هناك أمل

بارت60

🍂 هناك أمل 🍂
     🍸 مصادفتك هي الحلم لواقعي وحقيقة لنبض قلبي 🍸

بارت60

وصل الصباح هاهما كيفطرو مع بعضياتهم باش إمشيو للخدمة ، من بعد الفطور خرجو قاصدين المخبزة فاش كيخدمو بزوجات ، حسناء لابسة نفس العباية مع مونطو حيث تحرك البرد، أما بسمة لابسة سالوبيط مع مونطو غاديين مجمعين قاصدين المخبزة لي كاينة فالشارع الكبير، وصلو ودخلو للداخل لبسو لباس الخدمة وخرجو لخدمتهوم ، نهار كامل وهما واقفين الوقت لي بين الضهر والعصر لي كيكون خاوي شوية حيث مكايكونش الكليان ولكن الخدمة كتكون لداخل ، خدامين كيگرسو هما والبنات لي معاهوم.

البنت1: بسمة إمتى غديري شي عراسية شحال وحنا كنتسناوك.

بسمة ( بسعادة): الصيف إن شاءالله غنديروه  وحتى الدار قربنا نساليوها.

البنت2: غاتبقاي خدامة مورا الزواج.

بسمة: الله إنجيني ، الخدمة طيحات كتافي مورا الزواج غنگلس فداري نرتاح .

البنت1: ونتي أحسناء ، كي غادية مع الباك.

حسناء ( بإبتسامة): غادة مزيان الحمد لله.

البنت2: ياك بعدا نفعوك ديك الكتوبة لي جبت ليك.

حسناء: أه أختي شكرا لك والله نفعوني بزاف.

البنت2: حتى نتي كانو غي مليوحين فالدار اللهم تستافدي منهوم ، النجاح إن شاءالله.

حسناء: أمين يارب شكرا لك.

من بعد ساعات طوال من الخدمة هاهي راجعة مع بسمة وطرگو الحانوت جابو منها البيض والخبز للعشاء وقصدو بيتها ، هكا كيدوز النهار عند حسناء ، الخدمة للبيت البيت للخدمة وكتمشي حتى لعند بسمة حيث قريبة ليها ساكنين فدرب واحد .

عندو هو لي ولا عصبي و إنطوائي كثر من القياس الدار مكايعمرهاش بزاف كيجي ليها مرة فشحال ، أيامو كيدوزهوم فالدار القديمة وفالخدمة ، هما مبقاوش كيشوفوه كيجي مرة فالسيمانة فقط وحتى واحد ميقدر إهضر معاه سليمان تبدل بزاف وتبدل على كولشي، بالطليب والرغيب من طرف ليلى جا اليوم باش إتعشى معاهوم ، مجموعين على طاولة الأكل كولشي ساكت وكولشي حادر راسو كتسمع غي صوت المعالق والكيسان ، الحاجة لي جديدة عليهوم مكانوش هكا ، كانت هاد الدار كتنبع بالحياة والسعادة والفرح ولكن دبا ولات كئيبة روحها طفات ، كل واحد وفاش كيخمم وكل واحد وتفكيرو فين مشا به ، هزات ليلى راسها فيه لقاتو غي كيلعب بالمعقلة مكلتو مقاسهاش نهائيا ، شافت فيه بحزن وحطات إيدها على إيدو حتى هز راسو وشاف فيها.

ليلى( بحنان): كول أولدي ، شفتك مكليتي والو.

سليمان ( مخنوق): الله إخلف مقادش ، بصحتكوم نتوما.

تتمة بارت60 🔥🔥

وهو إتم نايض من بلاصتو وقصد الفوق طالع فالدروج وهما متبعين ليه العين حتى إختفى على الأنضار.
هو لي كان قاصد بيتو وصل حدا بيتها وبقا كيشوف فيه لمدة من الزمن كيتفكر دوك اللحضات الزوينين لي دوز معاها تفكر أول مرة إيدوي معاها فهاد البلاصة
             ♠فلاش باك♠
يالاه خرج من بيتو وهو إطلاقا معاها خارجة حتى هي ولما لا وبيوتهوم ملاسقين، وهادشي لي مكانتش حسناء عارفاه حتى لدابا لي خرجات ولقاتو قدامها بديك الطولة .
تصمرات فبلاصتها وبقات غي كتشوف، هو شاف فيها ببرود و بهدوء .

سليمان (ببحة مبحوحة): سلام .

حسناء ( بخفوت وخجل): سلام أحم.

سليمان: لباس عليك.

حسنا: لباس.

سليمان: ولفتي شوية .

حسناء: شوية حمد الله.

سليمان: مزيان مرحبا بيك معانا(بجدية ) معانا مغايخصك خير ، أي حاجة حتاجيتها گوليها ومتحشميش ، كيفما كتشوفي حنا فهاد الدار عائلة وحدة ، ونتي حسبينا عائلتك ، (بعد تفكير) أو إلى بقيتي على هكا (هزات فيه راسها) محتارمة راسك وهادية فكوني أكيدة مغاتخصك حتى حاجة معانا، متفاهمين.

حسناء: واخا متفاهمين .

سليمان: أحم مزيان ، الله إرضي عليك.
             ♠أند بلاك♠

تفكر هاد اللحضة بحال إلى غي اليوم ولكن ملي رجع للواقع لقا غي الخيال ، حط إيدو على بواني الباب حلو وتم داخل إذا به كيسد عينيه من ديك الريحة لي ضربات فيه  تنفس بعمق وإستنشقها أي أي شحال توحش هاد الريحة ومولاتها ، بقا هكاك مكوانسي كيدخل أكبر قدر منها لداتو بحال لادروغ، دخل وسد الباب ومشا لفراشها گلس فيه دور عينو فالبيت كيفما هو كيف خلاتو كل حاجة فبلاصتها باقة خصاه غي هي ، بقا سارح بتفكير. لوقت طويل إقدر ساعة إقدر ساعتاين إقدر أكثر محاسش بالوقت بل هو توقف عندو الزمن فداك البيت لقا فيه راحتو بحال إلى هي معاه تماك ، كان فعالمو الخاص كيتفكر جميع الذكريات واللحضات، تفكر ملي لبسو نفس اللون، تفكر جلسات الفطور ، تفكر فاش جابت ليه الكادو تفكر هو ملي هدا ليها البراسليات ، تفكر فرحتها ملي غتكمل قرايتها، كولشي داز قدامو بحال فيلم سينمائي.

ناض قصد دريسينغ لي كان عامر بحوايجها مدات معاها والو من غير لي جابت من الميتم داكشي كامل خلاتو لا من الحوايج لا البيسي لا تيلي الكتوبة كولشي خلاتو ومشات، مشا هز أخر لبسة شافها بها وهي الكسوة البيضة لي كانت منقطة بنقط سوداء ، هزها بين إيديه وبقا كيشمها بحال إلى كيضروگا محسش براسو إمتى گلس تسند على الحيط وديك الكسوة بين إيديه وكيخرج من فمو داكشي لي كيحس به على شكل قصائد.

سليمان ( بصوت مجروح ومدمر وبطيئ): تقتلني الليالي بطولها إذ أني لا أراك تزين حياتي بوجودك بها.
يا قمري الأجمل عُد فالغيابات الطويلة تلوع قلبي وتقسمه لشطرين شطر ينبض بك وشطر يحلق معك.
في داخلي شيء لا يكتمل إلا بوجودك، فرفقاً بقلبٍ ماتَ شوقاً إليك.
لا يمكنني في هذا المساء إلا أن أشتاقك بصمت.. وأتألم.. وللعمر الغائب بدونك وللقلب الملتاع لفراقك آهات تحرق الروح.
هذا ليس وداعاً وإنما شكراً لما فعلتيه من أشياء جميلة في حياتي، شكراً لدخولك حياتي ومنحي السعادة، شكراً لمنحي ذلك الحب الجميل، شكراً على تلك الذكريات الجميلة التي سوف أعتز بها ما حييت، بالرغم من كل ذلك، شكراً لإخباري بأنه سيأتي ذلك الوقت الذي سترحلين وتتركين قلبي وحيداً، ( قال بخفوت وبطئ مورك عليها)أحـــــــــبـــــــك.

         #يتبع