هناك أمل

بارت31

🍂 هناك أمل 🍂
     🍸 مصادفتك هي الحلم لواقعي وحقيقة لنبض قلبي 🍸

بارت31

الحاج: واش أولدي عندو شي علاج ولا شي دوا .

سليمان(هز الدوا بين إيديه وهو كيشوف فيه): كاين العلاج السلوكي المعرفي CBT , وكاين هذا( وراهوم الدوا) نوع من مضادات الإكتئاب SSRIS، هو لي كيهدنها بحال هكا(شار لجهة حسناء).

كلهم شافو فيها بحزن على حابتها وسولاتو نزهة ثاني.

نزهة(بصوت حزين): وهداك لاخر أخويا أشنو هو اضطراب مابعد الصدمة ؟؟.

سليمان: هو Post-traumatic Stress Disorder or PTSD، يعني إضطراب نفسي قد يحذث بعد تعرض الشخص لحذت صادم أو مؤلم أو مشاهدته ، من الكوارث الطبيعية أو حواذت السير أو (فور ماوصل لهادي شاف جهة ليلى لي حتى هي كتشوف فيه و هو إنطقها وضاغط عليها ) أو إعتداء جسدي أو جنسي(فور مشاف ليلى بعدات منو عينيها تأكد من الموضوع بلي حسناء تعرضات لشي صدمة فحياتها من غير موت واليديها) الوليدة عندك متگولي.

ليلى كتبكي فصمت وهي حانية راسها مقدراتش تهزو فيهوم، وكلهم تعجب لطريقة سليمان مفهموهش ولا مبغاوش إفهمو .

ميلود(بتأكيد): غيكون موت واليدها هو السباب أه هو هو السباب.

كولشي ساكت وكل واحد فاش كيفكر إلا ليلى لي غي كتبكي.

سليمان(بشك): ماشي غي موت واليديها ، السباب شي حاجة أخرى أنا حالتها قريتها نهار لول وكنت عارف كاينة شي حاجة(شاف فليلى) الواليدة مغاتگولي والو شكون هداك لي كانت كتگول ليه بعد مني شكون هو .

كيتسناو فيها ولا بغات ترحمهوم وهو عقلو خدام كيربط الأحذات حتى سمعها قالت.

ليلى(بحزن): أنا منقدرش نگول ليكوم شي حاجة (شافت فحسناء) هي الوحيدة لي عندها الحق تعاوذ على حياتها لي بغيتكوم تعرفوه هو أن هاد البنت عنات بزاف فحياتها و باقي كاتعاني حيث أثر الماضي باقي تابعها هئ هئ هئ هئ .

ليلى كتدوي وهو كيشوف فيها كيفاش ناعسة وماكلمية فبلاصتها ، بغا إعرف سبابها ولكن مابغاش إزرب شوية بشوية وحتى ليلى مبغاش إضغط عليها لي فيها كافيها.

الزوج ديال ليل وسليمان باقي مجاه نعاس كيفكر و كيفكر فشنو السبب حتى ولات على هاد الحالة ، شكون سبابها لي لحضة فكر إقلب على الطبيبة لي شخصات حالتها ، الناس العادية غيجيوهوم هاد الاضطرابات عادية علاه شكون فينا لي مكايقلقش ، لا القلق بوحدو و إضطراب القلق العام بوحدو مختالفين و كل واحد و أضرارو و سليمان عارف مزيان بلي هاد الاضطرابات لي عند حسناء صعاب وخصهم علاج دائم و طويل وصعيب إجيب النتيجة طريق العلاج صعيبة خصوصا أن حسناء كتعاني من مرض مزمن ، الأمراض النفسية هي لي كتسمى بالقاتل الصامت ، حيث الناس مكايعطيوهومس أهمية والمرضى مكيبغيوش إگولو أنا مريض بمرض نفسي لهذا كيتفاقم الوضع وكيتسبب فكوارث منها الإن،تح،ار و إعتداءات ...

جا اليوم الموالي كولشي على مائدة الفطور إلا هي  باقي فبيتها أصلا بسباب الدوا لي شربات والنوبة لي جاتها صعيب تفيق اليوم، كاملين فوق الطبلة ولكن كاملين مغيرين حتى واحد معندو الخاطر .

الحاج: نوضي أليلى شوفي البنت واس فاقت ، غايكون فيها  الجوع مكلات والو من البارح .

ليلى(بحزن): مزال مغاتفيق الحاج الدوا والنوبة إلى جاتها كيهدو ليها صحتها مغتفيقش دبا حتى الليل عاد غتكون شوية.

نزهة(بحزن على حال حسناء): مسكينة بقات فيا معندها زهر.

سليمان مافيه باقي لي إسمع هاد الهضرة وهو إتم نايض من بلاصتو وخرج من الدار بالزربة هاد النهار معصب غي مع راسو .