🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت42
سليمان غي سمع سميتها حس بعرق فراسو بحال إلى بغا إنفاجر،
أما نزهة وميلود فهادوك خصرو ملاميحهوم ، حسناء بقات غي كتعجب مالهم مع هاد البنت و علاش تصرفو هكا ملي ذكر إسمها، شوية بان ليها سليمان ناض من بلاسطو.
سليمان ( بضيق نفس): تصبحو على خير( ومشا طلع لبيتو ).
بقات متبعة ليه عينيها حتى ختافة من قدامها ، تصرفو جاهة عجب مفهماتش مالو ، لا هو لا نزهة و ميمون ، أما ليلى فهي بقات ساكتة مقالت لا تحرگات لا طابت.
گالسة فبيتها كطلع وتهبط فالتيلي شوية صونا التيلي بإسم بسمة ، إبتاسمات للشاشة قبل ماتجاوب.
حسناء ( بإبتسامة): سلام عليكم ختي بسمة .
بسمة( بضحكة): أهلا زين كيف الحال والأحوال هههههههه.
حسناء ( ضاحكة): هههه حمد لله هاد الساعة ، ونتي كيدايرا لباس عليك و خوك ومراتو لباس عليهم.
بسمة: حمد لله أزين ، كولشي بخير، إوا أش كدير الحسنية ديالنا هههههههه.
حسناء ( ضاحكة): ههههههههه حرام عليك كل مرة مبدلة ليا سمية ، أش دارت ليك سميتي هههههههه.
بسمة: هههههههههه راه غي حيث كنحبها ياختي حبيتها سميتك زوينة فحالك الفلوسة هههههههههه.
حسناء: ههههههههههه صافي زدتي حتى الفلوسة هههههههه .
بسمة: ضحكي أبنتي ضحكي بصحتك .
حسناء: الله إعطيك الصحة هههههه عرفتي نتي بحال با ميلود ومي نزهة كتقتليني بالضحك.
بسمة: وعلاه شحال من حسناء عندي، غي وحيدة كنشكر الفايس لي لاقاني بها ، أول مرة ولد الصفريطة إدير شي حاجة مزيانة فحياتو .
حسناء: وصافي كتحشمني أصاحبتي، حتى أنا فرحانة حيث تعرفت على وحدة زويونة بحالك.
بسمة: إخليك ليلي ياحبي، إوا زعمة منتلقاوش غدا أنا وياك، غدا عندي روپو من الخدمة ، إيعيشك نشوفك .
حسناء ( بتفكير): صراحة معرفتش خصني نگولها لخالتو ليلى .
بسمة: غي گوليها ليها ياك ديك المرة خلاتك ، خرجنا ودرنا مع بعضياتنا ورجعتي عادي تخرجي أصاحبتي مافيها والو .
حسناء: واخا الزين فالصباح نگولها ليها ، ونخرجو فين غانتلاقاو.
بسمة: صيفتي ليا العنوان ونكون عندك ، غانجيب الموطور كوني واجدة.
حسناء: صراحة عمرني ركبت عليه ، بلاش منو.
بسمة: واتي سيري راه واعر هو لي غنجيب وهو علاش غتركبي ، يالاه دوزي لواتساب راك غاتسالي ليا الصولد.
حسناء: ههههه ياك واخا الالة.
بسمة: يالاه تشاو .
قطعات حسناء مع بسمة ودخلات لواتساب كملات معاها الهضرة، بسمة هي البنت لي تعارفات معاها حسناء عن طريق الفايس ، فضرف 4 شهور كونو صداقة نقية بيناتهم ولات صحابات وجميع أسرار بسمة ولاو عند حسناء.
بسمة بنت 20 سنة خارجة من القراية وخدامة فمخبزة ، ساكنة مع خوها ومراتو ، واليديها ماتو وخلاوها صغيرة وخوها لي تكلف بتربيتها، بسمة لي مخطوبة بحبيب قلبها وكيديرو مافجهدهم باش إكملو فلوس الدار عاد إيديرو العرس، بسمة إنسانة ضريفة معاك إلى كنتي ضريف أما إلى كنتي شراني فكتكون كثر منك هي ضحوكية ونشايطية، معندهاش الصحابات وحتى خوها كيحبسها عليها السبب كيرجع لمشكل دارتو ليها وحدة مع خوها، من تماك ضربات عليهوم حتى تعرفات مع حسناء.
كانت فبيتها الصغير لابسة بيجامة فالأسود وجامعة شعرها البني بقراصة ، عاطياها للضحك مع حسناء فواتساب ، حتى دخل عليها خوها الكبير لي رباها وكبرها إعتابرها بنتو قبل لا تكون ختو، تقرب لجهتها وگلس حداها.
علي: الزين ديال خوها أش كدير.
بسمة( بإبتسامة): والو لقيتيني منشطة مع حسناء.
علي: أش كتعاود لباس عليها ، واش باقة مع دوك الناس.
بسمة: لباس عليها ، أه باقة معاهوم، على مكاتعاود ليا كيعاملوها مزيان.
علي: إوا مزيان ، أجي گال ليا الحاج مغتخدميش غدا ، ياك لباس ضراك شي حاجة.
بسمة( عنقاتو): لا أخويا مابيا والو غي عييت وبغيت نرتاح ودرت مع حسناء نخرجو أنا وياها.
علي: كون غي درتي بالناقص من ديك الخدمة، أنا كاين ونتي كتخدمي.
بسمة: الله إحفضك ليا أخويا، ماشي على داكشي راك عارف الدار خصنا نكملو ليها فلوسها، متعاونين مع بعضياتنا.
علي: الله إكمل عليكم بالخير، أنا بغيتك غي تكوني مرتاحة فحياتك.
بسمة: ربي إخليك ليا أخويا العزيز( شافت فيه) أجي گاع محبستيني على حسناء ولا تدخلتي علاش زعمة أممم.
علي( بإبتسامة): على ماعاودتي عليها بقات فيا وشفت فيها راسي أنا وياك ، وبانت ليا بلي محتارمة وداخلة سوق راسها وحتى نتي رتاحيتي ليها أو لا.
بسمة: عندك الحق هي بنت ضريفة بزاف وحنينة وداخلة سوق راسها غي الزهر لي معندهاش.
أنت تقرأ
هناك أمل
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
