🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت 71
بقات كتشوف فيه شحال جات معاه الضحكة ، أول مرة تشوفو كيضحك حدو ديك الابتسامة ودغيا كيجعها ، بقات هكاك كتشوف فيه وعلى وجهها إبتسامة بريئة لرأيتها داك المنضر الرائع ديالو.
سليمان من بعد ماتهدن من ديك الهستيرية لي شداتو كيمسح عينيه من أثر دموع الضحك .
سليمان: أولا هاديك ماشي خطيبتي(كيحبس الضحكة) ثانيا إلى دارت علاش تستاهل وثالتا مكاين لاش تعتاذري مني.
حسناء (بإستفهام): كيفاش ماشي خطيبتك ولكن هي ( وسكتات).
سليمان ( دغيا تقلب لمود الجدية): هي أش ؟ كملي؟.
حسناء: هي گالت ليا بلي نتوما أحم ( بخفوت) نتوما ففعلااقة وللكن ممخبينها علينا .
سليمان ( بطنز ورجع مسند): مسكينة كتحلم بزاف ، وأشنو أخر گالت ليك.
حسناء ( بخفوت وحزن فكلامها): بزاف .
سليمان ( بخفوت حتى هو): أنا بغيت داك بزاف تعاوديه ليا ، يالاه خرجي كولشي متخلي والو.
حسناء ( بصراحة ): كنت گالسة فالصالة كنقرى رواية ومعرفتش إمتى جات گلسات حدايا و...............
سليمان ( متبع معاها): ومن بعد مدخلت أنا طلعتي نتي لبيتك ، قررتي تخوي الدار.
حسناء ( شافت فيه بحزن): معرفتش شنو طرا ليا ، محسيتش براسي أشنو كنت كندير( بألم وعينيها المغرغرين فعينيه القاسحين)ولكن هضرتها جرحاتني بزاف ، هي معارفة والو على بابا و ماما علاش تگول ديك الهضرة علاش( بداو عويناتها كيدمعو) معرفتش شنو درت ليها ولكن هي مكتحملنيش وديما كتنقص مني وكنت كنصبر ولكن ملي الأمر وصل لوالديا مقدرتش باقي نتحكم فراسي والله مقدرتش( غطات وجهها بيديها كتبكي).
سليمان ( تمنى فهاد اللحضة تكون كاميليا قدامو إغززها وإنحرها وميبردش نهار على نهار كيزيد إكرهها): صافي بركة من البكا ، حقك جبتو ليك بركة عليك دبا .
حسناء (شافت فيه بإستغراب وهي كتمسح دموعها): كيفاش ؟ كيفاش جبتي ليا حقي؟.
سليمان ( ساهي فنقطة معينة): الدار كلها كاميرات من غير بيوت النعاس( برقات فيه عويناتها ورجع هو عينيه فيها) إعني أنا عارف شنو طاري وشكون سباب فيه ، أنا عارف كولشي ، داكشي علاش جبت ليك حقك ، لي بغيت نعرف هو نتي علاش قطعتي دواك؟ أمممم علاش ؟
حسناء (بحزن): گلت مع راسي بلا مانشربو حيث حسيت براسي مزيانة ، وهو كيدير ليا نعاس وأنا مبغيتش نبقى ديما ناعسة ، حسيت براسي مابقيتش مضغوطة وگلت واقلة بلاش منو ، مكانتش عارفة بلي غايطرى ليا هكاك وغانفقد السيطرة فراسي .
سليمان ( بجدية): حسناء دوك الإضطرابات ماشي ديال الضحك ، كولشي حتى لصحتك ماتهاونيش فيها ، الصحة هي كولشي إلى مشات مشا كولشي ( شد ليها يدها بحنان) الله إرضي عليك ديها فصحتك هي اللولة مفهوم.
حسناء ( دوخها مسكينة ولات كولها مزنگة): أحم وااخا .
سليمان: مزيان هادي فكيناها ودبا غاندوزو لمابعد .
حسناء ( مستغربة): كيفاش؟.
سليمان: خروجك من الدار.
حسناء ( بتوتر): ماحسيتش أشنو طاري حتى لقيت راسي فالدار عند بسمة ( بحزن ) وحشمت نرجع .
سليمان: علاش حشمتي ترجعي ؟ علاش بقيتي هاد المدة كاملة ؟ عمرك فكرتي وگلتي نرجع نشوف دوك الناس؟ الواليدة لي كل نهار كتبكي عليك ، الحاج لي ديما كيقلب وكيبحت كل نهار كيمشي للبلاصة لي مولفين تگلسو فيها على أمل إلقاك فيها، ( شاف للخارج)أما نزهة و ميلود لي داك النشاط كامل وداك الضحك ولا فبلاصتو غي الحزن ،( رجع ليها عينيه) واش عارفة ديك الدار كولات دبا ولا لا ، ولات كلها هم وغم وإكتئاب من نهار مشيتي، أنا مغاديش نلومك ملي مشيتي حيت أنا عارف لي طرا وعارف بلي مكنتيش متحكمة فنفسك خصوصا ملي عرفنا بلي ماكتشربيش دواك ، ولكن الحاجة لي عصباتني وقلقاتني وخلاتني نگول علاش ، هو علاش من بعد كولشي مرجعتيش ( مورك على الحروف) علاش ماجيتيش مارجعتيش نسيتينا ومحيتينا من دماغك بصفة نهائية على عكسنا حنا لي حتى واحد فينا مانساك ولا خرجتي من عقلو.
#يتبع
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
