ဆောင်းနှင်းဓါးထက်ချယ်ရီဝေ

chapter 190

Chapter 190 [Extra 1]
Imperial MeowAugust 30, 2023
Chapter 190

အချပ်ပို-၁။ တာ့ကျင့်ရှိ အတိတ်ကဖြစ်ရပ်အလီလီများ [၁]

____

တာ့ကျင့်ရှိနွေဦးမိုးသည်ကား အလွန့်အလွန်သည်းထန်ပေ၏။

ဝါးခမောက်ဆောင်းထားသည့် ဘုန်းကြီးတစ်ဦးက အစိမ်းရောင်ခင်းထားသည့် ကြမ်းပြင်ထက် လျှောက်လှမ်းလာသည်။ကြည်လင်သိပ်သည်းလှသည့် မိုးစက်များက တိုက်ခတ်လာပြီး သူ၏အဝတ်နားစလေးများအား စိုစွတ်စေ၏။ရုတ်တရက် ကျောက်တုံးကဲ့သို့ ခပ်မာမာအရာတစ်ခုက ဘုန်းကြီး၏ခမောက်အား ပစ်လာခဲ့ရာ သူခေါင်းမော့ကြည့်လိုက်သည်နှင့် ခေါင်မိုးထပ်တွင် ထိုင်နေသည့် ပြုံးနေသည့်မင်းသားအား တွေ့လိုက်ရချေသည်။

“ဆရာတော်ရွှမ်ချင်း ခင်ဗျားဘာလို့ ဒီရောက်နေတာလဲ"

ထိုမင်းသားက ဘုန်းကြီးအားကြည့်ရန် ကိုယ်ကိုယိုင်ထားရင်းမှ လက်တစ်ဖက်တွင်မူ သေရည်ခွက်တစ်ခွက်ကိုင်ထားပြီး တစ်ခြားတစ်ဖက်တွင်ဖြင့် စိတ်ဝင်စားမှုကြီးကြီးနှင့် ငွေခဲလေးအား ချိန်ကြည့်နေ၏။ယင်းက ယခုလေးတင် ဘုန်းကြီး၏ခမောက်အား ပစ်လိုက်ရန် သုံးသည့် ပစ္စည်းလေးနှင့်တူပေသည်။

ဘုန်းကြီးက သူ့အားမော့ကြည့်လိုက်ရာ မိုးစက်အချို့က သူ့မျက်တောင်များထက် သက်ဆင်းလာ၏။သူက မျက်တောင်ခတ်လိုက်စဥ် မိုးရေများက ရေစက်လေးများသဖွယ် ပါးပေါ်သို့ကျဆင်းသွားသည်။စစချင်း၌ ယင်းက မျက်ရည်လေးများနှင့် တူနေပြီး မင်းသားက ဤမြင်ကွင်းအား ကြည့်ရှုမိသောအခါ သူက တစ်ခစ်ခစ်ရယ်မောလိုက်ကာ သူ့အားအော်ခေါ်လိုက်သည်။

"ဘုန်းကြီး ခင်ဗျားသောက်ချင်လား" 

ထိုဘုန်းကြီးက ခေါင်းခါပြလိုက်ကာ သူက ထိုအရာများနှင့်မထိတွေ့ချင်ပါကြောင်း ပြောလိုက်လေသည်။

“ဒါဖြင့် လာပါ ထိုင်ပြီး ကျုပ်နဲ့ခဏလောက် စကားပြောကြတာပေါ့"

ထိုမင်းသား၏လက်ချောင်းထိပ်လေးများက သေရည်ခွက်အား ချိတ်ကိုင်ထားရင်း ပျင်းပျင်းရိရိဆိုလာ၏။