CEO AND THE ACTRESS

55

ဝမ်လီချန် မျက်မှောင်ကြုတ်ကာ လစ်ဆီ့နားသွားပြီး တပ်ထားသော mask ကို ခွါပေးလိုက်လေသည်။.. mask တပ်ပြီးခါစမို့ မျက်နှာက ရေဓါတ်ပြည့်ဝကာ အိအိလေး ဖြစ်နေသည်.. ဝမ်လီချန် လစ်ဆီ့မျက်နှာကို ခဏငေးကြည့်ပြီး မှ ရေချိုးခန်းထဲသွားကာ မျက်နှာသုတ်ပုဝါကို ရေနွေးဆွတ်ပြီး ယူလာ.. လစ်ဆီ့မျက်နှာကို သစ်ပေးလိုက်သည်..

အိပ်စက်ခြင်းကို တယောက်ယောက်က နှောက်ယှက်နေသလို.. လစ်ဆီ လက်တွေကို လိုက်တွန်း လိုက်သည်..

လစ်ဆီ့မျက်နှာကို တစိမ့်စိမ့်ကြည့်နေသော လီချန် က မနေနိုင်တော့ပဲ လစ်ဆီ့နှဖူးကို သာသာလေး နမ်းလိုက်လေသည်။

"good night"

လစ်ဆီ့နား တိုးတိုးကပ်ပြောလိုက်ကာ ထလိုက်သည်.. သူ့နှုတ်ခမ်းမှာ အပြုံးတွေနှင့် ကော့တက်သွားသည်.. အခန်းထဲကနေ တိတ်တဆိတ် ထွက်သွားလေသည်။

လစ်ဆီ့အိပ်နေရင်း အိမ်မက်ကောင်းမက်နေလေသည်.. သူ့အိပ်မက်ထဲမှာ လီချန် လဲပါသည်.. ညစာစားပွဲ တခုမှ သူများတွေနှင့် ဝမ်လီချန် စကားပြောနေသည့်အချိန် ရီမောနေသည့်အချိန်.. လစ်ဆီက ဘေးမှာ အဖော်အဖြစ်ရပ်လို့.. ဒီလို ဝမ်လီချန်နှင့် တွဲရပ်နေရတာ.. လစ်ဆီ ပျော်ရွင်သလိုလို.. တာဝန်ကြီးသလိုလို..

မနက်ရောက်လာတော့.. ဖုန်းမြည်သံကြောင့် လစ်ဆီ နိုးလာပြီး ဖုန်းကိုင်လိုက်လေသည်..

"ဟလို.."

"လစ်ဆီ ပြောစရာရှိလို့.. မနေ့က ညနေတုန်းက ညနေခင်း ဝတ်စုံ ပို့လိုက်တဲ့ဟာလေ.. ရှန်ယောင်ကလဲ အဲ့ဒါဝတ်မှာတဲ့.. .. အမ ထင်တာ မင်း တခြား ဝတ်စုံ ရွေးလိုက်ရင်ကောင်းမယ်ထင်တယ်"

အန်နီက ဖုန်းထဲကနေ တဆက်တည်း ပြောလာလေသည်။

"ဘာလို့လဲ.. သူဝတ်တော့ရော ဘာဖြစ်လဲ.. ကျမ ဘာလို့ မဝတ်နိုင်မှာလဲ"

လစ်ဆီ စိတ်ရှူပ်သွားသည်.. သူ အသစ်ထပ်မရှာချင်တော့..

"ဟုတ်ပြီလေ.. ရင်ကွဲဝတ်စုံက သိပ်မကောင်းဘူးလားလို့"

"မပြောင်းချင်တော့ဘူး.. ဝတ်မှာပဲ"

"ဟုတ်ပြီ.. မင်း ရင်ဆိုဒ် သေးတယ် လို့တော့ အမ မပြောပါဘူး.. 36D ဆိုဒ် က ပုံမှန်ပါပဲ.. ဒါပေမဲ့.. သူက ရင်တောင့်တယ်.. ပရိသတ်တွေကတော့ ယှဉ်ပြီး ပြောကြမှာအမှန်ပဲ"