🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت52
بقا كيدوز ليها الثلج على الحرقة ومع ذالك هي باقة كتبكي وتشهق ، تقريبا صباعها كاملين تحرقو وتنفخو، سليمان تعصب بالمزيان شاف فيها لقاها كتشهق و وجهها مسيق بالدموع نيفها حمر وعينيها حكاية أخرى مغرية حتى فالبكى عزات عليه ، ضار لجهة نزهة لواقفة حدا ميلود مخلوعة وخايفة على حسناء.
سليمان ( بقلة صبر): كاين دوى دالحريق.
نزهة( شافت فيه وحركات راسها بإيجاب): أه أه كاين .
سليمان ( كيشوف فيد حسناء لي بين إيديه الكبار): جيبيه بالزربة مع فاصمة وشي توب مزيان .
نزهة( غادة بزربة تجيبو): واخا دبا نجيبو.
الحاج( بأسى): أشنو وقع ليك أبنتي ، كيطرى حتى تحرقتي.
حسناء ( باكية وكتشهق): هئ هئ مععررففتتش أشنو طرى ، هئ هئ ( الهضرة كتخرج بزز) دازت ليا الطبلة على رجلي وبغيت نحيدها هئ هئ هئ .
ليلى( بألم وهي كتشوف إيدها كيف حمرة ): أي أبنتي حمارت دغيا ، أصلا أتاي كان سخون أوف ياربي السلامة ، متبكيش أحبيبتي غنديرو ليها الدوى غتبرد.
هو على طول الحذيث ساكت وكيفكر كيفاش بلان الطبلة وشكون دفعها ، عينيه على إيدها وعقلو فبلاصة وحدة أخرى بحال إلى شك وبحال إلى عرف ، جابت ليه نزهة لي محتاج وبدا كيدهن ليها البوماد ديال الحريق بحنية وهو كيصوط ليها على يدها كيدوز صبعانو على إيدها بحنان ولطف بحال إلى هي زجاج شفاف خافو إتكسر بشوية وبشوية خدام منيتو وهي بدات كتنقص من البكا حيث الدوى بدا كيبرد عليها الحرقة وحتى ملمس إيدو الحنين ليه دور مهم، كتبكي بشوية وشهقات صغار كيخرجو عينيها منفوخين بالبكا وحمرين وبهم بريق خاص ونيفها حتى هو رجع حمر ،كتشوف فيه كيفاش كيداوي ليها الحرقة وسهات فيه ، هو مشغول مع اليد مكاينش فهاد العالم أما هي ساهية ومشات مع تفاصيلو شعرو الأسود القاتم لي كيبان من القب طايح على عينيه اللحية لي حتى هي كحلة ودوك الليدين لي كبار على ديالها ومزغبين ماشي داك الزغب الخايب بل بالعكس زوين وزادو رونق خاص، بصحيح العبارة سقات عويناتها بالجهد .
مشاو فعالمهم الخاص نساو الواقع ، نساو ليلى والحاج وميلود ونزهة لي كيدويو فوق ريوسهوم وكيعاودو أنماط الحاذثة كي طرات وشنو سبابها، ونساو كاميليا لي گالسة فبلاصتها وهي حاضياهوم وقلبها شاعلة فيه العافية عينيها كلهم حقد وحسد متصوبين فحسناء بالخصوص وكتفكر أشنو الخطة القادمة.
كمل ليها وهز راسو فيها ولقا داك المنضر قدامو باينة للعمى بلي سهات فيه عجبو الأمر ولم لا وهو داكشي لي باغي وحتى هو سقى عويناتو مالو هو مامن حقوش بالعكس إستغل ديك السهوة لي سهات فيه ورسم تفاصلها المميزة فمخيلتو ، مفيقهوم غي ليلى.
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
