قصة بالدارجة المغربية، تحمل من كل فن طرب :
اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي.
قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
داخلة للدار وهي غطير بالفرحة ، قصدات الكوزينة لقات ليلى ونزهة كيوجدو الغداء، سلمات عليهوم وعاودات ليهوم على الخرجة من بعد طلعات لبيتها وهي كلها حماس وكتفكر كيفاش تمشي عندو وتشكرو وتقدم ليه الكادو حشمانة وتلفانة، دخلات لبيتها وبدلات حوايجها ببيجامة مستورة صلاة صلاتها كيف العادة مع مجموعة من الأدعية ، وهبطات لعندهوك عاوناتهوم حتى حطو الغداء ، وتسناو الرجال حتى جاو وتجمعوا على الغذاء لي كان عبارة على طاجين المعزي وسلطات متنوعة .
الحاج( شاف فحسناء): بنتي كي دازت الخرجة شفتك رجعتو بكري.
حسناء ( بخجل وحماس): دازت زوينة أبا الحاج، الله إجعل البركة درنا مزيان ورجعنا .
ميلود: كون كانو شي وحدين مايرجعو حتى لمورا العشاء( شار ليها لجهة نزهة).
نزهة( بطنز): حيث تبارك الله مشبعني مسارية ديما خارجين .
ليلى: وعلاش أبنتي مگلتيش لصاحبتك دخل غي نتعرفو عليها بعدا.
حسناء: گلتها ليها أخالتو ولكن كانت زربانة .
ليلى: أمممم إوا مرة أخرى گولي ليها دوز عندنا ولا عرضي عليها صافي.
طول الحذيت لي دار بينو وبين الحاج كانت هي كتسرق بطرف عينيها ملاميحو السوداء عيونو الكحلين برموش كثيفة سوداء وديك اللحية لي زادتو جاذبية وهيبة ، وفدامغها كتفكر إمتى تشكر على التصرف لي صدر منو.
وصل وقت العشاء ، هاهي فبيتها كتصلي صلاة العشاء لي فيها 4ركعات 2جهريين و2 سريين من بعد ماسلات بدات قراءة أية الكرسي كيف ديما.
حسناء (بخفوت): "الله لا إله إلا هو الحي القيوم لا تأخذه سنة ولا نوم له ما في السموات وما في الارض ، من ذا الذي يشفع عنده إلا بإذنه ، يعلم مابين أيديهم وما خلفهم ولا يحيطون بشيء من علمه إلا بما شاء وسع كرسيه السموات والارض ، ولا يؤوده حفضهما وهو العلي العظيم “
"اللهم أنت ربي لا اله إلا أنت عليك توكلت وانت رب العرش العظيم ،ماشاء الله كان وما لم يشأ ولم يكن ، لا حول ولا قوة إلا بالله العلي العظيم ،أعلم أن الله على كل شيء قدير ، وأن الله أحاط بكل شيء علما“.
"اللهم أعني على ذكرك وشكرك وحسن عبادتك يارب العالمين، اللهم إجعل خير عمري ءاخره ،وخير عملي خواتمه ،وجعل خير أيامي يوم ألقاك،اللهم إغفر لي ذنوبي وخطاياي كلها،اللهم إنعشني وإجبرني و إهديني لصالح الأعمال والأخلاق، إنه لا يهدي لصالحها ولا يصرف سيئها إلا أنت، اللهم إني أعوذ بك من الكفر و الفقر و عذاب القبر ، يا أرحم الراحمين
من بعد ماكملات صلاة النوافل المعروفة الشفع لي فيه 2 ركعات و الوتر لي فيه ركعة واحدة.
قامت من بلاصتها وقصدات الكادو لي جابت ليه ، هزاتو بين إديها كان فغلاف فالأسود مزوق بخيط فالذهبي غي من الغلاف كيبان هماوي ، خرجات من بيتها وهو بين إيديها وهي لي كانت لابسة لباس الصلاة فاللون الزهري قاصدة المكتب ديالو ، وصلات حدا باب المكتب ودقات قلبها تسارعو وشداتها الخلعة ومعدتها تزيرات عليها فواحد اللحضة قررات تنساحب ولكن تفكرات هضرة بسمة وشجعات راسها ، علاه أش غدير گاع غادي غي تشكرو عادي جدا مافيها حتى عيب .
حسناء ( كتحاول تهدن راسها) : ششششش أحسناء تهدني تهدني ونعلي الشيطان، راك مغاديري حتى حاجة خايبة ولا محرمة راك فقط غتشكريه على تصرفو فقط ، متخافيش و حيدي منك الحشمة لالا خليها غي نقصيها ، صافي هكاك ودبا دقي الباب يالاه تشجعي .
#يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
