Chapter 153
Sue Xing NwayAugust 21, 2023
Chapter 153
ကုသခြင်း
လင်းရုဖေးက ရှန်ဝူချွေ့အခန်းသို့ သွားလိုက်သည်နှင့် အဝေးကပင် လင်းဝေရွေ့ထံက တစ်ခါတစ်ရံ ရယ်သံလွင်လွင်လေးထွက်လာပြီး စိတ်ကောင်းဝင်နေပုံရသည့် ရှန်ဝူချွေ့နှင့် စကားပြောနေသည်အား ကြားလိုက်ရသည်။
လင်းဝေရွေ့က လင်းရုဖေးလာသည်အား မြင်သော် ထလိုက်ပြီး ပြုံးပြကာ:"ဒါဆို နင်အရင်နားလိုက်ဦး..ငါ့မောင်လေးနဲ့ စကားပြောစရာလေးရှိလို့"
“ကောင်းပြီ" ရှန်ဝူချွေ့က အပြုံးလေးနှင့် တုံ့ပြန်လာသည်။
လင်းရုဖေးက လင်းဝေရွေ့ကနေ အခန်းအပြင်သို့ ဆွဲထုတ်ခံရသည့်အချိန်တွင် သူက ရောက်လာကာစပင်ရှိသေးသည်။သူက မည်သည့်အတွက်ကြောင့် လင်းဝေရွေ့အလျင်လိုနေသည်အား အံ့သြနေမိသည်တွင် လင်းဝေရွေ့က ရှန်ဝူချွေ့အခန်းထဲမှထွက်ပြီးတစ်ခဏ ပူဆွေးသောကများနှင့် အော်ငိုကာ လင်းရုဖေးလက်မောင်းထဲသို့ တိုးဝင်လာလေ၏။သူမက ရှန်ဝူချွေ့ကြားမည်စိုး၍ ကျယ်ကျယ်မငိုရဲသဖြင့် ယင်းကလင်းရုဖေးနှလုံးအိမ်အား ပိုမိုနာကျင်စေပြီး သူမ၏မျက်ရည်များအား တိတ်တိတ်လေး သုတ်ပေးလိုက်သည်။
“မငိုပါနဲ့..လိမ္မာလိုက်တဲ့ကောင်မလေး..မငိုနဲ့တော့နော်..."
လင်းရုဖေးက သူကလေးဘဝက သူ့ဆေးသောက်ရန် သူမက ချော့ပြောသည့်အချိန်ကကဲ့သို့ သူမခေါင်းလေးအားပုတ်ပေးလိုက်ရင်း:"မငိုပါနဲ့တော့ အဆင်ပြေသွားမာပါ"
“ဘယ်လိုလုပ်ပြီး အဆင်ပြေနိုင်မှာလဲ"
လင်းဝေရွေ့က စိတ်အားငယ်မှုများနှင့် အဆက်မပြတ်အော်မြည်ရင်း:"နင် အဲ့ဒါကိုတွေ့လိုက်လား..သူ့အသက်ပေါ်မှာချိတ်ဆွဲဖို့ စိတ်ဝိဥာဥ်ကျောက်တုံးကိုတောင် စသုံးနေပြီလေ ..ငါစောစောလာသင့်တယ်..ငါဘယ်လိုများ အကြာကြီး အချိန်ဆွဲဖို့ ဆုံးဖြတ်ခဲ့မိတာပါလိမ့်"
တစ်ယောက်ယောက်၏အသက်ပေါ်သို့ ချိတ်ဆွဲထားရန် စိတ်ဝိဥာဥ်ကျောက်တုံးများ သုံးစွဲခြင်းက ထိုလူမှာ သေနေပြီဟု ဆိုလေ၏။ရှန်ဝူချွေ့၏စိတ်ဝိဥာဥ်သွင်ပြင်မှာ နေဝင်ချိန်နောက်ဆုံးသောအလင်းရောင်လေး ဖြစ်နိုင်ပေသည်။လင်းဝေရွေ့ထံမှ အမြဲအရူးလုပ်ခံလိုက်ရသည့် ကလေးတစ်ယောက်မဟုတ်တော့ပေ။
ВЫ ЧИТАЕТЕ
ဆောင်းနှင်းဓါးထက်ချယ်ရီဝေ
Документальная проза💥New BL Coming Soon Title- Cherry Blossoms Upon a Wintry Sword Type - Web Novel(CN) Genre - Adventure, Comedy, Shounen Ai ,Xuanhuan Yaoi Author - XĪ Zîxù E-Translator - N/A Year -2019 Status- 92 +7 (extras) MM Translator - IQ Team ဆောင်းနှင်းဓားထ...
