قصة بالدارجة المغربية، تحمل من كل فن طرب :
اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي.
قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
🍂 هناك أمل 🍂 🍸 مصادفتك هي الحلم لواقعي وحقيقة لنبض قلبي 🍸
بارت63
بقات كتشوف فديك البطاقة حتى بداو دموعها كيطيحو ،شوية بشوية بداو شهقاتها كيتعالاو كولها كترعد وفخيالها غي ملي گالت ليها على عرسهوم وعنقاتو بغات تصطى البنات تجمعو عليها كل وحدة منين جاتها وهي رجعات لور حتى لسقات مع الحيط والبطاقة بين إيديها بقات نازلة بطريقة بطيئة حتى وصلات الأرض وطلقات إيديها كل وحدة فين طاحت وبقات كتبكي وكتشهق ، شوية بشوية بدات كتغوت فمها فيه كلمة وحدة وهي لا لا ميمكنش ، البنات تعجبو لأمرها وحدة مشات تجيب الماء والسكر و وحدة مشات تعيط على الشاف وهما خايفين عليها لاطرى ليها شي حاجة.
حسناء ( كتبكي وكتشهق كلها كترعد مقادراش تزيد تصبر صافي وصلات للفينال مبقا كايبان ليها حد من غيرو وهو شاد لكاميليا فإيدها ): هئ هئ هئ هئ مايمكنش مايمكنش لا لا هئ هئ ( كتشهق والهضرة كتخرج بزز) لا لا هئ هئ مايمكنش أسيدي ربي ( بدات كضرب فراسها( علاش أنا علاااااااش. أنا بوحدي لي إطرا ليا هاكة علاااااااااش هئ هئ هئ بغيت غي نرتاح فحياتي هئ هئ هئ لا لا لا لا لا لا لا لا لا لااااااااااااااااااااااااااا .
مع هاد الغوتة بدات كتسمع صوت بسمة من بعيد كيعيط عليها و شيحد كيحركها.
بسمة( مخلوعة): حسناء حسناء ختي نوضي بسم الله عليك نوضي ( حركاتها بالجهد حتى حلات فيها عينيها) نوضي الزمرة خلعتيني تفو ولا هاقاعدة فيك.
حسناء لي حلات عينيها ولقات راسها ناعسة فصالة وبسمة وسارة دايرين بها دورات عينيها فالصالة وقالت بإستفهام.
بسمة: مالك نتي اليوم كدخلي وتخرجي فالهضرة ؟ واش واكلة شي حاجة من غير الخبز؟ راني دخلت قبيلة ولقيتك ناعسة شوية حتى سمعنا صوت البكا والغوات ، واش كنتي كتحلمي؟.
سارة: راه باينة شي حلمة هاديك ؟ ياربي سلامة.
حسناء بقات غي كتشوف فيهوم متيقاتش بلي غي حلمة غي حلم هداك ماشي حقيقي ، شوفي غي حلم أش دار فيها أما إلى كان حقيقي أشنو غيطرى، داكشي علاش بدات كتبكي ليهوم تماك.
جبداتها بسمة لعندها عنقاتها وهي كتهدنها وفعقلها واحد الحاجة شحال وهي كتفكر فيها صافي دبا وصل وقتها ، متقدرش باقي تصبر وتشوف صاحبتها أو ختها كيفما كتعتابرها هكا كتعاني لا سكنة زينة لا خدمة زينة لا صحة مقادة على والو نفسيتها مدمرة بسباب الماضي و الحاضر وبسباب الفراق ، صراحة لي داز عليها راه صعيب وبزاف حنا دبا شفنا غي شوية منو باقي بزاف ديال الحوايج غايبانو وبزاف ديال الأسرار غيتكشفو، بعد عناق دام لي دقائق فصلوه هي وبسمة من بعد ماتهدنات شوية.
سارة ( شدات ليها إيدها بحنان وقالت بصوت خفيف وحنين): شوفي أختي حسناء ، نگول ليك واحد الحاجة ، راه إلى كان مكتاب ليك حتى واحد ميقدر إفرق بيناتكوم ، هادي كوني أكيدة منها المكتوب مامنو هروب إلى مكتابة ليك واحد الحاجة تشوفيها ولا تعشيها راه تابعاك تابعاك معندك فين تهربي منها ، وأنا عندي إحساس بلي كل مشاكلك غادي إتحلو إن شاءالله كوني هانية ومتمرضيش راسك صافي .
حركات ليها حسناء راسها وعنقاتها حتى هي كتستامد منهوم القوة،
#يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
