🍂هناك أمل🍂
🍸 مصادفتك هي الحلم لواقعي وحقيقة لنبض قلبي🍸
بارت 12
بطلتنا معرفاتش ولا محساتش إمتى لقات السيارة داخلة فشجرة ، الزجاج الأمامي كلوا تهرس و للأسف أجزاء منوا دخلوا فرأس الأب ديالها ، لي فقد روحوا فديك اللحضة .
توقف بها الزمن فاللحضة لي شافت فيها الأب ديالها فديك الحالة ، بزز منها حيدات منوا عويناتها و وجهاتهم للأم ديالها على وعسى تلقاها فمضهر أحسن ، ولكن لسوء الحض لقاتها تضرب راسها مع زاج ديال الباب .
بقات على ديك الحالة كتشوف فواليديها فداك المضهر السيء ولي متتمناهش لعدوك و عويناتها تنفخوا بكثرة البكا ، حتى هي تجرحات وتقسحات غي ربي حفضها حيث كانت فالخلف ودايرة حزام السلامة هو لي نجاها.
بعد داك السكون لي كيكسروا غي شهقاتها الصغار ، تسمع صوت الناس جايين كيجريو لناحية السيارة أو ماتبقى منها ، وهما كيرددوا "لا حول ولاقوة إلا بالله العلي العظيم “ ”الله أكبر “ " إن لله وإن إليه راجعون “.
تجمعوا الناس وتاصلوا بالإسعاف لي كيف ديما تعطلات باش توصل وعلموا حتى رجال الشرطة ، فضرف نصف ساعة عمر تماك بالناس والبوليس و الإسعاف لي وأخيرا جات و شرفاتنا بحضورها المتأخر.
البوليس خرجوها هي اللولة و بعدوها شوية على السيارة ، كيحاولوا إتواصلوا معاها ولكن هي غي مصدومة وكتبكي فصمت ، عنيها معلقين فالسيارة ، بقات على داك الحال حتى شافت المسعفين كيخرجوا واليديها خرجوا الأب هو الأول للأسف لقاوه مات روحو مشات عند خالقها ، فغطاوه بإيزار أبيض ، وتماك لقطات ودنيها جملة الفرملي وهو كيغطي وجهوا.
الفرملي: مات الله إرحموا " إن لله وإن إليه راجعون “ .
تسمع صوت الناس كيرددوا نفس الجمل بأسف على حالة الأب ديالها .
من بعد خرجوا الأم ديالها لقاو دقة قلبها بداو كينعادموا حاولوا بكل ما فجهدهم أنهم إنقدوها ، داروا ليها الصعقات الكهربائية عدة مرات دون جدوى ، لذلك حتى هي غادرت هاد الدنيا مع شريكها ، وغطاو وجها و تسمعات مرة أخرى كي السم .
" ماتت حتى هي لله ما أعطى و لله ما أخذ لا حول ولاقوة الا بالله العلي العظيم “.
فهنا مقدراتش باقي تصبر بعدات هربانة من الشرطي لي كان شادها ومشات لجهة واليديها ، عفوا جتث واليديها طاحت فوسطهم كتبكي و بداو شهقاتها كيتعالاو فالمكان .
فرجال الشرطة والمسعفين خلاوها و هبطوا ريوسهم تأسف على حالها ، أما الناس لي كانوا تماك بقاو كيشوفوا فيها بنضرة حزينة وشفقة على حال ديك البنية الصغيرة لي ضهر ليهوم فقدات حياتها هاد النهار ، رووووحها طفااااااات .
#يتبع
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
