🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸بارت74
سليمان ( بعيون نارية): عارف،( جبدها من يدها ورجعها لبلاصتها) ولكن أنا باغيك نتي ، نتي بوحدك مفهوم.
حسناء ( مصدومة وكاتحاول تقنعو): و ولكن أنا أحم سليمان شوف راك......
سليمان ( مخلاهاش تكمل وعاود شد ليها يدها بتحكم وقال كليماتو بحنان): نتي دبا لي غاتسمعي مفهوم، نتي گلتي لي عندك هذا دوري أنا.
حسناء ( كتحاول تمنعو): ولكن نتا ....
سليمان ( زير ليها على يدها ومخلاهاش ثاني تكمل): شششش سمعي أش غنگول ، أنا باغيك نتي فقط، بغيتك تكوني مراتي وأم ولادي مفهوم، أنا باغيك كيفما نتي ( حسناء غي كتشوف بعيون دامعة) واش فاهمة هضرتي ، بالرغم من كولشي باقي على قراري ، وباغي نزوج بيك، أنا عارفك مريضة وعارف أمراضك كاملين وباغيك، المرض ماشي عيب ولا عار المرض هو إبتلاء من عند الله تعالى كيختابر بيه صبرنا وإيمانا به مفهوم .
حسناء ( بهمس وعيون براقة): ولكن أنا مرضي غريب أسليمان مكنتحكمش فراسي وراك شفتي كولشي وحضرتي لكولشي أنا مقاداش وغتلقا معايا مشاكيل كثيرة.
سليمان: أنا غنكون معاك حتى تجاوزي گاع الأمراض والمشاكل لي كتعاني منها، بغيتك تيقي فيا ، أنا غنكون فجنبك وغابقى معاك ديما ، أمراضك لي خايفة منهوم أنا عارفهوم ودارسهوم وعارف كيفاش نتصرف ، خصك غي نتي تكون فجنبي وتيقي فيا مفهوم .
حسناء ( بحزن): ياك مغايجي شي نهار وتعايرني ولا تجرحني بمرضي ؟
سليمان ( جابت ليه الضحك بهاد السؤال التافه ولكن بقا فقناع الجدية): مستحيل هادشي أنا ماشي برهوش ، هادو تصرفات البراهش لي معنهوم عقل، الحاجة الوحيدة لي تسناي مني هي أني نكون فجنبك حتى تجاوزي گاع العقبات ولكن نبغيك تبعي دواك وديها فصحتك ماشي بحال آخر مرة .
حسناء ( بخجل): أه كنعتارف كان الخطأ مني متبعتش دوايا.
سليمان ( كيدير حركات وهمية فيدها وشاف فيها بهيام ): ودبا قابلة تزوجي بيا، جاوبيني وبركة من هاد التعذيب النفسي لي كديري فيه .
حسناء ( خرجات ليها ضحيكة خفيفة بديك الهضرة): معرفتش .
سليمان: كيفاش معرفتيش ، إلى معرفتيش نتي شكون غايعرف.
حسناء ( شافت فيه): وخالتو ليلى وبا الحاج .
سليمان ( بطنز): خالتك ليلى كتوجد قفطانها وباك الحاج جلابتو عند موجودة.
حسناء ( بصدمة): هاء كيفاش.
سليمان: هوء ماشي هاء هما موافقين وباغيين غصك غي نتي تحني خلاص ، يالاه گولي ديك موافقة الله إرضي عليك وكنواعدك عمرك تندمي عليها.
حسناء ( بشجاعة مصطنعة): و ونتا أصلا علاش بغيتي تزوج بيا أنا بالضبط .
سليمان ( شاف فعينيها وقال): حيت ( بقا ساكت مدة عاد قالها بحال شي عاصفة ضربات فقلبها) كنبغيك( گالها بتقالة وكل حرف عاطيه حقو ) كنبغيك وبغيتك من أول نضرة ، كاين سؤال أخر.
حسناء لي حشمات حتى مقدات ولاو عندها 2 ماطيشات بسباب حناكها لي تلونو بالأحمر ، والفرحة لي مشا قلبها إسكت بسبابها خلاصة القول مشات تسخف بدوك الأحاسيس المتراكمة فداخلها وهضرتو لي دوخاتها لي ذلك هبطات على داك الكاس حتى خواتو شحفات مسكينة.
* * * *
نعم أحبك
نعم أحببتك
نعم سأضل أحبك
أنتي في قلبي
منذ اللقاء الأول
النضرة الأولى
الكلمة الأولى
الصدفة الأولى
كنت ومازلت وسأبقى
أحــــبــــك#يتبع
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...