قصة بالدارجة المغربية، تحمل من كل فن طرب :
اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي.
قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
🍂 هناك أمل 🍂 🍸 مصادفتك هي الحلم لواقعي وحقيقة لنبض قلبي 🍸
بارت96
سليمان قطع عليه وهو غادي جاي وكيغلي بالفقسة والأعصاب ومرضش للبال لديك الحسناء لي مخشية فالحيط مخلوعة خصوصا من بعد مابدا كيضرب بلي جات قدامو والغوات فالتيلي وملي سمعات البوليس عرفات كاينة سي حاجة خطيرة أما التركية مفهماتهاش ، خلعها بزاف عمرها شافتو هكا وبقات ملسقة مع الحيط وبعيون دامعة مرقباه هو وتحروكاتو لي خلعوها صراحة.
سليمان ( كيتسنى جمال إيجاوبو وهو غادي جاي كون لقا إيطير لتركيا): جاوب أصاحبي جاوب أوف فين ماكان شي مشكل إلسق فيا أووووووووف ( جاوبو جمال) وأخييييييرا على سلامتك فين كنتي من صباح.
جمال( بطنز): أهلا سي العريس أنا گلت غاتنسانا.
سليمان ( بجدية وعصبية): جمال ماشي وقت الضحك راني محتاجك خوك غارق وبزاف .
جمال( بجدية): شنو طاري أصاحبي ياك لباس .
سليمان ( كيمسح على راسو بعصبية): گول شنو لي مطاريش كارثة واقعة فتركيا خدمتي لي تعدبت عليها غاتمشي غتضيع أصاحبي المهم دبا بغيت تشوف ليا طيارة لتركيا سوا اسطنبول ولا أنقرة بغيت ليلة نكون تما عتقني أصاحبي هادي لولة من بعد نشرح لخويا كولشي .
جمال( بموافقة وتفهم): هي لولة أصاحبي نشوف دبا كون هاني.
سليمان: إلا مكانت حتى وحدة فهاد الساعة شوف ليا أدرابيجان وندوز من تما بالزربة راني غانتفرگع عتقني .
قطع على جمال ولاح تيلي فوق الفراش بعصبية وقصد دريسينغ بالزربة إجمع حوايجو ووراقيه لي غايحتاج وغير داري ليها هي لي مشات تسخف نساها ونساوه المشاكيل. جمع كولشي فڤاليز صغيرة وخرجها ومعاه وراقيه وشي ضواصة كايقادهوم بالزربة وبعصبية والفقسة كتاكل فيه أما الشمتة هاديك بوحدها ، جاوب جمال لي كيصوني وهو زربان .
سليمان ( بأمل): أمضرا أصاحبي كاينة شي حاجة.
جمال: كاينة وحدة لإسطنول بعد ساعة قطعت ليك فيها .
سليمان: مزيان شكرا أخويا والله أنا واجد دبا غانخرج.
جمال: فهمني شنو طاري
سليمان ( بعصبية): أشنو أشنو غانگول ، نگول ليك بلي لقاو سيدة مقتولة عندي فالمگازة ، ولي قتلها مزال ماتشد نگول ليك وحلت ولا اش نگول اصاحبي أش( غير كمل هضرتو وهو إسمع شهقة مع دار مع لقاها ملسقة مع الحيط و هي كتبكي سد عينيه بفقسة حيت نساها ودار هادشي كامل قدامها) قطع لمنبعد.
قطع على جمال وغادي لجهتها بمشية بطيئة حتى وصل عندها وهو إجبدها بحنان ولطف لعندو وعنقها عناق حار محتاج ليه بزاف فهاد الفترة ، هبط براسو لجهة ودنها بسباب فارق الطول وقال ليها بهمس.
سليمان: سمحي ليا ماحسيتش براسي ، سمحي ليا إلا خلعتك.
هو عارف بلي خلعها وبزاف غي من ردة فعلها وبكائها بقات فيه ومابغاهاش تشوف هاد الجانب منو ، هي فور ماسمعات كلامو ودقات قلبو لي حاطة عليهوم راسها مشعراتش حتى دورات إيديها على ضهرو وعنقاتو حتى هي صراحة بين إيديه كترتاح بحال دبا دغيا رتاحت ومشات منها الخلعة. بقاو هكاك لمدة طويلة من العناق الحار وهو مزيرها عندو تگول غادي تهرب ليه كيستامد منها القوة وكتنقص العصبية.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
