Chapter 184
Sue Xing NwayAugust 27, 2023
Chapter 184
နောက်ထပ်နွေဦး
───────
အကျိုးဆက်အနေနှင့် အရေမထူလှသည့် ရှန်ဝူချွေ့မှာ ရှက်သွားရကာ မျက်နှာထက်သကြားနီရောင်သန်းသွားချေ၏။နောက်ဆုံးတော့ လင်းမင်ကျစ်လည်း ထပ်ပြီးရပ်ကြည့်မနေနိုင်တော့၍ လက်ဆန့်လိုက်ပြီး လင်းဝေရွေ့အားပြန်ဆွဲခေါ်လိုက်ရသည်။အံကြိတ်လိုက်ရင်း သူမအား ဘာကြောင့်များ မိန်းကလေးတစ်ယောက်နှယ် သီးသီးသန့်သန့်မနေနိုင်ပါသနည်းဟု မေးလာ၏။လင်းဝေရွေ့က ဖြူစင်ရိုးသားမှုအပြည့်နှင့် ရိုးရှင်းစွာပြန်ဖြေလာသည်က သူမကအရမ်းသီးသန့်ဆန်ခဲ့ဖူးသည်ဟုပင်။သူမက သီးသန့်မနေတော့မှသာ ယခုအချိန်တွင် ရှန်မိသားစုနှင့်လက်ထပ်မည့်ကိစ္စရှေ့ဆက်၍ရမည်ဖြစ်ကြောင်း...အခြားတစ်စုံတစ်ခုအားပြောချင်သေးပါသော်လည်း လင်းမင်ကျစ်၏ရက်စက်သည့်မျက်လုံးများအားသတိထားမိသွား၍ အမြန်ပါးစပ်ပိတ်လိုက်ရကာ ရိုးသားသည့်ပုံလေးပြန်ဖြစ်သွားသည်။
သူမသိပါသည်... သူမသာ ထပ်ပြီးပါးစပ်ဟလာပါက ကြာပွတ်နှင့်အရိုက်ခံရတော့မည်ဖြစ်ကြောင်းကို။
ချယ်ရီပန်းပွင့်ပင်လေးက အိမ်ဝန်းထဲ၌ ထောင်ထောင်လေးရှိနေကာ ပြန်လည်ဖြေကြားလာခြင်းမရှိပေ။လင်းရုဖေး၏အသံက အလွန်နူးညံ့ကာ လေထုသည်လည်း သဟဇာတဖြစ်နေ၏။
မျက်တောင်တစ်မှိတ်စာအတွင်း နှစ်သစ်အကြိုကာလသို့ရောက်လာလေပြီ။ဝမ်ယောင်က လင်းရုဖေးကိုယ်အား အရင်ကဒဏ်ရာများပျောက်ကင်းသွားမသွား သေချာစေရန်လာစစ်ဆေးလာ၏။သို့သော်လည်း သူ့လက်ပေါ်၌ထွက်သွားစေချင်မိသည့် အကျည်းတန်ဒဏ်ရာများက အများအပြားရှိနေဆဲပင်။
လင်းရုဖေးက ထိုအရာများအား ဂရုကောင်းကောင်းမထားချေ။မည်သို့သော ဓါးသမားမျိုးက သူတို့ကိုယ်ပေါ်၌ ဒဏ်ရာမရှိဘဲနေမည်နည်း။
နှစ်ကူးပွဲတော်သည်ကား ပွဲကြီးတစ်ခုဖြစ်ကာ အမြဲတစေငြိမ်သက်နေသည့် ခွန်းလွန်သည်လည်း တက်ကြွမှုနောက် လိုက်ပါလေသည်။ဤနှစ်တွင် အရာများစွာဖြစ်ပွားခဲ့၍ ကောင်းမွန်သည့်နှစ်အားဆင်နွှဲရန်အချိန်ဖြစ်သည်။
BINABASA MO ANG
ဆောင်းနှင်းဓါးထက်ချယ်ရီဝေ
Non-Fiction💥New BL Coming Soon Title- Cherry Blossoms Upon a Wintry Sword Type - Web Novel(CN) Genre - Adventure, Comedy, Shounen Ai ,Xuanhuan Yaoi Author - XĪ Zîxù E-Translator - N/A Year -2019 Status- 92 +7 (extras) MM Translator - IQ Team ဆောင်းနှင်းဓားထ...
