ဆောင်းနှင်းဓါးထက်ချယ်ရီဝေ

chapter 191

Chapter 191
Imperial MeowAugust 30, 2023
Chapter 191

အချပ်ပို-၂။ တာ့ကျင့်ရှိ အတိတ်ကဖြစ်ရပ်အလီလီများ [၂]

____

သူက ထိုလူနှစ်ယောက်အား ဆင့်ခေါ်လိုက်ရန် လက်အောက်ငယ်သားများ ခိုင်းလိုက်သည့်အချိန်အား အခွင့်ကောင်းယူပြီး ဧကရာဇ်မှာ ရွှမ်ချင်းအား ထိုင်စရာနေရာပြင်ပေးရန် တစ်ယောက်ယောက်အား ခိုင်းလိုက်လေ၏။

သိပ်မကြာမီမှာပင် အစောင့်များက နူးနူးညံ့ညံ့မိန်းကလေးတစ်ယောက်နှင့် တောက်ဓမ္မဝတ်ရုံဝတ်ဆင်ထားသည့် လူအား ခေါ်လာသည်။နှစ်ဦးသား ရွှမ်ချင်းအား မြင်သော် သတိလစ်မတတ်ဖြစ်သွားလေ၏။

ထိုမိန်းကလေး၏သွင်ပြင်က အရမ်းမလှပသော်ငြား သူမ၏သနားစရာကောင်းသည့် ပုံစံလေးက ပိုရှုမြင်ချင်စရာဖြစ်သွားစေသည်။ထိုစဥ် တခြားသူကမူ ရွှမ်ချင်းအား သတိအနေအထားနှင့်ကြည့်နေ၏။

“ဆရာတော် ..ငါကိုယ်တော် မင်းနဲ့ကျင့်လွင်ရင်းနှီးတာကို သိပေမယ့် သူ့ကို ဒီကိစ္စကြောင့် အလိမ်ခံနေရတယ်လို့ ထင်တယ်"

ဧကရာဇ်၏အသံက ငြင်းလို့မရနိုင်သည့် အဓိပ္ပါယ်နှင့်အတူ အေးစက်နေကာ:"ဒါကြောင့် သူမက ယုန်ဝိဥာဥ်ဟုတ်သလား မဟုတ်ဘူးလားဆိုတာ ဆရာတော် သင့်တင့်လျောက်ပတ်စွာ ဆုံးဖြတ်မယ်လို့မျှော်လင့်တယ်"

သွယ်ဝိုက်ပြောလိုက်သည်က ရွှမ်ချင်းမှာ ပုဂ္ဂိုလ်ရေးကြောင့် အမှန်တရားအား တမင်သက်သက် ဖုံးကွယ်ထားပြီး ဥပဒေအားမချိုးဖောက်သင့်ကြောင်းပင်။ 

ရွှမ်ချင်းက ခေါင်းညိမ့်ပြလိုက်၏။

သူက ထလိုက်ပြီး ထိုလူနှစ်ယောက်ဆီသို့ ဦးတည်သွားလိုက်ကာ သေသေချာချာ အကဲခတ်လေ့လာလိုက်သည်။သူက မျက်မှောင်ကြုတ်လိုက်ကာ ဆိုလိုက်သည်။

"ဒီကိုယ်တော် မိစ္ဆာချီဓါတ်ကို ခံစားရတယ်"

အခန်းထဲရှိ အသက်ရှူသံများက ချက်ချင်း လေးပင်သွားကြ၏။ 

“မိစ္ဆာချီ.."

ဧကရာဇ်၏အသံက အေးစက်သွားကာ:"ဆရာတော် သေချာရဲ့လား"