قصة بالدارجة المغربية، تحمل من كل فن طرب :
اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي.
قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
🍂 هناك أمل 🍂 🍸 مصادفتك هي الحلم لواقعي وحقيقة لنبض قلبي 🍸
بارت83
من بعد مبان كولشي وتكشف كولشي ،سليمان قصدها ديريكت وهزو إيدو حتى جمعات الهوى وعطاها ديريك لوجها ، من حر الدقة طاحت على الفراش وجبدها تاني من شعرها داها وجابها وقال ليها بفحيح الأفعى.
سليمان: دبا شنو ربحتي أممم؟ جاوبي شنو ربحتي؟
كاميليا ( بألم) : طلق مني مضربنيش ماشي من حقك.
سليمان ( ضحك بإستهزاء وزادها واحد الطرشة وقال بصراخ): ونتي شنو لي منحقك باش طيحي عليا هاد الباطل ؟ دوي اش جابك لبيتي ؟ شنو بيني وبينك ؟ دوي ؟ أش جابك لجيهتي؟ شنو لي قربك ليا؟
يالاه بغا إيزيدها وهي تحيدها ليه ليلى.
سليمان ( جهل كيغوت بكل جهدو ): طلقي الوليدة طلقي نربي والديها نوريها طيح عليها باطلها ، تجيب ليها وسخها لداري وبيتي وفراشي ، طلقي خليني نقتلها ونتهنى منها طلقي.
ليلى( بترجي): لا اولدي الله إهديك ماديرهاش عفاك اولدي الله إرضي عليك غي على وجهي خليها.
سليمان ( بغا إشدها إسلخها سليخ ولكن منعوه يوصل ليها): طلقو مني اليوم نقتل مها ، الموسخة لخرى طلقو( شاف فميلود لي شادو وحابسو يوصل ليها ) طلق أبا ميلود طلق خليني نصيفيها ليها طلقو خليوني .
كيجبدو بكل جهدهوم والو واش قدو عليه ، حتى سخفات ليه بين إيديه عاد طلق منها وخلاها هكاك مليوحة نصها عريان وغي طريف لي توب ليمغطيها وكلها دمايات ، تم خارج وكلو كيترعد بالأعصاب كيفور تدوي معاه إجمعك بنص ماوقف حتى للوطو ديالو ركب وكسيرة خارج من الدار.
أما هيا فكانو كايدورو عليها تماك وكايحاولو إنوضوها ، تعاونو عليها بتلاثة وغطاوها وداوها لبيتها، دواو ليها جروحها ولبسوها حوايجها ، وهي عاطياها غي للبكا على الخطة لي فشلات وعلى العصا لي كلات وعلى سليمان لي خرج من بين إيديها وحتى عمها لي إقدر إتيقها مكاينش إعني خطتها فشلات.
داز أسبوع وسليمان غابر على الدار حتى واحد معارفو فين مشا وا اشمن طريق شد . كاميليا هاد السيمانة كاملة دوزاتها فبيتها واليوم ولات بخير فاقت ودوشات وهبطات للجردة ،شوية حتى وقفات عليها ليلى.
ليلى( بهدوء): صباح الخير بنتي ، كيوليتي دبا شوية.
كاميليا ( بلى خاطر): لباس.
ليلى( وقفات قدامها): بنتي من الأحسن دبا ملي وليتي بخير تمشي من هنا .
كاميليا ( بإستغراب): أشنو كاتگولي؟ نمشي من هنا واقلة نسيتي بلي هادي دار عمي؟
ليلى ( بهدوء):عارفة أبنتي دار عمك هادي ولكن مورا داكشي لي طرا ، من الأحسن ماتبقايش هنا ، وحتى ولدي معرفتو فين صد غبر غبرة وحدة ( بحزن) راه ربي لي عالم بيا أبنتي حسي بيا بغيت غي ولدي إرجع ليا مابغيت والو.
كاميليا ( بشر): نتي و ولدك غادي ندمكوم على هادشي عقلو مزيان على شنو درتو( تقربات ليها ودات فودنها بهمس) ولدك عمرني غانخليه إيعيش مرتاح وهاني فين گلتها غايجي واحد النهار وغاتعرفي بلي هضرتي كلها صحيحة ، يا إما معايا يا إما بوحدو ، مغانخليهش إكون مع شي وحدة من غيري وعقلي على هاد الهضرة.
كملات هضرتها وهي تمشي من قدام ليلى طالعة لييتها تجمع حوايجها .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
