قصة بالدارجة المغربية، تحمل من كل فن طرب :
اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي.
قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
🍂 هناك أمل 🍂 🍸 مصادفتك هي الحلم لواقعي وحقيقة لنبض قلبي 🍸
بارت80
من بعد الغداء گاسين فالصالة على كاس أتاي وحلويات مغربية أشكال وأنواع ورغايف ومسمن وبغرير مع الكيكة لي كتحماق عليها حسناء كل ما كتشهى الأنفس وجدوه ليها البوم على شرفها ورجوعها للدار ليلى مامشاتش للخدمة لا هي لا سليمان ، وشكون باقي إيديها فشي خدمة وحسناء كاينة.
سليمان ( موجه هضرتو للحاج وليلى بجدية): الحاج ، الوليدة بهاد المناسبة ، باغي نفتاتح معاكوم موضوع مهم.
الحاج( بجدية وإستفسار): مرحبا أولدي خير إن شاءالله.
ليلى: ياك لباس أولدي كلام الخير .
سليمان: مكاين غي الخير إن شاءالله كونو هانيين.
الحاج: بسم الله أولدي ،هاحنا كنسمعو ليك .
سليمان ( شاف فيهوم لمدة عاد شاف فحسناء وگالها ديريكت): باغي نتزوج.
الحاج( بإستفسار): تزوج؟ مزيان اولدي وبمن ؟
ليلى( بخيبة أمل): أحم شكون هادي اولدي ؟
سليمان: كتعرفوها كاملين.
نزهة: حتى أنا أخويا كنعرفها؟
سليمان ( شاف فيها وأكد ليها): كتعرفيها مزيان .
ليلى: وشكون هادي ؟
سليمان ( كيشوف فحسناء لي منزلة راسها حشمانة ): هاديك لي حداك أميمتي.
ليلى( شافت فحسناء ورجعات شافت فيه): شكون؟
سليمان ( بطلاقة): حــــســــنـــــاء.
كولهوم شافو فحسناء فرحانين ومصدومين، ليلى لي وأخيرا داكشي لي بغات وصلات ليه حلمها تحقق هو أن حسناء تكون لسليمان هاهي دبا وصلات ليه ، اما الحاج وميلود ونزهة ففرحانين كثر من القياس مقاداهوم فرحة ونزهة ضرباتها ليهوم بواحد التزغريتة فاعلة تاركة .
