ဆောင်းနှင်းဓါးထက်ချယ်ရီဝေ

Chapter 112
Imperial MeowAugust 03, 2023
Chapter 112

မင်းသမီး​လေး၏အရေးကိစ္စ

-------------------

သူသည် ငါးစာဖြစ်ရမည်ဖြစ်သောကြောင့် သဘာဝအတိုင်း ထိုအရာအား ဆွဲဆောင်ရန် လွယ်ကူသောနေရာတွင် ရှိနေသင့်ပေသည်။

ထိုည၌ ရွှမ်ချင်းနှင့် ပိုင်ထျန်း​ရွေ့ဘက်တွင် သူတို့သည် တစ်​ယောက်ကိုတစ်​ယောက် နှုတ်ခွန်းဆက်သပြီး လင်းရု​ဖေးအား နန်းတော်ထဲမှ လှိုက်လှဲစွာကြိုဆိုကြသည်။ ဖူဟွားနှင့် ယွီ​ရွေ့တို့သည် အမှန်တကယ်ဖြစ်ပျက်နေသည်များကို မသိသောကြောင့် အနည်းငယ် စိတ်ပူသွားကြသည်။ နောက်ဆုံးတွင် သူမတို့ တုံ့ဆိုင်းစွာသဘောတူခြင်းမပြုမီအထိ လင်းရု​ဖေးသည် အချိန်အတော်ကြာအောင် အာမခံ၍နားချ​ပြောဆိုပေးခဲ့ရသည်။ ရထားဖြင့် နန်းတော်ထဲသို့ စီး၀င်လာပြီးနောက် နောက်ဆုံးတွင် လင်းရုဖေးသည် ညအချိန်အတွင်း နန်းတော်အတွက် မျက်မြင်သက်သေဖြစ်လာပေသည်။

ရှုခင်းသည် နေ့ခင်းဘက်နှင့် ယှဉ်ရင် အနည်းငယ် ကွာခြား​ပေသည်။ ဟင်္သာပြဒါးနီ​စောင် အမိုး၏တံစက်မြိတ်အောက်တွင် နေရာတိုင်း၌ ကြီးမား​ပြီးအနီရောင်ရှိသည့် နန်းတော်၏မီးအိမ်ကြီးများ ချိတ်ဆွဲထားသည်။ လမ်းဘေးတစ်လျှောက် ဖြည်းညှင်းစွာ တန်းစီပြီးလမ်းလျှောက်နေကြ​သော နန်းတော်၏အစေခံများ သို့မဟုတ် အစောင့်များ ရှိသော်လည်း လင်းရု​ဖေး စိတ်ကူးထားသလောက် တိတ်ဆိတ်ခြင်းမျိုးမရှိပေ။

စိတ်ထဲ၌ သံသယဖြစ်စရာ ပစ်မှတ်တစ်ခုရှိနေပြီး လင်းရု​ဖေးသည် ငါးစာဖြစ်သောကြောင့် သဘာဝအတိုင်း သူနေနေသည့်နေရာသည် ပစ်မှတ်နှင့် နီးကပ်လေလေ ပိုကောင်းလေဖြစ်သည်။ ဤကဲ့သို့​သောအတွေးဖြင့် လင်းရု​ဖေး အနားယူသည့်အခန်းကို တတိယမင်းသမီး၏ဘေးအခန်းတွင် စီစဉ်ပေးကြသည်။ အခန်းထဲတွင်ရှိနေ​သော လင်းရု​ဖေးသည် ယခုကိစ္စကို ပိုင်ကျင့်လွင် သိလားဟု မေးလိုက်​သော်လည်း ရွှမ်ချင်းက ခေါင်းခါပြီး ငြင်းပယ်လိုက်သည်။

“အင်း သူမသိဘူးလို့​တော့ မပြောနိုင်ဘူး"

ရွှမ်ချင်းက ပြုံးပြီး ရှင်းပြသည်။