🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸بارت88
الحاج ( هز راسو فليلى لي حداه وتكلم معاها بعياء ):ديني لبيتي ، بغيت نرتاح.
ليلى( بإيجاب): أه الحاج يالاه ترتاح شوية .
الحاج ( وقفت معاه وتمشى بخطوات قصار حتى وصل عند كاميليا شاف فيها بنص عينيه): ملي نهبط مانلقاكش باقة كدوري عندي هنا مفهوم ، هزي حوايجك وقصدي داركوم،مابقات عندك بلاصة هنا ، گولي ليهوم من اليوم مكايجيوني مكانجيهوم ، عتابرو لي بيناتنا تسالى ليوم( ركز فيها نضرو) نهبط نلقاك مشيتي .
وهو إكمل طريقي مع ليلى لي طلعات معاه لبيتو ، أما كاميليا فالدنيا ضارت بيها عمها لي عندها هاهي خصراتو بتصرفاتها باقة كتفكر حتى حسات بشيحد جرها ملي هزات راسها لقات سليمان.
كاميليا ( كتحاول تحبسو): طلق مني بعد .
سليمان ( مخلاهاش تمكل هضرتها فهز إيدو وعطاها لفمها ودفعها لجهة الباب بعصبية): يالاه خرجي عليا من داري ، وبعدي مني ، خرجي من حياتي ( شاف فنزهة)جمعي ليها حوايجها وهبطيهوم دبا ماتخلي حتى شرويطة.
نزهة( حركات ليه راسها بالإيجاب): واخا أخويا هي لولة( ومشات قاصدة بيت كاميليا).
كاميليا ( بعيون دامعة وكتقرب ليه): حرام عليك أسليمان علاش كادير ليا هكا ، علاش ومعارفش بلي كنبغيك حرام عليك .
سليمان ( بصرامة): غاتخرجي من هاد الباب وعمرك ترجعي وديك الهضرة سيري دوخي بيها على واحد آخر ماشي أنا يالاه برا.
كاميليا ( بصراخ وهي كتبكي): الله حتى كنبغيك أسليمان ، نتا لي معطيتينيش فرصة ومالقيت غي ديك الطريقة ، تيق بيا والله حتى كنبغيك .
سليمان: أش هاد الحب الموسخ لي عندك كتبغي واحد وكتنعسي مع واحد ، منيتك أنا نبغي بحالك نتي أش غانبغي فوحدة عاهرة موسخة.
كاميليا: وشكون كتبغي ، أممم كتبغيها هي ياك ديك بنت الخيرية.
سليمان ( هز إيدو حتى للسماء وعطاها): بزاف عليك هاديك، بنت الخيرية وأشرف منك ، متوصليهاش هي إنسانة محتارمة ومحافضة على راسها( بفحيح)نفسها غالية عندها ماشي بحال رخصتي راسك ودليتيه .
كاميليا ( بحزن وعيون دامعة): كتبغيها ياك ، گول ليا كاتبغيها.
سليمان ( بصراخ وعصبية معرف راسو إمتى خرجها خلا الكل ميلود و نزهة و كاميليا مصدومين فيه) : أه أه كنبغيها هي بوحدها لي بغيت وبوحدها لي غانبقى نبغي على طول حياتي ، سمعتيها دبا ( قالها بحروف متقطعة) ك ن ب غ ي ه ا كنبغييييييييييييييها شمعتيني ولا باقي كنبغيييييييييها دبا رتاحيتي يالاه برا خرجي عليا من داري فرقيني عليك ولا غانرتاكب فيك شي جريمة برا.
كاميليا ( بقلب مجروح من هاد الإعتراف): متستاهلش أسليمان والله متساهلك ، أنا لي نستاهل أنا لي كنبغيك وكنبغيك وحق الله حتى كنبغيك أسليمان ( كترجاه) عفاك حس بيا واخا غي مرة وحدة فحياتك بغيني كيف بغيتك ، كنبغيك أسليمان.
سليمان ( بجدية): هذا ماشي حب أبنت عمي ، هذا مرض نتي مريضة وحدة أنانية كتشوف غي راسها والناس مهامينهاش، شنو دارت ليك ديك البنت حتى حرقتيها داك النهار ، وشنو دارت ليك البارح حتى گلتي ليها ديك الهضرة باش أداتك باش وصلاتك ، ونتي كون كنتي بصح كتبغيني مغاديش تعطي راسك لوحدين أخرين ودلي راسك وتولي عاهرة هداك ماشي حب هداك مرض وأنانية.
كاميليا: لا لا أنا ماشي مريضة أنا كنبغيك .
سليمان ( حبسها وقال بعصبية): بلى ماتغطي الشمس بالغربال نتي عارفة وأنا عارف بلي نتي عينيك فالفلوس فقط شي حاجة أخرى مكايناش ( شد فاليز ديالها من عند نزهة) ودبا غاتمشي من هاد الدار بصفة نهائية قبل مانفقد أعصابي وندير فيك إيدي( دفعها بعصبية) يالاه برااااااا خرجي عليا .
♠ نهاية فلاش باك ♠
#يتبع
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...