Chapter 150
Imperial MeowAugust 19, 2023
Chapter 150
ပြင်းထန်စွာ ထိခိုက်ဒဏ်ရာရခြင်း
───────
ရှန်ဝူချွေ့ ပြန်ပြောလိုက်သည်။
"ဒါက ကြီးကြီးမားမားတော့ မဟုတ်ပါဘူး"
လင်းရုဖေး သူ့ကိုယ်သူ တွေးနေခဲ့သည်။ မင်းရဲ့ 'ကိစ္စကြီးမဟုတ်ဘူး' ဆိုတာက သိပ်မယုံနိုင်စရာပဲ။ သို့သော် သူ ရှန်ဝူချွေ့နှင့် ထပ်၍အငြင်းမပွားတော့ဘဲ သူ့ဘေးတွင် ဝင်ထိုင်လိုက်သည်။ ထိုင်လိုက်သည်နှင့် ပုပ်အဲ့အဲ့အနံ့သည် ပိုပြင်းလာသည်ကို သတိပြုမိလိုက်သည် ဒဏ်ရာကို ကောင်းစွာ မကုသထားသကဲ့သို့ ဖြစ်နေသည်။
ရှန်ဝူချွေ့ မေးလိုက်သည်။
"မင်းအစ်မ အခုတလော နေကောင်းရဲ့လား"
လင်းရုဖေးသည် ပြန်ဖြေလိုက်၏။
"သူ နေကောင်းပါတယ်။ မင်းအတွက်တော့ နည်းနည်း စိတ်ပူနေတယ်" သူမမေးခင် ခဏလောက်တော့ တွန့်ဆုတ် နေမိသည်။ “ရှန်းသခင်လေး အဲဒီနေ့က မင်းကို နာကျင်အောင် လုပ်ခဲ့တဲ့ ဓားသမားက ဘယ်လိုပုံစံလဲဆိုတာ ငါ့ကို ပြောပြပေးနိုင်မလား"
"သူက ဘယ်လိုပုံစံလဲ"
ရှန်ဝူချွေ့ ရေရွတ်လိုက်ပြီး “သူက ငယ်ငယ်ရွယ်ရွယ်နဲ့ ဆယ်ကျော်သက်အရွယ်လို့ ထင်ရပေမယ့် သူ့ရဲ့ ဓားသိုင်းက အရမ်းပြင်းထန်တယ်။ သူနဲ့ပတ်သတ်ပြီး ထူးထူးခြားခြား တစ်ခုခုပြောရမယ် ဆိုရင်... ...”
လင်းရုဖေး သိချင်လာပြီး "အဲဒါက ဘာလဲ"
ရှန်ဝူချွေ့ ပြန်ဖြေလိုက်၏။ "အဲဒါက သူ့ရဲ့ကျင့်ကြံဆင့်ကို ငါ ထွင်းဖောက်မမြင်နိုင်ဘူး"
သူ သံသယဝင်စရာ အကြည့်တစ်ချက်ဖြင့် ကြည့်လိုက်သည်။
"ဒါက ဘယ်လိုဖြစ်နိုင်မှာလဲ" လင်းရုဖေး မယုံကြည်နိုင်စွာ အော်လိုက်မိသည်။
"ရှန်သခင်လေးက အဲဒီလူရဲ့ကျင့်ကြံဆင့်ကိုတောင် မမြင်နိုင်ခဲ့ဘူးလား"
"ဟုတ်တယ်၊ အဲဒီလူရဲ့ အသက်ရှုသံကိုတောင် မကြားမိဘူး"
ရှန်ဝူချွေ့ သက်ပြင်းချလိုက်ပြီး "သူပေါ်လာချိန်ကနေ သူပျောက်ကွယ်သွားတဲ့အချိန်အထိ ငါ... ...သူရှိနေတာကိုတောင် မသိလိုက်ဘူး"
VOCÊ ESTÁ LENDO
ဆောင်းနှင်းဓါးထက်ချယ်ရီဝေ
Não Ficção💥New BL Coming Soon Title- Cherry Blossoms Upon a Wintry Sword Type - Web Novel(CN) Genre - Adventure, Comedy, Shounen Ai ,Xuanhuan Yaoi Author - XĪ Zîxù E-Translator - N/A Year -2019 Status- 92 +7 (extras) MM Translator - IQ Team ဆောင်းနှင်းဓားထ...
