ဆောင်းနှင်းဓါးထက်ချယ်ရီဝေ

chapter 179

Chapter 179
Sue Xing NwayAugust 27, 2023
Chapter 179

​နှစ်ပေါင်းရာချီအချိန်က

───────

နှစ်ဦးသား နှစ်ရာပေါင်းအချို့ခန့် အတူရှိနေကြသည်က ယောင်ကွမ်းတိုက်ကြီးမှာ မဟာတည်ဆောက်ပုံမှအကျိုးကျေးဇူးများရရှိခဲ့ပြီး နှစ်ရာပေါင်းများစွာ ကြီးပွားတိုးတက်ခဲ့သည့် အတောအတွင်းအထိပင်။

ထို့နောက် ကုရွှမ်းတုက ကျင့်ကြံခြင်းအဆင့်ကိုးမှအဆင့်တစ်ဆယ်ထိ ရောက်သွားကာ အရင်ကောင်းကင်ဘုံအုပ်ချုပ်သူထက်ပင် သာလွန်သွားလေ၏။

သူက အဆင့်တစ်ဆယ်သို့ရောက်သွားသော် သူလုပ်ခဲ့သည့်ပထမဆုံးအရာသည်ကား ပုအယ်သို့တည့်တည့်သွားပြီး မိစ္ဆာဘုရင်အား ခေါင်းဖြတ်ရန်ဖြစ်သည်။ထောင်သောင်းချီသော မိစ္ဆာများက ဤမြင်ကွင်းအား သူတို့၏ကိုယ်ပိုင်မျက်စိနှင့် တိုက်ရိုက်မြင်တွေ့ခဲ့ရသည်။သူတို့က အနီရောင်ဝတ်ဆင်ထားသည့် ဓါးသမားတစ်ယောက်က ဓါးသုံးချောင်းအား လွယ်ထားလျက် လေထဲသို့တက်လှမ်းကာ ဓါးယမ်း၍ ခေါင်းတစ်ခုအား မြေပေါ်သို့ခုတ်ချလိုက်သည်အား စောင့်ကြည့်ခဲ့ကြရသည်။

ယောင်ကွမ်းသို့ မရေမတွက်နိုင်သည့် နာကျင်မှုအား ယူလာပေးခဲ့သည့် ဤခေါင်းသည်ဖြင့် ပေါ့ပါးလှကာ ဓါးသွားတစ်ခုလောက်ပင် မလေးချေ။

ကုရွှမ်းတုက ခေါင်းအားကြည့်လိုက်ရင်း သာမန်ကာလျှံကာပင် ဘေးသို့လွှင့်ပစ်လိုက်ကာ လေထဲသို့ပြန်တက်လှမ်းသွားလေ၏။ထောင်သောင်းချီသော မိစ္ဆာများက သူ့နောက်ကျောအား ကြည့်ရင်း အားလုံးတိတ်ဆိတ်နေမိကြသည်။

ထိုအရာပြီးသည့်နောက် ရှည်ကြာပြီးလှပသည့် အချိန်ကာလတစ်ခုဖြစ်ခဲ့သည်။

ကုရွှမ်းတုက တာ့ဟန်အားယူကာ စီရင်စုတစ်ခွင် လှည့်လည်သွားလာပေတော့သည်။သူက ရွှမ်းတုထံ ပြန်သွားခဲ့ပြီး သူနေထိုင်ခဲ့ဖူးသည့် နေရာများအား မြင်တွေ့ခဲ့ရလေ၏။သူက ချုန်းလုံသို့ သွားခဲ့ပြီး တောင်တန်းများပေါ်မှ ချိတ်ဆွဲထားသည့် မျှော်စင်များအား တွေ့ခဲ့ရသည်။သူက ပုအယ်သို့သွားလိုက်ပြီး ထိုတစ်ဝက်နှင်းကျပြီး တစ်ဝက်ကြည်နေသည့် ကျွန်းပေါ်တွင် တာ့ဟန်နှင့်အတူ ကတိကဝတ်တစ်ခုထားခဲ့လေ၏။သူတို့က မရေမတွက်နိုင်သည့် နွေဦး၊ဆောင်းဦး၊ဆောင်းရာသီ၊နွေရာသီတို့အား မြင်ခဲ့ကြရသည်။သူတို့က ဘယ်တော့မှ ထပ်ပြီးခွဲခွာကြရလိမ့်မည်မဟုတ်ဟု ယုံကြည်ခဲ့ကြလေ၏။သူက သူ့အားမထိတွေ့နိုင်ရင်တောင် ပွေ့ဖက်မထားနိုင်ရင်တောင်...နှစ်ဦးသားမှာ ဆက်နွယ်ထားပြီးဖြစ်၍ တခြားအရာများ မလိုအပ်တော့ချေ။