🍂هناك أمل 🍂
🍸 مصادفتك هي الحلم لواقعي وحقيقة لنبض قلبي🍸
بارت19
ضحكوا على كلام ميلود وجاوباتو نزهة بضحكة .
نزهة: أويييلي راني نسيت راه غي الفرحة لي دارتها ليا، ياك أختي ليلى .
ليلى(بإبتسامة): واييه ديرها الفرحة ههههههه، (شافت فحسناء لي مبتاسمة وغي كتشوف فيهوم) بنتي حسناء من اليوم وقدام هاد الناس لي كنعتابرهوم خوتي كنگول ليك هاد الدار دارك متحشميش ديري فيها لي بغيتي صافي أبنتي .
حسناء (بخجل وفرحة ودموع قربو إنقزو من عينيها): شكرا أخالتو عمرني ننسا وقفتك معايا والله.
عنقاتها ليلى لعندها وهي فرحانة بها، وسولاتها نزهة.
نزهة: گولي ليا أبنتي كتشربي أتاي ولا قهوة أممم (بضحكة)أشنو حب خاطرك نوجدو ليك دبا.
ضحكات حسناء على الطريقة باش گالتها نزهة وضحكو معاها كاملين .
حسناء: ربي إخليك أخالتي (كشرات نزهة ملامحها وهي تگول حسناء بإبتسامة)مي نزهة هههه صافي.
نزهة : إلى هكاك الله إرضي عليك.
بقاو تماك وهما عاطيينها للضحك والنشاط بيناتهوم فوق الطبلة ومودوزين حذيتهوم بأتاي والقهوة الحلوة وكل ماكتشها الأنفس ، ضحكهوم كيتسمع من منين أمنين، ميلود إنسان ضحوكي ومراتو قالت ليه مشفتي والو أما ليلى فهي و ميلود كيتشابهو تگولي خوت لا فملامحهم لا فهضرتهم وضحكهم ، مرة كيشدو فحسناء حتى كتولي كي مطيشة بالحشمة والضحك ومرة كيضدو فنزهة.
حسناء عجبها هاد الجو ، أصلا عمرها عاشتو فالأول جاها فشي شكل مختالف ، ولكن من بعد زعمات عليهوم شوية ، أصلا ميلو و نزهة كيدخلو للخاطر ضحوكيين وضاربين الدنيا بركلة.
تحل باب الدار وحتى واحد منتابه ليه حتى ثم داخل عليهوم بطولتو المتوسطة ، و جلابة هماوية مع سلهامها ، الوقار والهبة سابقينو، عندو لحية بيضة وشعرو حتى هو شاب دليل على مادوز من سنوات، إنتابهو ليه كاملين ، وحسناء جاتها الحشمة والصقلة كيف الأول ومعرفاتوش شكون .
ليلى(بإبتسامة كلها حب وناضت عندو): الحاج على السلامة.
الحاج(بإبتسامة استاقبلها): السلام عليكم ، الله اسلمك أمولات الدار.
سلمات عليه ليلى و شدات ليه فيدو غاديا معاه فإتجاهوم.
الحاج: السلام عليكم ، كيدايرين لباس عليكوم .
ميلود(بإبتسامة): وعليكم السلام الحاج عبد الرحمن ، بنتي ليا رجعي اليوم بكري .
نزهة: وعليكم السلام الحاج(جابات راجلها) واش مكايحشمش راه دارو هادي إيجي فوقتما بغا .
عبد الرحمن و ليلى كيشوفو فيهوم وكيضحكو على هاد الحماق لي عايشين معاهوم أما حسناء كتقول يا أرض إتحلي وإبلاعيني، بالحشمة والخوف من ردة فعلو توجاهها .
ليلى: الحاج متديهاش فهادو راك عارفهم هههههه ، أجي نقدم ليك بنتي حسناء، هادي هي البنت لي گلت ليك عليها حبيبة ديالي.
عبد الرحمن (بإبتسامة كيشوف فحسناء لي حانية راسها): مرحبا بيك أبنتي الدار دارك، شوفي فيا أبنتي ( بزز باش هزات راسها وشافت فيه) سمعيني أبنيتي نگول ليك، من اليوم حسبي هاد الدار دارك ، وحنا عائلتك ديري ليبغيتي ولي تشاه خاطرك ، حيدي ديك الحشمة والخوف، حنا متخافي منا والو أبنيتي حسبينا واليديك وحنا نحسبوك بنتنا الله إرضي عليك وحنا ديما معاك ، (شاف جهة ميلود و نزهة) حنا هنا عائلة وحدة نكملو بعضياتنا ونكونو إيد واحدة أولا أميلود.
ميلود (بإبتسامة): عند الحق الحاج حنا يد وحدة الحمد لله (شاف فحسناء وكمل) عرفتي أبنتي سنين ونا مع هاد ناس عمرني شفت منهم العيب ، فيهوم خوتي ، فيهوم با ومي ، ونگولها قدامهوم والله متلقاي بحالهم ولاد الأصل.
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
