🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت37
نزهة(بخفوت فوذن حسناء): واش أبنتي تقاداو الألوان فالدنيا ، غي هذا لي بان ليك هههههههه.
حسناء (بخفوت): عفاك أمي نزهة متفرشينيش ثاني راه خالتو ليلى لي جابتو ليا ، ماكنتش عارفة والله.
نزهة(ضاحكة): ههههههه ويلي على الهبيلة راني غي ضاحكة معاك، ولكن إلا دوا هداك معندي مندير ههههههه (دارت ليها إشارة لميلود لي كان كيضرب فالمسمن.
حسناء (بخفوت): حشمت بزاف والله غايصحابو كنديرها بلعاني.
نزهة بقات كضحك هي وليلى وكيتغامزو ، ميلود عاق بيهم غي فيه جوع بغا حتى إفطر عاد إشد فيها ثاني .
ليلى(بتساؤل): إربي أنزهة ديك المرقة ديال البارح فين كنا حاطينها .
نزهة: ختي ليلى جاك زهايمر ياك خليناها فطنجرة.
ليلى: وراه عارفة مشيت ليها فالصباح ولقيت طنجرة كتصفر ، خاوية مافيها والو.
نزهة(بتعجب): وااايلي وفين غاتمشي حتى العصير وشلاضة مكاينينش فالثلاجة.
ليلى: بسم الله الرحمن الرحيم تسليم ، فين طارو.
الحاج: لمن خليتو داكشي نتوما .
ليلى: واخليت فيه حق حسناء حيث عييت نفيق فيها مابغات تفيق ، وحتى لسليمان لي مرجعش بكري البارح، دبا لقيت داكشي طار من بلاصتوا.
طول هاد الحذيث حسناء وجهها تزنگ شافت فيه لقاتو كيذهن فالمسمنة بالعسل ممسوقش، هز عينيه فيها لقاها كتشوف فيه وهي حشمانة وجهها كلو حمر ، أشنو دار أودي أشنو دار معرفتش واش دوخاتو بديك الشوفة ولا سطاتو أشنو نگول، سيد هز ديك المسمنة لي قادها لراسو وحطها ليها قدامها بلى ميعيقو الأخرين ودار ليها إشارة بعينيه باش تاكل ، وحتى هي تگول طالبة عليها شداتها وبدات كتاكل وباش كملها هز البراد كب ليها أتاي أسيادي نايناي نايناي هاد تصوطاو ، بقات هي على ديك المسمنة حتى كملاتها في سكون تام، هو ناض من بلاصتو ودعهوم وتم خارج للسفر، وهي بقات متبعة ليه العين حتى ختافا من أمامها، وغي صوت ميلود لي فيقها ، هاد البنت عندي كاتسها بزااااف.
ميلود (بطنز): بنتي حسناء ، جامعاك الزرق.
الحاج: واميلود الله إهديك ههههه خلي عليك البنت.
ميلود : أشنو درت الحاج گلت ليها غي جامعاها الزرق راك ضلتيني أو لا أبنتي حسناء ههههههه.
كيف ديما ميلود كيقتلهوم بالضحك ، وأخيرا النشاط رجع للدار، دوزو نهار مع بعضياتهم ، ناشطين فرحانين مع بعضياتهم، فالعشية خرجات ليلى مع حسناء و نزهة تقداو لي غايخص الدار وتقداو لريوسهم صراحة ليلى تهلات فيهوم وفراسها ، حسناء مشات تموت بالحشمة وحتى الفرحة ، فرحانة بزاف بحوايجها الجداد، وحتى تيلي لي شرات ليها ليلى، بزز باش قبلاتو حتى بغات ليلى تخاصمها ثاني.
هاهي دبا گالسة فبيتها ببيجامة جديدة فالأحمر فيها نونوس بالأسود ومدورة عليها الحوايج والصبابط والروايح ، الفولارات ، لي شرات ليها ليلى فرحانة ومقاداها فرحة وزيد عليها تيلي ، لي حياتها كاملة كتشوفو عند البنات ولكن هي عمرها دارتو ، ودبا ولا عندها هو لي كان فاللون الذهبي زوين عجبها، حمدات الله وشكراتو على هاد العائلة لي حنوا فيها وعوضوها على كولشي.
#يتبع
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
