🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت41
مجموعين فالصالة ونزهة وليلى كيحطو الكسكروت لي صاوباتو الأنسة حسناء ، لي كان كتجمع الكوزينة مكتحملش تخليها مرونة، حطو خير مولانا فوق ديك الطبلة أشمنك يا مسمن ، يافطبوط، يابغرير، يا كيكة فالأنواع، ياحرشة ، حلوة فالأشكال ، وأتاي والقهوة والعصير، عطا الله الخير فدار ناس الخير، الحاج وميلود مجمعين بيناتهم وهما كيستفو ويقادو وحسناء هي أخر وحدة جاية وهازة فيديها زوج طباسل واحد فيه الفاكية و واحد فيه الحرشة كانو ممقادينش وممتحكماش فيهوم ، هو لي كان هابط فالدروج وبانت ليه بكسوتها بلون البيسطاش جاها زوين فنضرو هو اي حاجة لبساتها كتجي معاها، بنات ليها مدابزا مع الطباسل وعاضة على فمها بطريقة كيوت وطفولية جابت ليه الضحك ، سليمان مكاين لي كيسالي معاه قد هاد اللطافة والكياتة لي فيها، قرب لعندها عاد هي إنتابهات ليه ، قصدات طبسيل الفاكية شدو من عندها وقال ليها بهدوء وهي تزگات تاني.
سليمان ( بهدوء): بشوية عليك مالك على هاد الزربة ، مزربانين فين(لقاها كتشوف وصاقلة عرف بلي دهشها ثاني) يالاه دخلي وبشوية عليك .
حسناء ( مكوانسية): أممممم.
سليمان( عيبها ): أمممم( وهو إدوز من حداها وگال مع راسو)أودي أسليمان فأخر يامك وليتي كتعيب وكتشد الخاطر.
عندها هي لي باقة فباب الصالة كتفكر واش نيت بصح عيبها ولا غي جاب ليها الله ، ضهشرها الزغبي مالقات مادير من غير تبعو ، فدخلو موراه لقاتو يالاه حط الطبسيل ومشا گلس حدا ليلى معنقها لعندو.
دارو مجموعين على الطبلة وهضرة تجبد هضرة حتى گالت ليهوم ليلى.
ليلى( بسعادة): عندي ليكوم شي خبار كتفرح.
الحاج( بإبتسامة): الله إسمعنا خبار الخير، أبشيرينا يا ليلى هههه .
كولشي ضحك على ديك أبشيرينا وكملات ليلى هضرتها.
ليلى(بفرحة): بنتب حسناء غادي تكمل قرايتها، غادي دير باك حر إن شاءالله هدا العام.
الحاج( شافت فحسناء لي گالسة حداه وعنقها وهو فرحان بها): مبروووووك عليييك أبنتي، هكا نبغيك قرايتك هي لولة ، مبروووووك والنجاح إن شاءالله من نصيبك .
حسناء ( بسعادة ): إن شاءالله أن الحاج ، هادشي بفضلكم بعد فضل الله تعالى.
ميلود ( بسعادة): مبرووووك علييييييك أبنتي، والله حتى فرحت ليك مكاين ماحسن من القراية ، نوصيك أبنتي قرايتك قرايتك ماتفرطي فيها.
نزهة( بفرحة): مبرووووك على كبيدتي إن شاءالله تنجحي ونديرو ليك حفلة كبيييييرة .
حسناء (دمعو عينيها يالفرحة): ربي إفضكوم والله بلى بيكوم معرفتش أش كنت غاندير ( عنقها الحاج عندو).
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
