🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت100
عندها هي لي كانت باقة فبلاصتها طايح عليها الضيم وكتفكر فيه ، متنكرش أنها توحشاتو وبزاف هاد السيمانة دازت صعيبة عليها وخصوصا عارفة السبب الحقيقي للسفر.
ماكسر تفكيرها غي بسمة لي دخلات عليها ، كانت لابسة سالوبيط جينز وطالقة شعرها على راحتو ، قصداتها فالبالكون وهي كطنز كيف العادة.
بسمة: الناس مساكن حزينين على الأباضاي لي مسافر .
حسناء ( بإبتسامة): بسمة جيتي .
بسمة: لا هذا غي خيالي أنا باقة فالدرب واتي نوضي تحركي من تم .
حسناء ( بتساؤل): لفين أختي غانتحرك ؟
بسمة( كتجرها من يدها): نوضي نوضي أصاحبتي نخرجو نفوجو شوية.
حسناء (بنفي): عفاك لا مافيا لي إخرج والله معندي خاطر الخروج.
بسمة( كتجبد فيها ): والله حتى تگعدي نخرجو نضورو مع ريوسنا واش نتي غاتبقاي خازنة راسك فهاد البيت حتى لإمتى نوضي أصاحبتي تنشطي شوية .
حسناء ( بقلة حيلة): حرام عليك ماعندي گانة للخروج.
بسمة( كطلب فيها): عفاك ازين ديالي يالاه نفوجو ونتقداو حويجات إلى عجبونا عفاك نوضي ديري ليا خاطري.
حسناء: صافي واخا إلا حطيتي على الحاجة مطلقيش منها يالاه زيدي.
بسمة( باستها فخدها): العز أزين ديالي يالاه لبسي بالزربة نخرجو.
مشات حسناء لدريسنغ ولبسات كسيوة حجابية فالأصفر فاتح مع فولار بلون مفتوح وقاداتو بطريقتها الخاصة وتمت خارجة عندها تعانقو مع بعضياتهم وتمو هابطين وهما ضاحكين للأسفل.
لقاو نزهة گالسة كتفرج فمسلسل گالو ليها بلي خارجين ودعوها وخرجو قاصدين المول ، شدو طاكسي وطول الطريق وهما ضاحكين .
وصلو المول هبطو ودخلو كيدورو وكيقلبو على شي حاجة تعجبهم ، من بعد گلسو فقهوة داخل المول وشدو عصير وكيك وبقاو عاطيينها للضحك ، حاولات بسمة تخرجها من داك الإكتئاب لي دخلات ليه من نهار سافر سليمان وخا هي معارفة حتى حاجة حيت حسناء دارت بهضرتو وحافضة على داكشي مخرجاتوش.
بسمة: واهيا أصاحبتي يالاه سيمانة وتوحشتيه .
حسناء: عادي راه راجلي هداك .
بسمة: أممممم راجلك گولي وكان واكلة عليه شراوط.
حسناء( بضحكة): بصحتو ياختي إستاهل .
بسمة( بإبتسامة): كتبغيه العفريتا أمممممم.
حسناء( ببهدوء وصوت حنين وهي ساهية):كنبغيه قليلة فحقو ، سليمان واحد الشخص لي دار بلاصتو دغيا فحياتي، فالأول كنت كانحارب مشاعيري وكنحبسهوم داخلي ولكن من بعد ماعتارف ليا قررت حتى أنا نبين مشاعري ونعطي فرصة لراسي حتى أنا ،حيت عارفة منقدرش نعيش بعيدة عليه حيت غاتبقا معذبة ونتي حضرتي وشفتي كولشي ، هو ولا بحال الأوكسيجين فحياتي ضروري منو معرفتش كيفاش نفسر ليك كنضن إلى بعد عليا غانتصطى ولا طرى ليا شي حاجة، عرفي هاد السيمانة دازت عليا بحال عام ( بعيون دامعة) والله حتى تخنقت ونفسي ضياقت عليا واخا كيدوي معايا ولكن عندي احساس خايب داخلي كايگول ليا شي حاجة خايبة جاية فالطريق وبلي هو ممرتاحش معرفتش مالي مخنوقة ومكتأبة بلى بيه أبسمة قلبي كيضرني معرفتش واش فهمتيني ولا لا .
بسمة( شادة ليها يدها وقالت بحنان): فاهماك أختي أنا حاضرة لكولشي وشفت كولشي ، وأنا متأكدة بحالك بحالو حتى هو غيكون بحالك كيعاني وهو بعيد عليك ولكن متخافيش نتوما دبا مزوجين وهو راه غي الخدمة لي داتو دبا إرجع.
من بعد حوار طويل دار بيناتهوم هاهما خارجين من المول، قاصدين إقطعو الطريق باش إشدو طاكسي، شاديين فيد بعضياتهم محاسينش ومعايقينش بلي سيارة رونج فالأسود بعيدة مراقباهوم .
حتى وصلات حسناء وسط الطريق وهي تجي بسرعة خيالية فجزء من الثانية ضرباتها طارت حتى السماء وطاحت على الأرض الناس كاملين ضارو لعندها وبسمة تصدمات وتصمرات فبلاصتها مافيقها غي غوتة حسناء ملي رجعات ديك السيارة للوراء ودازت عليها أخر كلمة گالتها قبل ماتفقد الوعي ديالها بصفة نهائية هي.
حسناء ( وعينيها كيتسدو كايبان ليها غي الضلام قالت بخفوت): ســـلـــيـــمــــان.
هيا بينا يانملتي🏃🐜
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
