🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸بارت27
حس براسو بلي طول الشوفة فيها ولا نگولو سهى( وراك بديتي فالحلمة أسي سليمان ههه) استغفرالله وتم طالع لبيتو، وهو متعجب من راسو مالو على هاد الحالة ، علاش هي بالضبط ، توجه للدوش وحيد دوك الحوايج وحطهوم فسلة الوسخ وقصد الرشاشة قادها وبدا كيدوش ، و إبتسامتها متفارقاتش على عينيه عيا استغفرالله ولكن والو لسقات ليه ديك اللقطة فدماغو، كمل الدوش وتم خارج بفوطة على نصو قصد دريسينغ و لبس لباس رسمي ومشط شعرو ورش رشة من ريحتو المفضلة ولي هي نفسها لي مدوخة لينا لالة حسناء.
عندها هي لي ضرباتها بنعسة عالمية عمرها نعسات بحال هاد النعسة المريحة ، فاقت ناشطة لقات الصباح طلع ضربات على راسها ملي تفكرات الفجر مصلاتوش فوقتو، قصدات الدوش وهي كتستغفر الله ، توضات وخرجات لبسات بيجامتها فاللون الوردي والأسود ولاحت عليها عبايتها وزيفها وصلاة صلاتها هي لولة ، ثم أية الكرسي، ثم دعاء لنفسها ولواليديها بالرحمة.
خرجات من بيتها وهي لابسة بيجامتها الطويلة المستورة ، عينيها جاو ديريكت فباب بيتو ، معرفاتش مالها غي تفكراتو وهي تزنگ ، و دقات قلبها ترتافعو تدريجيا، حطات إيدها على قلبها .
حسناء (بخفوت): أوف بشوية عليك أقلبي دبا تسكت ، أصلا نتا عيان وغاتزيد دبا، أوف أوف ، مالي أسيدي ربي على هاد الحالة ، أستغفر الله العظيم واتوب اليه ، أعوذ بالله من الشيطان الرجيم.
وتمات نزلات للأسفل، سمعات الهضرة فالكوزينة وقصداتها وهي حشمانة و كتفرك فيديها ، طلات عليهوم وبانو ليها نزهة و ليلى مجمعين وخدامين ،
حسناء (بخجل): صباح النور .
ليلى(بسعادة): صباح الفل صباح النور صباح الياسمين الحلوة ديالي.
نزهة(بضحكة): صباح الزين بوحنيكات مزنگين ياختي.
حسناء جابت ليها الضحكة والحشمة فنفس الوقت ، سلمات عليهوم ومن بعد ماسولوها واش ارتاحت فنعاسها وجاوباتهم هي بأه بداو مجموعين كيوجدو فالفطور.
حسناء: تبغيو نعاونكوم فشي حاجة.
نزهة (بطنز): أش كتعرف موحنيكات دير أممممم يالاه ألالة أطريبينا.
ليلى(بضحكة): ونزهة حرام عليك كتحگري ليا على بنتي هههههه (وعنقات حسناء من الجنب).
نزهة(بضحكة): ههههههه الله أودي حاشة نحگروها غي هو خصنا نعرفو المهارات ديالها أولا ألالة حسناء.
حسناء (بضحكة): مرحبا أمي نزهة ، أشنو بغيتي نوجد ، ندير المسمن.
ليلى( وهي كطيب فالبغرير): متديش عليها ابنتي أجي غي گلسي معانا.
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...