ်အသံစူးစူးနှင့် ဆက်ပြောလာသည်။
"လင်းကုန်းဇီ..မင်းသူ့ကိုယုံရင် မင်းသေချာပေါက် ဆိုးဆိုးဝါးဝါး အန္တရာယ်ပြုခံရလိမ့်မယ်"
လင်းရုဖေးက ထိုလူ့ပါးစပ်မှဆိုနေသည့် ပြသနာကောင်အား ကြည့်လိုက်သည့်အခါ ပြတင်းပေါက်နားကစားပွဲအား မှီ၍ ထူးမခြားဟန်ရှိနေသည့် ကုရွှမ်းတုအား တွေ့လိုက်ရသည်။သူက ခေါင်းစောင်း၍ လင်းရုဖေးအရှေ့တွင် အရူးတစ်ယောက်နှယ် ဒူးထောက်နေသည့် ထိုလူအားကြည့်လိုက်လေ၏။သုက လင်းရုဖေးအကြည့်များအား သတိထားမိသွားပုံရကာ လင်းရုဖေးထံ အကူအညီမဲ့နေပုံ ပုခုံးတွန့်ပြ၍ သဘောတကျပြုံးပြလာသည်။ ဆိုရလျှင် သူက ထိုသူ့စကားများအား စိတ်ထဲထည့်မနေပုံပင်။
လင်းရုဖေးက မေးလိုက်သည်။
"ခင်ဗျား ကုရွှမ်းတုကို သိလား"
ထိုလူက ဖြေလာသည်။
"ငါ သေချာပေါက် သိတယ်..."
လင်းရုဖေးက ဆက်မေးလိုက်၏။
"ဒါဖြင့် ခင်ဗျားသိလား.."
“ငါသိတယ်..ငါ အရာရာတိုင်းကို သိတယ်"
သူ၏စိတ်ခံစားချက်က အလွန်မတည်မငြိမ်ဖြစ်နေပြီး လက်ချောင်းများကလည်း မြေပြင်ပေါ်သို့ အားနှင့်တူးဆွနေ၏။သို့သော်ငြား သူပိုပြီး ကြမ်းကြမ်းတမ်းတမ်းတူးလိုက်၍ လက်သည်းများက တစ်ခုပြီးတစ်ခုပဲ့ထွက်လာကာ သူ့အသံကလည်း သွေးထွက်၍ငိုနေသကဲ့သို့ပင်။
YOU ARE READING
ဆောင်းနှင်းဓါးထက်ချယ်ရီဝေ
Non-Fiction💥New BL Coming Soon Title- Cherry Blossoms Upon a Wintry Sword Type - Web Novel(CN) Genre - Adventure, Comedy, Shounen Ai ,Xuanhuan Yaoi Author - XĪ Zîxù E-Translator - N/A Year -2019 Status- 92 +7 (extras) MM Translator - IQ Team ဆောင်းနှင်းဓားထ...
