🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت 94
بسمة( شافت فحسناء): أنا غانسبقك ( وهي تخليها وهبطات).
غادي لجهتها وهو كيرسمها بعينيه وكيأكد غي بينو وبين نفسو أنه ولات ديالو حلالو ، وصل حداها و هي مهبطة راسها حشمانة فطلع ليها راسها بصباعو لس دار تحت ذقنها حتى تقابلو العيون عاد قال ليها ببحة صباحية ممتازة.
سليمان: صباح النور.
حسناء ( بخفوت): صباح الخير.
سليمان ( كيتسارى فيها بعينيه): كيف صبحتي مزيان ؟رتاحيتي من البارح؟
حسناء: حمد لله ونتا .
سليمان ( ساهي فيها): أحسن من لي كنت قبل( شد ليها يدها لعندو وباسها بدون سابق انذار حتى صدمها) البارح نعسي ماسولتي فراجلك موالو أممممم نسيتيني واقلة .
حسناء ( تصمكات من ديك البوسة فاليد لا السيد زعم بقات غي كترمش فيه ): أنا أنا أحم .
سليمان ( جرها لعندها حتى تلسقات معاه ودوز يدو مورا ضهرها زاد تبتها ولسقها معاه): أممممم نتي أش مالك يالاه گولي ليا .
حسناء ( شاداها السخفة هادشي جديد عليها مامولفاش به بقات غي كتشوف فصدرو لي مقابل معاها بسباب الطول): أحم ...
سليمان ( طلع ليها راسها لعندو مرة أخرى وقال بهمس وهو كيحفض ملامحها عن قرب): راني داوي معاك جاوبيني ( كيدوز يدو على خدها بطريقة حنينة خلاتها ترتاح بين إيديه) كانتسناك تجاوبي على سؤالي .
حسناء ( وأخيرا تشجعات رغم دقات قلبها المرتافعين وتوترها ولكن حاسة براسها مرتاحة بين إيديه و جاوباتو بخفوت إسمعو غي هو): كنت عيانة ودغيا داني نعاس وكانت معايا حتى وبسمة ( هزات فيه راسها وقالت بطريقة مضحكة) و ونسييييت.
سليمان ( باقي شادها لعندنو ومعنقها بطريقة رومانسيه ضحكاتو بديك نسيت فترسمات إبتسامة جميلة على ثغرو): نسيتي يا ألالة وباقي كتگوليها أممم( وقرصها على خدها) گالت ليك نسات.
حسناء ( بدات كطلق معاه ومن بعد مقرصها قالت بضحكة): وراه مزال مولفت والله راه غي البارح.
سليمان ( ضاحك وشكون بحالو): واخا ألالة حتى وكان تولفي ( شد ليها راسها وباسها بوسة على الجبين أول بوسة وكانت على الجبين كل واحد حس بإحساس ونقدرو نگولو نفس الإحساس غي حسناء كان معاه خجل) الله إرضي عليك ( شدها من يدها وغادي هابط) يالاه زيدي دبا وقت الفطور.
كانو كاملين مجموعين فالصالة العائلة الصغيرة والكبيرة حيت باتو فالليل الأكثرية مامشاش. ، حتى بانو ليهام جايين .
أول وحدة بانو ليها كانت بسمة ودغيا نغزات نزهة و سهام وهما إبداو كيصليو على النبي والتزغريت ، كولشي الموجودين تبعوهوم فالريتم فور مشافو سليمان شاد لحسناء فيدها وجايين لعندهوم ، جاو زوينين وفنين .
سليمان ( دخلو للصلا وهو باقي شادها): صباح النور عليكم.
كولشي رد عليه ومشا هو بإتجاه واليويه كيف ديما سلم عليهوم وهاد المرة معاه مرتو حتى وهادشي زاد فرحو وفرح حتى الحاج وليلى.
بعد فترة من التساؤلات حول الأحوال تجمعو كاملين على الفطور لي كان مغربي مئة بالمئة ، كل ما لذة و طاب محطوط ، ليلى ونزهة مهليين ومكبرين بحسناء.
هي لي كانت گالسة حدا راجلها حشمانة من عائلتو لي مكاتعرفهومش من غير خالتو لي تعرفات عليها ، كتفطر بالمهل و بشوية عليها وسليمان مقابلها كايحط ليها قدامها ممسوقش لبنادم مراتو هادي وحتى واحد ماسوقو .
سليمان ( قاد ليها بغريرة بالعسل كيف كيعجبها وقدمها ليها): بسم الله ، كولي هادي.
حسناء ( فرحانة بهاد الإهتمام لي كيتزاد إبتاسمات ليه وشداتها من عندو): ونتا مكاتفطرش .
سليمان ( هايم فيها): إلى فطرتي نتي بحال إلى فطرت أنا.
وبقا هكاك مقابلها على طول الفطور ، كبو ليها أتاي ، أراو العصير، إصاوب ويحط المهم حسناء ديالو تكون مرتاحة .
حسناء ( هزات مسمنة صاوباتها بطريقتها وعطاتها ليه بإبتسامة): بسم الله حتى نتا خصك تفطر.
شدها من عندها بإبتسامة ورضى وكملوا فطورهوم.
من بعد الفطور كل واحد واشنو كايدير ، شي فالصالة مجمع ، والرجال فالجردة ، وهي مع ليلى ونزهة وسهام وبسمة فالكوزينة ، بعد شي ساعتاين وهما خدامين ومجمعين حتى سمعاتو من الدروج كيعيط عليها هو لي كان فالبيرو ديالو خدام حتى كمل خدمتو وهو اهبط كيقلب عليها.
سليمان ( واقف فالدروج وكيعيط عليها حيت عارفها فالكوزينة): حسناء حسناء.
ليلى( دارت لجهتها): بنتي نوضي تكلمي لراجلك كيعيط عليك.
حسناء ( بدهشة): راجلي( حركات ليها ليلى راسها بإيجاب)أه اه نسيت.
سهام ( بالضحك): إوا متبقايش تنسايش زمانك ياختي.
بسمة: سيري سيري تكلمي للسيد ونتي فيك الزهايمر.
ضحكو كاملين وتمت خارجة وهي كتقاد فزيفها وغادة عندو هو لي كان كيشوف فيها من فوق الدرجات ، قربات حداه وتبسمات ليه وحتى هو ردها ليها بإبتسامة حلوة.
حسناء ( بإبتسامة): نعام.
سليمان( قدم ليها يدو) : أجي معايا.
حسناء ( شدات فيدو وتم جارها معاه للفوق): فين غاديين.
سليمان ( غادي وعاطيها بالضهر): لبيتنا.
حسناء ( تصدمات وتخلعات وقفات بلاصتها حتى دار عندها هو): ف فين غاديين .
سليمان ( عرفها فهمات غلاط وضحكاتو بتصرفها): دماغك مشا بعيد ولكن إلى بغيتي مرحبا معندي حتى مانع، أما دبا باغيك غي تشوفي بيتك واش تبدلي فيه شي حاجة ولا لا.
حسناء ( بالزربة): لا لا مامشا فين .
سليمان ( مضيق عينيه ): أمممم الله إجعلني نتيق.
#يتبع
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
