Chapter 177
Sue Xing NwayAugust 27, 2023
Chapter 177
"မင်းကို လျှို့ဝှက်ချက်တစ်ခုပြောပြစေချင်လား"
ဝူအောင်းက မေးလာ၏။
"ဘာလဲ"
ကုရွှမ်းတုက ဆိုလာသည်။
"ငါ ဆရာနဲ့အတူရှိတုန်းက သူ့အချစ်ကိုအရင်ဆုံး ဝန်ခံခဲ့တာ ဆရာပဲ"
ဝူအောင်းမှာ တောင့်ခဲသွားရလေ၏။
ကုရွှမ်းတုက ပုခုံးတွန့်လိုက်ပြီး:"မင်းအဲ့ဒါကို မမျှော်လင့်ထားဘူးလို့ လောင်းရဲတယ်"
ဝူအောင်းမှာ ဒေါသကြောင့် ထခုန်လုနီးနီးပင်။သူ့နဖူးကြောများက ပွင့်ထွက်မတတ်ဖြစ်လာရကာ ဓါးအားဆွဲထုတ်လိုက်ရင်း ကုရွှမ်းတုအား တစ်ချက်နှစ်ချက်လွှဲယမ်းလိုက်လေ၏။
ကုရွှမ်းတုက ဤသည်အားမြင်သော် ကျယ်ကျယ်လောင်လောင်ရယ်မောလိုက်ပြီး:"မင်း ..အာ မင်း ..အာ အမြဲတမ်း မင်းကကျင့်ကြံနေဖို့လောက်ပဲသိပြီး ကာမပုံတွေကိုတောင် မကြည့်ရဲတာကို ဘယ်လိုလုပ်ပြီး ဒီအရာတွေကို နားလည်မှာလဲ ...ငါနဲ့ဆရာရဲ့နှလုံးသားက ဆက်နွယ်ထားပြီးဖြစ်နေပြီ ဒါကြောင့် မိစ္ဆာကောင်လေး မင်းက ဘယ်အချိန်ထိများ ငါတို့ကို အတိုက်အခံလုပ်နေမှာလဲ"
ဝူအောင်းမှာ ဒေါသထွက်လွန်း၍ မူးမေ့မတတ်ဖြစ်လာရသည်။သူသာ ကောင်းကင်ဘုံအုပ်ချုပ်သူ၏ကိုယ်အား ကိုင်ထားဆဲမဟုတ်ပါက ဆက်ပြီးလှုပ်ရှားလာခဲ့မည်ပင်။ကျေနပ်နေသည့်အကြည့်ဖြင့် ကုရွှမ်းတုကြောင့် ဤဆက်ဆံရေးတွင် ဝူအောင်းမှာ သူ၏ဆရာတူအစ်ကိုအား ဘာမျှမလုပ်နိုင်ကြောင်း မြင်နိုင်ပေ၏။
လူနှစ်ဦးစကားပြောနေချိန်တွင် မြေပြင်တုန်ခါနေသည်လည်း တစ်စတစ်စ ကြီးမားလာ၏။သူ့နေရာ၌ ရေးဆွဲထားသည့် တည်ဆောက်ပုံက မျက်စိကျိန်းဖွယ် အနီရောင်အလင်းတန်းအား ဖြာထုတ်လာကာ တည်ဆောက်ပုံမျက်လုံးမရှိသည်ကြောင့် တည်ဆောက်ပုံက ယိုယွင်းလာမည်အား စောင့်ကြည့်နေရသည်။
ကုရွှမ်းတုက ပြုံးလိုက်လေ၏။
သူက နောက်လှည့်လိုက်ပြီး "ရှောင်ကျို့"ဟုခေါ်လိုက်ကာ အခန်းကိုဖြတ်၍ လှမ်းလိုက်ပြီး ကျောက်ခေါင်းတလားထဲသို့ ဝင်သွားလေ၏။ထို့နောက် သူ့ခန္ဓာကိုယ်က အနီရောင်အလင်းတန်းများ စတင်ဖြာထွက်လာပြီး တည်ဆောက်ပုံရှိရာ လမ်းတလျှောက် စတင်ပျံ့နှံ့သွားလေသည်။
VOCÊ ESTÁ LENDO
ဆောင်းနှင်းဓါးထက်ချယ်ရီဝေ
Não Ficção💥New BL Coming Soon Title- Cherry Blossoms Upon a Wintry Sword Type - Web Novel(CN) Genre - Adventure, Comedy, Shounen Ai ,Xuanhuan Yaoi Author - XĪ Zîxù E-Translator - N/A Year -2019 Status- 92 +7 (extras) MM Translator - IQ Team ဆောင်းနှင်းဓားထ...
