🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸بارت40
گالسة جنب لابيسين وكاس العصير فوق الطبلة وهي هازة بين إيديها رواية " الملجأ الأخير“ للروائية سارة محي الدين ، منغامسة فعالم الرواية بكسوتها الحجابية فاللون الأخضر المفتوح ، وبرد خفيف كيضرب فيها .
عند ليلى لي كانت هابطة من بيتها ، قلبات عليها وفالأخير لقاتها فديك البلاصة وهي گالسة هادئة ومنغامسة فالرواية ، تقربات منها وندات عليها بسميتها باش مطيحش مرة أخرى فنفس المشكل.
ليلى( بإبتسامة): بنتي حسناء ( ضارت عندها حسناء) أشنو كديري هنا بوحدك أبنتي.
حسناء ( مبتاسمة): والو أخالتو غي لقيت هاد الرواية محطوطة فالصالة وهزيتها نقراها، راك عارفاني مبليا بالأدب.
ليلى( گلسات حداها): أه أنا لي خليتها تماك ، فين وصلتي فيها نتي أمممممم .
حسناء: باقية غي فالفصل الأول أخالتو، يالاه بديتها، ملي كنت فالميتم كنت كنقرى"محاولة عيش" ولكن الرواية بقات تماك .
ليلى: إن شاءالله نجيبها لبنتي متخافيش(ضحكات ليها حسناء) شوفي أبنتي عندي موضوع مهم ندوي معاك فيه.
حسناء ( بتساؤل): الله إسمعنا خبار الخير أشمن موضوع أخالتو؟.
ليلى( بجدية)؛ واش مكتفكريش تكملي قرايتك أبنتي؟.
حسناء ( بحزن و شافت فجهة لابيسين): شكون كره أخالتو ، ولكن السنة الدراسية بدات شحال هذا فات الحال .
ليلى: شكون گال ليك فات الحال الهبيلة( شافت فيها حسناء) باقي الوقت على كولشي إلى كنتي باغة تقراي گوليه ليا دبا.
حسناء ( بسعادة و شدات ليها فإيدها): أه أه أخالتو بغيت نقرى و الله حتى بغيت نكمل قرايتي.
ليلى( ضاحكة): ههههههه صافي حتى أنا داكشي لي بغيت، تكملي قرايتك وتكوني مستقبالك أبنتي.
حسناء ( بحماس): أه أخالتو حلمي نكون صحافية بحال بابا( بحزن) بغيت نحقق حلمهم والله بغيت نكون صحافية .
ليلى( بإفتخار): إن شاءالله غتكوني أحسن صحفية فيك يا مغرب ، هههههه صافي ولكن خصك تجتاهدي ولا للكسل مفهوم.
حسناء ( ضاحكة حتى بانت ليها ضرسة العقل): أه غانجتاهد أخالتو ، راك عارفاني والله حتى نفرحك،(شافت فيها بتساؤل) ولكن كيفاش غندير والقراية قربات الدورة الأولى تسالي أخالتو؟.
ليلى( بإبتسامة): غادي ديري باك حر ، إن شاءالله غاتجيبي الباك ديالك ومن بعد الكلية وتبعي تخصص لي بغيتي ، صافي متفاهمين على هادي.
حسناء ( بسعادة): أه متفاهمين أخالتو الفنة( شداتها من حناكها وكتبوس فيه) الزوينة التيتيزة أشنيولة ، ويتيك ويتيك على الفنون أسيدي ربي غي با الحاج لي مزوج موااااااح عليك الزويونة .
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...