🍂هناك أمل🍂
🍸 مصادفتك هي الحلم لواقعي وحقيقة لنبض قلبي🍸
بارت 9
المطعم كان عبارة عن قاعة كبيرة مقسومة على تلاثة جهات.
جهة الدراري صغار مع المربيات بوحدها، وجهة البنات بوحدها، وجهة الولاد بوحدها.
فحسناء مشات لجهة البنات ، جلسات فطبلة دائرية دايرين بها كراسي ، كل بنت شدات بلاصتها ، وبدات المشرفة لي كتخدم بالليل كدور عليهوم باش إكون الإنضباط وميكونش الصداع .
الدراري السغار و الرضع فالمربيات مقابلينهوم أما الكبار فلابد من المشرفة توقف على خدمتها بنفسها.
فالطبلة فاش كانت گالسة حسناء كولشي كيدوي على خروجها ، وأشنوا غادير من بعد وهي كتجاوب بإبتسامة هادئة .
سولاتها وحدة من البنات باينة فيها مسمومة .
البنت: إيوا أحسناء أش غاديري غدا ، فين غتمشي (وكملات بإستهزاء) حتى من الصاحب معندكش على الأقل كنتي تمشي عندو .
من بعد هضرتها السامة طلقاتها بضحكة مجلوقة كتبين على طينتها .
حسناء مجاوبتهاش بقات على إبتسامتها الهادئة الجميلة ، ولكن جاوباتها وحدة من البنات لي كانوا مع حسناء فالصباح.
البنت(طلقاتها بضحكة عاد گالت): هههههههه واش أحبيبة إصحابك حسناء ساااايبة بحالك توء توء توء أحوووبي مشيتي بعيد أصديقتي حسناء أحسن من داكشي بكثير(وكملات بإستهزاء) هي مارخيصاش باش تعطي راسها لواحد مهاز حتى سروالوا (شافت فيها وكملات بغمزة) حسناء غايجيها سيد الشباب ، شي غدنفر ولا عرندس لي إستاهل هاد اليااااقوتة أولا البنات.
جاوبوها البنات الأخرين بضحكة وگالوا دقة وحدة : أممممممممم
ياعييييينييييي الأمور طيبة هههههههههه.
(سي ربيع نستسمح على هاد الإجعاج😝).
وبدلوا البنات منحى الحذيت حيث عارفين حسناء كيدايرا ، حساسة من ناحية هاد الموضوع ، وإلى بغيتوا الصراحة راه هاد الموضوع كاملين مرضهوم ، كاملين هازين الهم للنهار فاش غيخرجوا ، غي صابرين أخلاص .
وديك البنت فينما تبغي تگول شي هضرة ولا تجرح حسناء مرة أخرى كيحبسوها و كيتلفوها حيث عارفينها مكاتحملهاش ، أما راه غي الگسدة لي تماك أما العقل فراه غايب كيفكر وإعاود إفكر ولكن حتى نتيجة مالقاها من غير إدير الأمور فيد الله هو فاتحها ومن غيره رب العالمين جل جلاله.
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
