🍂هناك أمل🍂
🍸 مصادفتك هي الحلم لواقعي وحقيقة لنبض قلبي🍸بارت 11
البنت(بضحكة طفولية و حماس): واااااااو أبابا البيلوا ديالك ذوين حثن من لي عنذنا فالذال، علفتي حتى أنا إلى كبلت غنذيل بحالوا (البنت باقة صغيرة داكشي علاش هضرتها هكا).
جاوباتها الأم (بإبتسامة): إن شاءالله ، بنتي حتى هي غتولي صحافية بحال باباها البطل ديالنا(گالتها وفعينيها نضرات الإفتخار لراجلها ).
كانوا ناشطين فرحانين ، ولكن الحياة مكتفرحناش ديما ضروري القدر إلعب لعبتوا معانا وضروري الله سبحانه وتعالى إحط لينا إمتحان فحياتنا ، واش غانصبروا ونتجاوزوه ونكونوا نجحنا فيه ، ولا غنكونوا فاشلين فإمتحان الحياة.
وهكذا لي وقع للأسرة السعيدة بين دقيقة و الثانية تقلبات حياتهم يا لي سخرية القدر.
كان سايگ ما به ما عليه حتى مابقاش قادر إتحكم فالسيارة فالأول مابغاش إبين ليهوم أش واقع ، خاف أنهم إتخلعوا ولكن مراتوا حسات بشي حاجة وإمتى تأكدات من إحساسها ملي شافت فيه ولقات لون وجهوا تبدل .
الأم(بإستفسار و قلق):حبيبي مالك دغيا تبدل لونك ياك لباس أش بيك .
يالاه غتكمل إستفسارها حتى رضات لبال للسيارة لي بدات كتخرج على مسارها و بدات كتلعب بيهوم وسط الطريق.
صافي دخلاتها الخلعة وديك الضحكة لي كانت مرسومة على وجهها غابت، وحل محلها الخوف و الخلعة، بحال إلى بدات تفهم أشنوا واقع و مال راجلها تبدل بديك السرعة.الأم(بخوف): گول ليا أشنوا واقع ؟؟ مال الطوموبيل كدير هكا أممم ؟؟ جاااااوبنيييي؟؟
الأب(بقلق وكايحاول أنه إهدنها ): ماتخافيش ماتخافيش أنا معااااااك...........
هادشي لي قدر أنه إگولوا على الأقل إحسسها بالأمان ولو غي واحد فالمئة ، واخا هو براسوا محاسش به .
البنية بقات كتشوف بخوف وكتسمع كلام واليديها و بداو دميعاتها كايسقيو بشرتها البيضاء في صمت .
ملي شافت الأب ديالها ماقدرش باقي إتحكم فالسيارة و بدات كتلعب بهم لعب فالطريق.
غوات الأم بدا كايتعالى مرة كضور عند بنتها كاتشوف فيها مرة كتشوف فراجلها ، وعينيها دايزين بالدموع و ففمها غي ياربي ياربي .
بحال إلى حسات بالنهاية وصلات، بعد حرب طويلة بين الأب والسيارة ، للأسف ربحات السيارة و خرجات على المسار بصفة نهاااااائية.
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...