🍂 هناك أمل 🍂
🍸 مصادفتك هي الحلم لواقعي و حقيقة لنبض قلبي! 🍸
البارت:5
وصل وقت الغذاء كولشي مشا إتغذى ، وليلى مشات توقف على خدمتها إلا حسناء ، جالسة فوق السرير جامعة رجليها ومعنقاهم عندها سارحة فأفكارها .
تفكرات واليديها لي معندهاش حسات باليتم ، إحساس غريب وخايب مايحس به غي لي فقد واليديه بحالها .( لي واليديها ميتين الله يرحمهم ويرزقهم جنة الفردوس ، ولي واليديها عايشين الله إحفضهم ليها يارب.) .بقات حسناء على ذاك الحال حتى حسات بيد فوق كتفها لقات المشرفة كتبسم ليها قالت ليها وهي كطبطب على كتفها.
ليلى:بنتي بركة عليك من البكا ومن التفكير راك غادا تمرضي راسك ، راك ماشي اللولة ولا اللخرة لي إطرا ليها هكا .
بزاف ديال البنات كانوا هنا ومشاو وعاشوا حياتهم توكلي على الله ونعلي الشيطان.حسناء: ولكن أخالتي فين غانمشي (گلسات ليلى فجنبها ملي شافتها كتبكي) فيييين هئ هئ فييين معندي حد ، معندي أب ولا أم ولا أخ هئ هئ عمي لي عندي لاحني هنا سنوات هادي هئ هئ عمروا سول فيا ( زايدة فوتيرة بكاءها ) هئ هئ هئ أنا بوحدي فهاد الدنيا أخالتو هى هئ هى ( بحرقة ) أنــــا وحــــيدة أنـــــا يـــتـــيــــمــــة .
ليلى (كتبكي معاها ): حشوووومة عليييك أبنتي حشووووومة تگولي هاد الهضرة ، غي قبيلة گلت ليك أنا ديما معاك هئ هئ واش نسيتيني أنا معاك هئ هئ أنا ديما معاك.
أول مرة جيتي فيها لهنا حن قلبي ليك هئ هئ كنتي بنية صغيرة ، زوينة ، وخايفة ، حسيت فيك بنتي لي معنديش ، (بألم ) بنتي لي ماتت ليا وهي باقة صغيرة ، (شافت فحسناء) وبغيتك تكوني معايا وتبقاي معايا .(شافت فيها حسناء بتساؤل و ليلى كملات ). قلت ليك قبيلة عندي ليك الحل ، حلك عندي أبنتي .حسناء:أشمن حل لقيتي لحالتي أخالتو ؟؟
#يتبع.
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...