🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت75
هو بقا كيراقبها بسكون تام عارف راسو صدمها صدمة عمرها ولكن هو هكا داير نيشان أغراس أغراس، إيجيك ديريكت وراه بصح راه بغاها من اول نضرة ملي دخل للصالة ولقاها عاطياه بضهرها وملي هزو أعين بعض فبعضياتهم بسبب اللون الأزرق من ديك اللحضة وهو غارق وغارق نيت ، داكشي علاش بقا هاد المدة كاملة كيقلب عليها واخا عندو مشاكيل فخدمو لي فتركيا إلا أنه دارك فرقة خاصة إقلبو عليها وبسمة ختاصرات عليه الطريق ملي مشات عندو وهاهو دبا قدامها كيعتارف ليها بغرامو وحبو ليها على أمل تبدل رأيها وتقبل بيه كزوج.
سليمان: راني باقي كنتسنى جوابك ،( دور عينيه ورجعهوم ليها) ومعرفتش علاش عندي إحساس بلي حتى نتي كتحسي بشي حاجة من جيهتي أو لا، ولكن كتمنعي راسك علاش ديما كنقول ليك خصك ديري لي فيه راحة ونجاح وفرحة ليك نتي فكري فراسك عاد شوفي الغير .
حسناء ( بعيون لامعة): أنا أحم( مسحات حبات العرق لي تكونو فجبينها وقالت وهي تلفانة) أحم أنا ولفت هكا نفكر للغير قبل مني .
سليمان: خصك متبقايش هكاك فكري فراسك هو الأول ، يالاه گولي ليا دبا هضرتي صحيحة .
حسناء ( شافت فيه بعيون دامعة عيات تحبس فالدموع ولكن خانوها فالأخر ومن بعد وجهات نضرها للبحر): أنا صراحة معافاش ، أنا براسي مفاهماش نفسي، كولي مخربقة ومربجة وأحاسيس كثيرة ومتغيرة كتسكني معرفتش ومفهمتش( بدات كتبكي) أنا عييت وبغيت نرتاح صافي هادشي لي بغيت بغيت قلبي إتهدن وعقلي إنقص من قوة التفكير ودوك الأحاسيس والمشاعر إحبسو حيث مرضوني والله حتى عييت هاد 5 شهور دازت عليا مضغوطة بزاف ، وديما كنفكر فهضرتها( ساهية ومرضاتش البال لهضرتها) هضرتها لي كانت بحال السم ، ملي گالت نتوما فعلاقة مقدرتش نتحمل داكشي بغيت غي نبعد معرفتش علاش حسيت بالغيرة والكراهية كرهتها وكرهت هضرتها، داكشي علاش بعدت إصحابني غانتهنا ولكن لا متهنيتش وقلبي مارتاحش بالعكس يالاه زادت شعلات فيه العافية( مسحات دموعها وكملات بسهو) كيضرني بزاف إلى فكرت ولا تخايلتكوم مع بعض كانبغي نحماق وصلت لدرجة كنحلم بيكوم گاع ( ضحكات بمرارة) تصور حلمت بيكوم عارضيني لعرسكوم ونتا ماكنتيش مسوق ليا وبكل برود ضحكتي ليا ومشيتي كون مكانت بسمة كنت غانموت بسباب ديك الحلمة( شافت فيه) واش هذا هو الحب.
سليمان ( بعيون غارقة فيها ): هذاك كثر من الحب هذاك العشق والحب الصادق لي كنت كنتسناه هذا شحال ودبا لقيتي ( جر يدها لعندو) ودبا قابلة بهاد الزواج وعلى هاد الخطوة لينا بزوج.
حسناء إكتفت فقط بتحريك راسها بالإيجاب مع إبتسامة وأخيييييييرا حسناء فكرات فراسها وفأحلامها وفحبها ومانساحباتش كيف ديما .
أما سليمان فهو جبد من جيبو بواط فالأحمر فيها خاتم ألماس راقي سامبل وباين فيه غالي ، وركبو ليها فيدها وهو فرحان حيث وأخيرا غتولي حلالو مرتو ديالو بوحدو .
شحال تسنا هاد اللحضة وشحال تمنى إلقاها ويحقق معاها كل أحلامو ويحقق ليها حتى هي أحلامها ومستقبالها.
سليمان ( شاد يدها لي متلقهاش هاد النهار): وأخيرا هادي الخطوة لولة وكانواعدك عمرك غاتندمي وغانكون فجنبك ديما عمرني نتخلى عليك ، غنكون ليك أب و اخ و صديق و حبيب و زوج هذا وعد مني .
حسناء ( بدموع الفرحة): تايقة فيك .
سليمان ( مسح ليها دموعها بيديه وقال): هادو مابقيتش باغي نشوفهوم من اليوم صافي ( حركات ليه راسها بالإيجاب) ودبا غتنوضي تمشي تجمعي حوايجك ترجعي للدار مفهوم باس تفرحيهوم حتى هما .
حسناء ( بحزن): و ولكن إلى تقلقو مني ، حشمانة كيفاش غانشوف فعينيهوم .
سليمان: خصك تعلمي المواجهة ، اي حاجة جات قدامك واجهيها وحتى دابا واجهيهوم وشرحي ليهوم وفهميهوم كيف درتي معايا مفهوم .
حسناء إكتافات بتحريك راسها إيجابا وناضو قصدو الخارج وصلو للسيارة وحل ليها الباب حتى ركبات وركب حتى هو وقصدو الدار فاش كارية .
* * * *
هل هذا حلم أم حقيقة
إذا كان حلم فإني لا أريد أن أفيق
إذا كان حقيقة فيا سعادتي به
أخيرا قمت بشيء من أجل نفسي
روحي وكياني
هل حقا انت المفتاح
أتمنى أن تكونه أنت
قراءة ممتعة فناتي 😘
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
