قصة بالدارجة المغربية، تحمل من كل فن طرب :
اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي.
قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
🍂 هناك أمل 🍂 🍸 مصادفتك هي الحلم لواقعي وحقيقة لنبض قلبي 🍸
بارت48
عند نزهة لي كانت جاية داخلة حتى بان ليها سليمان داز حداها بحال شي عاصفة ولا برق خلعها بديك المشية وديك العصبية ، صافي عرفات بلي شافها وماعجبوش الحال تبعات ملي بان ليها قصد اللوطو ديالو وقصدات الباب حلاتو ليه .
سليمان ( دوا معاها من اللوطو): هاد القرقاشة ديالها.
نزهة: أه أخويا سليمان ديالها گالت ليا ندخلوها وندخل حوايجها.
سليمان ( ضحك بالفقسة): تبارك الله خدامين عندها ولا أشنو( بجدية) خليو زمر تماك حتى تخرج ليه مفهوم عنداك ديري داكشي لي باغية( شاف فيها بجدية وحنية فنفس الوقت) نزهة نتي وميلود مالين هاد الدار ماشي خدامين فيها هاد الهضرة ديريها فراسك مفهوم ( حركات ليه راسها بإيجاب وعينيها فيهوم بريق دموع الفرح من كلامو وهو كمل طريقو وهو معصب.)
ميلود جا عندها لقاها يالاه سدات الباب وتمات راجعة .
ميلود: فين كنتي نتي مني خرجتي مارجعتي.
نزهة: يالاه بغيت ندخل بان ليا خويا سليمان خارج وحليت ليه الباب.
ميلود: واييه بان ليا معصب ، ياربي السلامة كي غايديوزو هاد الليام ثاني.
نزهة: واييه غي الله إدوز هاد السربيس على خير وصافي ، هاهي رجعات ثاني وخا جرا عليها وتبرى منها.
ميلود: عندها الزهر مكانش الحاج حاضر لداكشي لي دارت ، كان فالحج ديك الساعة أما عمرها تحط فيها رجليها.
نزهة( بتفكير): كون غي كان حاضر ويشوف بنت خوه أش كدير كنا دابا غنكونو مهنيين، هاهي جات تاني تحرر علينا العيشة ، الله إكون فعون ختي ليلى مسكينة .
نزهة: الله انجيني منها ومن شرها ، أنا كتبقى فيا غي ديك السيدة مسكينة دير لي دارت ميگولوها زوينة فيها ، شحال هي والحاج مزوجين قربو 30 عام فالزواج ومزال مقبلوها طاسيلتو تگول واكلة ليهوم الورث والحاج أصلا سمح فكولشي.
ميلود( بحزن): أودي كل واحد إعطيه الله على قد نيتو، الله إخلص الجميع، أنا وبنت خالتي معندنا زهر فالبشر، غي أنا نكروني خوتي وهي نكروها عائلة الحاج.
نزهة: ميبقاش فيك الحال أميلود ربي معانا مغايخيبناش.
من بعد مخرج من الدار كان فقمة الأعصاب لدرجة إيديه كيترعدو كون لقى إضربها ليها بقجة ،بوجها حمر راجعة للدار بحال إلى مدارت والو والى هي نسات فهو منساش لي طرى ولي دارتو وكون لقى إقت،لها وميحنش فيها كيكرها لدرجة ماكتصورش عمر سليمان كره شي شخص قد مكايكره هاد السيدة .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
