🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸بارت86
وصلات حداهوم وبقات كتفرج والفرحة مالياها واخا فقسها سليمان بردة فعلو تجاه غياب حسناء.
الحاج( داخل من الجردة من بعد ماوصلو الصداع): ياك لباس شنو طاري هنا ( بان ليه سليمان معصب وكايمشي ويجي) ولدي مالك شنو طاري.
ليلى( قصداتو وهي كتبكي): الحاج مشات خرجات من الدار معرفناها فين قصدات.
الحاج( شادها كيهدنها): مالك بشوية عليك ، وفهميني شنو طاري ، شكون لي خرجات ؟
ليلى( بزز كتخرج الهضرة): ح حسناء لي مشات خرجات من الدار الحاج ، أنا خايفة عليها.
الحاج( بصدمة): كيفاش ؟ ( شاف فيهوم ) أشنو هادشي كنسمع هادش بصح.
نزهة( بحزن وعيون دامعة): أه الحاج هاد الهضرة صحيحة ، مشات وحتى واحد ماشافها.
الحاج( بإستغراب): وعلاش غاتمشي ؟ شكون گال ليها شي حاجة ؟ شكون قلقها؟
ليلى( باكية): معرفتش أنا معارفة والو سليمان لي گال ليا مشات ، خليتها البارح بخير معرفتش شنو طرا؟
الحاج (شاف فسليمان): شنو طرا أولدي؟ علاش مشات البنت ؟
سليمان ( بعصبية): حتى أنا باغي نعرف؟( شاف لجهة الدروج وهي تبان ليه واقفة كضحك ومشا قصدها شدها من شعرها جبدها لعندهوم) نتي نتي لي عارفة شنو طاري .
الحاج ( غادي عندو احيدها ليه ودوا بعصبية): سليمان طلق من البنت أشنو دارت ليك؟ ( كايحاول إفكها ) طلق أولدي نعل شيطان أشنو دارت هي شنو مدخلها فهاد الموضوع خلي عليك البنت.
سليمان ( دفعها بعصبية كون ما الحاج لي شدها كون جات مخبوطة ): هي سباب فكولشي( شاف فالحاج و هو كيأكد) أي حاجة خايبة طرات فهاد الدار فهادي سبابها .
الحاج( كيشوف فيه وكاميليا لي دار ورا ضهرو): شنو دارت أولدي وشنو دخلها فهاد الموضوع فهمني.؟
كاميليا ( كتبوحط عليه): عنداك أعمي ماتيقوش هضرتها كلها كذوب ، أنا مادرت والو .
الحاج: صافي أبنتي خليه إفهمني ، دوي أولدي شرح ليا شنو طاري.
سليمان ( بموافقة): واخا الحاج مطلبتي غي الموجود وحتى أنا باغي نفرگع هاد الرمانة من شحال هذا( شاف فليلى لي كتبكي فصمت) سكت على قبلك ولكن دبا لا .
ميلود( دخل مخلوع من الصداع لي وصلو): ياك لباس رجعت أش هاد الصداع والغوات.
نزهة( باكية): حسناء مشات ، خوات الدار.
ميلود( بصدمة): كيفاش؟
سليمان ( شاف فنزهة وقال بجدية): ختي نزهة طلعي للبيرو وجيبي البيسي وواحد الضوصي محطوط فالمجر.
نزهة( بموافقة): واخا أخويا نجيبو دبا.
سليمان ( جر كرسي گلس عليه وعينيه كي القرطاس فكاميليا ): دبا غاتعرفو كولشي وغاتفهمو كولشي .
كاميليا بدا الخوف كتيتمكن منها وخايفة لا تقلب عليها لعبتها كيف الأول .
كاميليا
أنت تقرأ
هناك أمل
Literatura Femininaقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...