قصة بالدارجة المغربية، تحمل من كل فن طرب :
اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي.
قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
🍂 هناك أمل 🍂 🍸 مصادفتك هي الحلم لواقعي وحقيقة لنبض قلبي 🍸
بارت49
ماوقف سيارتو حتى لقدام مگازة كبيرة من خلال بابها الزجاجي كايبان أثات راقي فأشكال وأنواع مختالفة وعلى بابها مكتوبة بخط عربي واضح"تجهيزات سليمان صلاح الدين “, هبط وتم قاصد المگازة داخل ليها ، تلقا ليه المساعد ديالو وهو كيقدم ليه ملف به حساب لي خارج ولي داخل، قصد المكتب ديالو فالطبقة الثانية وگلس على الكرسي ورجع راسو لور وعقلو سارح وحاس بلي شي حاجة غتوقع وأكيد مغاتكونش زوينة حيث عارف بنت عمو وبلاناتها كيفاش دايرين ، معارفش واش عندها شي كرامة ولا مكاتكسابهاش راجعة بحال إلى مدارت والو ، شوية سمع تيلي كيصوني هزو ولقا إسم جمال على الشاشة جاوبو وهو معندو خاطر.
سليمان ( بضيق نفس): السلام عليكم خاي جمال .
جمال: وعليكم السلام العشير، كيداير لباس عليك.
سليمان: حمد لله هاد الساعة،نتا.
جمال: الحمدلله ( حاس به مغير) مالك أصاحبي بيك شي حاجة.
سليمان: أودي خليها على الله ، كتخلي الأعصاب فالخدمة كتلقاهوم فالدار.
جمال( بتساؤل): يا لباس أصاحبي، عاود ليا خوك أنا ، واقعة شي حاجة.
سليمان ( بفقسة): علاه لي عندو طاصيلة بحالو غتهنى عندو الوقت أودي خليها على الله.
جمال( بتفهم): أمممم گول هكاك مالهوم ثاني أش دارو.
سليمان (بفقسة وهو مسند ): أسيدي جات دوز عندنا العطلة عجباتك هادي، أنا ناقصني مشاكيل.
سليمان ( بنفي): متبقاش تفكرني فالزمر ، صافي بركة غي هاد الأعصاب لي راكبيني.
جمال ( بجدية): شوف أصاحبي نگول ليك مديرش فيها عقلك صافي ، خليها ونخلها، وهاد المرة بقا تسد بيتك بالسروت لاتعاود نفس الفلاش خصوصا ديا كاين الحاج وكاينة حتى هيا( كيقصد حسناء).
سليمان ( تفكرها ودوا بلى ميحس براسو): أوووف فرق كبير أصاحبي بيناتهم ، وحدة جنة و وحدة جهنم ، ماشي بالضرورة إيكونو الوالدين باش بنادم إكون محترم ومربي لا لا كولشي كيرجع ليه هو ونفسو أشنو كتملي عليه إيديرو .
جمال ( بتأكيد): عندك الحق كل واحد وعقليتو .
سليمان ( بتفكر): صدعتك بمشاكيلي مسولتك حتى كيداير مع السفر والوالدين لباس عليهوم.
جمال( بإبتسامة): ماشي مشكل أصاحبي حنا خوت وصحاب ، إلى معاودتي ليا ومعاودت ليك أنا أش فايدة هاد الصحبة .
سليمان: عندك الحق ، كيف دايرين الواليدين ، داير فراسي نزورهوم هاد العشية.
جمال( بنية صادقة): الله إحفضك أخويا سليمان عارف لي كاين ، گالت ليا الوليدة بلي كتزورهوم ملي مكانكونش إحفضك أصاحبي، على قيبالهوم تاصلت بك إلى كان ممكن تشوف شي طبيب للوليد عندو مشكيل فالسكر.
سليمان ( بجدية): مابيناتناش كيف ما گلتي حنا صحاب و خوت ، صافي كون هاني غندوز عندهوم ونشوف ليه شي طبيب ، المهم أي جديد غنعلمك به كون مهني.
جمال: الله إحفضك أخويا سليمان راك عارف نتا لي عندي ، العز.
من بعد ماكمل الإتصال مع جمال تاصل مع طبيب كيعرفو ودار معاه موعد على قبل أب جمال ، هكا دوز نهارو شغل راسو بالخدمة ومن بعد مشا مع أب جمال عند الطبيب ، مرجع للدار حتى ل22 ديال ليل ، لقاهوم تعشاو ومجموعين على براد أتاي و القهوة. دخل قصد ديريكت بيتو وتفكر هضرة جمال ودوز الساروت على داك الباب مبقات تقة هههه ، قصد الدوش دوش على خاطرو وخرج بفوطة على نصو السفلي ووحدة كينشف بها شعرو ، قصد ديريسنك ولبس لباس بيتي عبارة على بوكسور كحل مع سروال نايكة وقبية كاملين فالأسود ديما مكحلها مع كلاكيطة بيضة وداير القب على راسو مع ديك التخنزيرة جاكيخلع، وتم نازل وهو مكره وصل باب الصالة ودار نضرة شاملة عليهوم ، الرباعي گالسين مجمعين مع بعضياتهم ولالهوم كاميليا خاشية راسها فتيلي أما حسناء يا حسناء فكانت كتسمع ليهوم وهما داويين بلباسها المحتشم وگلستها المتبتة وديك الإبتسامة لي كتسالي معاه.
#يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
