CEO AND THE ACTRESS

74

နေ့လည်ရောက်တော့.. ဝမ်လီချန် အဖျားငွေ့ငွေးလေး ရှိလာသောကြောင့်.. လစ်ဆီက ဆေးရုံသွားချင်ပေမဲ့.. ဝမ်လီချန် ငြင်းလိုက်လေသည်.. 

ထိုနေ့.. တနေ့လုံး လစ်ဆီ ဘာမှ မလုပ်တော့.. ဝမ်လီချန် နဖူး ခဏခဏ အဖျား သွား စမ်း ခြင်းနှင့်သာ အချိန်ကုန်သွားလေသည်.. 

////

ဝမ်လီချန် အလုပ်ကိစ္စရှိလို့ နိုင်ငံခြားသွားသည့်အချိန် လစ်ဆီ အိမ်သို့ ပြန်ခဲ့လေသည်.. ဒဏ်ရာ ရပြီးနောက်ပိုင်း သူ အိမ်သိပ်မပြန်ဖြစ်.. မမက အလုပ်ကိစ္စနှင့် အိမ်မှာသိပ်မနေဖြစ်သောကြောင့်... အချိန်ရှိတုန်း လစ်ဆီ မိဘတွေကို အဖော်လုပ်ပေးချင်သည်.. 

အခုတော့ လစ်ဆီ အလုပ်လက်မဲ့ ... ဝမ်လီချန် က သူ့ကို အလုပ်လက်မခံခိုင်းခဲ့.. သို့ပေမဲ့.. နှစ်သစ်ကူး ပြီးလျှင်တော့.. ကြေငြာရိုက်ဖို့ ရှိလေသည်.. နာမည်ကြီး တံဆိပ်တော်တော်များများ.. လစ်ဆီနှင့် ကြေငြာရိုက်ဖို့ စိုင်းပြင်းနေလေသည်.. 

ခုတောင် ဒီဇင်ဘာ ဆိုတော့.. နှစ်သစ်ကူးဖို့ တော်တော်လေး နီးနေလေပြီ.. ညနေစာ စားပြီးတော့ လစ်ဆီ အခန်းထဲ ဝင်ပြီး ဖုန်းခေါ်ဖို့ ပြင်လိုက်သည်.. အဖေ က မကန့်ကွက်တော့ပေမဲ့.. အဖေ့ရှေ့မှာ ချစ်စကား ကြိုက်စကားတော့ မပြောရဲ.. 

လစ်ဆီ ဖုန်းနံပါတ်နိပ်ပြီး.. ခေါ်လိုက်သည်.. ဝမ်လီချန်ရောက်နေသော နိုင်ငံရဲ့.. နေ့လည်ခင်းအချိန်မို့.. သူ ဖုန်းကိုင်နိုင်လောက်သည်.. 

"ဟလို"

"ဟလို.. ရှင်ဘာလုပ်နေလဲ"

လစ်ဆီ ဖုန်းကို နားသို့ပိုပြီးကပ်လိုက်သည်.. သူ့အသံကြားရတာကိုက ပျော်ရွင်မှုတခုပင်.. 

"ကိုယ်တို့တွေ မီတင်ပြီးလို့.. ဟော်တယ်ပြန်ဖို့ ပြင်နေတာ.. မင်းကော"

"အိမ်မှာပဲလေ.. အခန်းထဲမှာ.. ရှင် နက်ဖြန်ပြန်လာမှာမလား"

"သေချာတာပေါ့"

"ဒါဆို ရှင်ပြန်လာဖို့ စောင့်နေမယ်"

"ကိုယ့်ကို ဘာလို့ စောင့်မျှော်နေမှာလဲ" ထိုလူက အက်ရှရှ အသံနှင့် မေးလိုက်လေသည်..